المحتويات
الفرنش توست من الوصفات اللذيذة اللي ممكن تتناولها على وجبة الإفطار أو العشاء، وممكن كمان مع فنجان شاي أو قهوة، مع إضافة الفاكهة زي التوت أو الفراولة، أو مع صوص الشوكولاتة أو الكراميل.
طريقة عمل الفرنش توست التقليدي
المكونات
- 4 شرايح توست سميك وممكن التوست العادي
- بيضتين
- معلقتين كبار سكر بني أو أبيض
- نص كوباية لبن
- معلقتين كبار زبدة
- معلقة صغيرة فانيليا سايلة
الطريقة
- اخلط البيض مع السكر وبعدين ضيف اللبن والفانيليا وقلبهم كويس
- اغمس التوست في الخليط واتأكد انه اتشرب من كل ناحية
- سيح الزبدة في الطاسة وحمص التوست فيها من كل الجوانب لحد ما ياخد لون دهبي
- افرد النوتيلا بين كل شريحتين وحط طبقة منها فوق وبعدين الآيس كريم
- ممكن تزينها بصوص شوكولاتة (اختياري)
فرنش توست بالقرفة
المكونات
- 4 شرايح توست
- 3 بيضات
- معلقة كبيرة سكر
- تلت كوباية لبن
- نص معلقة صغيرة فانيليا
- نص معلقة صغيرة قرفة
- معلقة كبيرة زبدة
الطريقة
- اخلط البيض مع اللبن والسكر والفانيليا والقرفة
- اغمس قطع التوست في الخليط
- سيح الزبدة وحمر التوست فيها من كل الجوانب
- زيّن قطع التوست بالسكر البودرة أو بصوص كراميل وممكن تضيف شرايح تفاح
فرنش توست بالكريم بروليه
المكونات
- باكت توست
- 5 بيضات
- كوباية لبن
- نص كوباية قشطة
- معلقة صغيرة فانيليا
- معلقة صغيرة قرفة
- رشة ملح
- معلقة ونص زبدة
- تلت أربع كوباية سكر بني
- تلت كوباية صوص كراميل
الطريقة
- اخفق الزبدة مع السكر البني وصوص الكراميل، وضيف البيض واللبن والقشطة والفانيليا والقرفة والملح
- افرد التوست في صينية مدهونة زبدة، ووزع عليها الخليط
- غطي الصينية وسيبها في التلاجة لمدة ساعة، ودخلها الفرن على درجة حرارة 180 لمدة 25 دقيقة
الفرنش توست بالشكولاتة
المكونات
- 4 بيضات
- نص كوباية لبن
- نص معلقة صغيرة فانيليا
- 8 شرايح توست
- ربع كوباية شوكولاتة سايلة
- 4 معالق كبيرة زبدة
الطريقة
- اخلط اللبن مع البيض والفانيليا
- ادهن كميات متساوية من الشوكولاتة على 4 شرايح توست، واقفلها بشرايح التوست الباقية
- غمس سندويشات الشوكولاتة في خليط البيض
- سيح الزبدة وحمر فيها التوست من كل الجوانب
