المحتويات
الفوط الصحية من المستلزمات الأساسية اللي بتستخدمها السيدات بشكل متكرر سواء أثناء الدورة الشهرية أو يوميا لامتصاص العرق، لكن في معايير ونصائح لازم تتبعيها عشان تستخدميها صح وتتجنبي أضرارها.
أنواع الفوط الصحية
الفوط اليومية
بتستخدم بشكل يومي على الملابس الداخلية عشان تمتص العرق وإفرازات المهبل
ليها فوائد كتير زي:
- بتمتص أي إفرازات زيادة خاصة في فترة قبل وبعد الحيض أو بسبب تركيب مانع اللولب (وسيلة منع الحمل)
- بتحافظ على إحساس الجفاف والانتعاش طوال اليوم وبتمنع أي روائح كريهة
- بتحافظ على نظافة الملابس الداخلية وبتحمي من الالتهابات المهبلية
- بتجنبك أي إحراج في حالات الدورة الشهرية المفاجئة
- ممكن تستخدمي الفوط اليومية في التدفق الخفيف بعد الولادة
- مهم تغييرها 5 مرات في اليوم
- الأفضل تكون قطنية وتجنبي المعطرة لأنها ممكن تسبب حكة وتهيج منطقة المهبل
- تجنبي ارتداء الفوط اليومية قبل النوم عشان تدي فرصة للجلد يتنفس
- قبل ارتدائها.. اتأكدي من غسل إيدك كويس عشان تتجنبي نقل البكتيريا الضارة
فوط الدورة الشهرية
- مصنوعة من أنسجة أكتر كثافة عن الفوط اليومية ومخصصة لامتصاص الدم أثناء الدورة الشهرية بدون تسريب
- تنقسم لنوعين، نوع مخصص للاستخدام مرة واحدة ونوع تاني بيستخدم أكتر من مرة بعد غسله وهي أقل في التمن وأقل تأثيرا على البيئة لأنها مصنوعة من مواد طبيعية
السدادات القطنية
- هي عبارة عن بديل للفوط الصحية ومصنوعة من مادة ماصة وهي مضغوطة بإحكام على شكل أسطوانة صغيرة
- فيها أدوات مخصصة بتساعدك في التطبيق وإدخال السدادات إلى منطقة المهبل
- مكونة من أنابيب بلاستيكية أو من ورق مقوى التي تساعد في تثبيت السدادات في مكانهامن غير ما تتحرك وفي اخرها خيط متصل بها لتسهيل خروجها
- عملية للقيام ببعض الأنشطة زي ممارسة الرياضة أو السباحة أثناء الدورة الشهرية
- ليها أحجام مختلفة عشان تتناسب مع الدورة الشهرية سواء كانت خفيفة أو غزيرة
أكواب الحيض
- كأس الحيض (Menstrual Cup) عبارة عن كوب مرن مصنوع من السيليكون أو مطاط اللاتيكس
- مناسب للاستخدام لأكتر من 12 ساعة في المرة الواحدة ومريح لفترات النوم بالأخص
- في منها نوعين، نوع بيستخدم مرة واحدة ونوع بيستخدم لأكتر من مرة
- يساع كمية أكبر من الدم من المهبل عن الفوط الصحية والسدادات القطنية
- الأطباء قالوا إنها أكتر أمان من السدادات القطنية لأنها بتقلل خطر المشاكل المرتبطة بيها زي الالتهابات والحكة وتهيج الجلد
نصائح استخدام الفوط الصحية
- اغسلي إيدك كويس قبل الاستخدام بكل أنواعها (الفوط الصحية/ التامبون)
- غيريها كل 4- 5 ساعات حتى لو مش مليانة لتجنب تراكم البكتيريا والإصابة بالتهابات مهبلية
- الفوط اللي بتحول السايل لمادة لزجة فيها مواد كيميائية بتعلى نسب الإصابة بسرطان الرحم والمثانة
- الأنواع البلاستيك ممكن تسبب مرض التهاب الحوض والحساسية والتهاب/ حك الجلد
- الأفضل تستخدمي الأنواع المصنوعة من القطن لتجنب ظهور الطفح الجلدي.. خلي المكان جاف معظم الوقت واستخدمي مرهم مطهر بعد الاستحمام وقبل النوم
- تجنبي استخدام الفوط الصحية المعطرة لأنها بتسبب الالتهابات والحكة
- عدم تغيير التامبون لمدة ساعات طويلة ممكن يسبب متلازمة الصدمة السامة
- أعراضها هي ارتفاع درجة الحرارة/ القيء/ الإسهال/ غياب الوعي/ الطفح الجلدي/ ألم الرأس ونسبة الموت في الحالات الخطر منها بتوصل لـ15%
- مهم تغسلي منطقة المهبل كويس ونشفي المكان بعد كل مرة تستخدمي الحمام
- تجنبي رميها بدون قفلها/ تغطيتها كويس لأنها ممكن تسبب إصابة جامع القمامة بالتهاب كبد (ب)
- اغسلي إيدك كويس بعد تغييرها لتجنب العدوى الفطرية أو الإصابة بالتهاب كبد (ب)
أضرار الفوط الصحية
ممكن تسبب إصابة السيدات ببعض الأضرار اللي بتختلف حسب طبيعة جسم كل امرأة، وطريقة الاستخدام، وأهمها:
السرطان
- ممكن طريقة الصنع تعرض السيدات للإصابة بالسرطان بسبب مادة الـ BPA (تدخل في صناعة البلاستك) واللي الأبحاث أثبتت مدى خطورتها وخاصةً على المناطق الحساسة بالجسم
- ممكن تسبب الألياف الموجودة في الفوط الإصابة بسرطان عنق الرحم لأنها مصنوعة من جيل السليلوز
الديوكسين
بعض الأبحاث أثبتت إن المادة الكيميائية المستخدمة في تبييض الفوط الصحية ممكن تسبب إصابة السيدات بـ:
- تغميق الجلد
- تغيير وظائف الكبد
- تلف الجهاز المناعي والسكري
- اختلال وظائف الهرمونات
- التهاب الحوض
- عدوى الخميرة المهبلية
- الفوط الصحية الشهرية فيها عطور ومزيلات رائحة العرق عشان تغطي على رائحة الدم الفاسد واللي ممكن تسبب العدوى بالخميرة المهبلية
بكتيريا المكورات العنقودية
استخدامها لفترات طويلة في اليوم الواحد بيسبب نمو بكتيريا المكورات العنقودية الذهبية في المهبل واللي يطلق عليها متلازمة الصدمة السامة وأعراضها:
- الدوخة
- الحمى
- الإسهال
- انخفاض ضغط الدم
