المحتويات
القراءة بتعتبر من الأنشطة المهمة لبناء الشخصية وتعلّم الخبرات واكتساب مهارات جديدة في الحياة بجانب إنها نافذة الشخص على مختلف العلوم والفنون والآداب، وبالتالي مهم تعرف فوائدها وطرق تحويلها لعادة أساسية في يومك بجانب مهارات القراءة السريعة اللي هتساعدك تقرأ أكبر قدر ممكن من الكتب في وقت قليل.
فوائد القراءة
- بتقوي العقل لأن اتصال خلايا المخ العصبية بيزيد خلال القراءة خاصة في القشرة الحسية الجسدية المسؤولة عن الحركة والألم
- الاهتمام بيها للأطفال من سن سنة واحدة لحد المرحلة الابتدائية بيساعد في تكوين مفردات لغوية أكتر وتعزيز الأداء المدرسي وبناء مهارات تواصل جيدة
- بتنمي القدرة على فهم مشاعر ومعتقدات الآخرين
- بتساعد في تطور حجم المفردات عند الطلاب وده بيأثر بشكل إيجابي على المستوى الدراسي وفرص العمل
- بتجبر المخ على التفكير النقدي وإجراء الروابط بين فصول الكتاب ومقارنات مع العالم الخارجي
- بتقوى الشبكات العصبية في المخ وتعزز التفكير بشكل أسرع وبتحمي المخ من التدهور المعرفي وأمراض الخرف زي الزهايمر
- دراسات قالت إن الحفاظ عليها كعادة يومية بينمي القدرة على التركيز والانتباه
- دراسة في جامعة ستانفورد بتقول إنها بتقوي القدرة على التذكر واستيعاب المعلومات المعقدة بسرعة
- خبراء بيأكدوا إنها بتساعد على تنمية مهارات التواصل مع المحيطين والقدرة على التعاطف معاهم
- بجانب أهميتها في اكتساب الذكاء العاطفي الضروري في أي مجال عمل
كيفية تحويلها لعادة يومية
- خطط وقت محدد في يومك مهما كانت المدة قليلة
- اختار كتاب في مجال بتحبه وعندك شغف تعرف أكتر عنه
- حدد عدد صفحات معينة تقرأها يوميا وزوّد عدد الصفحات كل يوم
- خلي الكتاب معاك في أي مكان أو احتفظ بنسخة منه على الموبايل سواء مقروءة أو مسموعة
- جرّب أكتر من وسيط عشان تختار المريح أكتر بالنسبة لك
- كافيء نفسك كل فترة طالما بتحقق تقدم في التعود على القراءة
- بلاش تستغرق فيها لمدة طويلة وفي كتب بعيدة عن اهتمامتك في البداية
- هتمل بعد فترة قصيرة وهتتشكل في مخك خبرة سيئة عن التجربة هتقلل فرص تكرارها
- اشترك في مجموعات القراءة على مواقع التواصل عشان تحس تزود حماسك
- خبراء بينصحوك إنك تبدأ بقراءة رواية مقتبس منها فيلم بتحبه
- افتكر إن الموضوع هيجي مع التعود والاستمرار فيها وتثبيتها كعادة يومية زي الأكل والشرب
تعلم القراءة السريعة
- اتدرب على استخدام عينك فقط وقتها وبلاش تنطق الكلمات أو حتى تحرك شفايفك بيها
- أكل اللبان أثناء القراءة هيساعدك تتحكم في نفسك خصوصًا في البداية
- بلاش تبص على حاجة قرأتها وفهمتها ولو عينك جت عليها تجاهلها فورًا
- استخدام كارت أو ورقة صغيرة أثناء القراءة تغطي بيها الأجزاء اللي قرأتها
- قلل حركة عينك وإنت بتقرأ قدر المستطاع عشان تقرأ أسرع من خلال تقسيم السطر لأربع أماكن رئيسية بتبص عليهم وبتقرأ من خلالهم كل الكلمات
- السيطرة على حركة عينك بتقلل الوقت المستغرق فيها
- درب نفسك عن طريق استخدام قلم يحدد اتجاهك البصري ويزود تركيزك
- واعرف إن حركة عينك الزايدة بتزود فرص قراءة كلمات أو سطور قرأتها قبل كده
- خصص وقت يوميًا تقرأ فيه وحدد مدة زمنية تخلص فيها عدد معين من الصفحات
- ثبّت عدد الدقائق اللي بتقرأ فيه وزوّد عدد الصفحات عشان توصل لأحسن نتيجة
- اعرف إن الإضاءة المناسبة في مكان القراءة هتساعدك تحقق نتايج أحسن
- بلاش اهتمامك بالقراءة السريعة يخليك تهمل التركيز في المحتوى اللي بتقرأه واستيعابه
- واستريح 5 دقايق كل 20 دقيقة عشان توصل لأحسن نتيجة
تشجيع الأطفال على القراءة
- احكي لطفلك حواديت قبل النوم من سن صغير والأحسن تقرأها من كتاب وخليه يتفرج معاك على الصور
- خليه يشوفك دايمًا معاك كتاب بتقرأ فيه.. وحاول تبسط له موضوع الكتاب لما يسألك
- اسأله قبل ما تجيب كتب له وحاول تجمع بين اهتماماته وبين الكتب اللي تنمي ثقافته
- اختار كتب مناسبة لسنه وفيها قدر كبير من الصور عشان تجذبه
- هتنمي جواه حب الكتاب ومع السن هينجذب لنوعية الكتب اللي في إيد الكبار
- اشتراك طفلك في مكتبة هيحببه في القراءة أكتر
- أغلب المكتبات بتعمل أنشطة ترفيهية وثقافية بتجذب بيها الأطفال
- هترتبط معاه القراءة بذكريات جميلة ودورها هيبقى أساسي في حياته
- وعي الطفل بالقراءة مش بس للكتب وشجعه يقرأ أي حاجة قدامه زي شريط الأخبار أو منيو مطعم أو حتى إرشادات لعبة جديدة
- اسأله فهم إيه وحاول تفهمه الصح وبين اعتزازك وفخرك بثقافته لأنه وقتها هيحس إنه مميز عن باقي اللي في سنه وهيحبها أكتر
