المحتويات
متلازمة القولون العصبي أو القولون المتهيج هو أكتر الأمراض المنتشرة بين أمراض الجهاز الهضمي، والمصابين بيه بيعانوا من أعراض كتير بتختلف حدتها حسب الشخص ومحفزات الألم وبتأثر على درجة نشاطه وقدرته على القيام بأعمال مختلفة.
أسباب الإصابة بالقولون العصبي
في أسباب كتير بتسبب الإصابة بيه بتختلف بين المعنوي والجسدي زي:
- اضطراب في الحركة المعوية أو ظهور مجموعة من الاضطرابات الحركية في القولون والأمعاء الدقيقة زي الإمساك والإسهال
- زيادة الشعور بالألم الصادر عن جدار القولون والشعور بالضغط
- امتلاء المستقيم أو أجزاء تانية من القولون بكميات صغيرة من البراز وده بيسبب ضغط على الغاز اللي بينتج عنه آلام البطن الشديدة
- المعاناة من مشاكل نفسية أو اجتماعية زي الاكتئاب والقلق
- الإصابة بحساسية من نوع طعام معين زي حساسية القمح أو الألبان
- التهاب الأمعاء
- التغييرات الهرمونية خاصة أثناء فترة الدورة الشهرية
- الإصابة بنوع معين من البكتيريا أو الفيروسات
معلومات مهمة عن القولون العصبي
أمراض الجهاز الهضمي بشكل عام بتظهر أعراضها الشديدة فجأة وتختفي مع الانتظام على الأدوية وده بيسبب معاناة كبيرة للشخص المصاب، وحركة الأمعاء وحساسية الشعور بالألم يتم ضبطها من خلال اتصال متبادل بين الجهاز الهضمي والجهاز العصبي المركزي والاضطرابات المحتملة اللي بتحصل بتضعف عملية الاتصال وبتأثر عليها، وبالتالي ظهور أوجاع مزمنة وصعوبة في دخول الحمام بانتظام.
أعراض القولون العصبي
- آلام مزمنة في البطن
- إسهال مزمن
- إمساك مزمن
- إسهال وإمساك بالتناوب
- انتفاخ البطن
- زيادة غازات البطن
- الشعور بالتعب والإرهاق
- انتفاخ المعدة
- شكل غير سليم للبراز سواء كان متصلب أو مائي
- انتفاخ البطن
- آلام تشنجية أسفل البطن وقلة حدته بعد دخول الحمام
- ظهور الآلام الصبح أو لو بتمر بضغوط نفسية أو اجتماعية
- بعض المصابين بيعانوا من البراز القاسي الصبح وبعدين براز لين أكتر
أعراض القولون العصبي الحاد
- فقدان الوزن بشكل ملحوظ
- الإسهال الشديد بالليل
- التقيؤ الشديد
- الإصابة بفقر الدم بسبب نقص الحديد الناتج عن الإصابة بمتلازمة القولون العصبي
- وجود نزيف في المستقيم
تشخيص القولون العصبي
- الجأ للتشخيص في حالة الشكاوي المستمرة أو لفترات طويلة مع استمرار الأعراض وبيتم على أكتر من مرحلة
- الدكتور بيقيم طبيعة الشكوى ومدتها والأمراض السابقة والتاريخ الطبي والأدوية المنتظم عليها والعادات المختلفة زي التدخين
- الفحص البدني الشامل
- عمل التحاليل المعملية اللي هيطلبها الدكتور زي تحليل البراز والغدة الدرقية
- اللجوء لتحاليل تانية مساعدة في حالة عدم وضوح أسباب الألم في التحاليل الأولى زي تحليل حساسية اللاكتوز
المضاعفات
تدني جودة الحياة: الأبحاث أثبتت إن الأشخاص المصابة بيه بيغيبوا عن العمل تلت أضعاف أيام الاشخاص غير المصابة بيه
اضطرابات المزاج: ممكن أعراض الإصابة بيه تسبب تغييرات مزاجية لحد الاكتئاب والقلق العام
العلاج
الأدوية: من خلال اللجوء لدكتور متخصص والانتظام على أدوية تساعد على علاج تشنجات القولون أو ممكن يرشحك لأخصائي نفسي في حالة المعاناة من مشاكل نفسية شديدة
العلاج بالأعشاب: وده بيحتاج فترة طويلة وممكن تتبع الخطوات دي للوقاية منه
النعناع الدافئ فيه خصائص مهدئة للأعصاب والقولون
البابونج بيساعد على الاسترخاء وبيقلل أعراض الإصابة بيه خاصة بالليل وبيقلل حدة الإسهال
مشروب بذور الشمر بيقلل انتفاخات وتقلصات الأمعاء
للوقاية منه وتقليل حدته
- الانتظام على ممارسة الرياضة
- تقليل المشروبات الغنية بالكافيين
- تقسيم الوجبات لوجبات أصغر وتناولها على مدار اليوم
- الاهتمام بأكل أطعمة غنية بالبروبيوتيك زي الزبادي والمخلل الصحي
- تجنب الأطعمة المقلية والحارة
- مراقبة نظامك الغذائي عشان تقدر تحدد الأطعمة المحفزة للألم زي البقوليات وتتجنبها
- الابتعاد عن التوتر أو إيجاد طرق مناسبة للتعامل معاه زي اليوجا أو تمارين التأمل
- اشرب كميات كافية من المياه والسوايل
- اتباع نظام غذائي غني بالألياف (بين 20-30 جم يوميا) لأنها بستاعد على منع الإمساك
