المحتويات
الغدة الدرقية مكانها أمام القصبة الهوائية تحديدًا في آخر الرقبة على شكل فراشة، بتحتوي على خلايا كيسية وظيفتها إفراز هرمونات الغدة، وبتعتبر من أكبر الغدد الصماء في جسم الإنسان، وزيادة أو قلة نشاطها بينعكس فورًا على صحتك وممكن يسبب مشاكل صحية خطيرة.
الوظيفة الأساسية
- الغدة الدرقية من الغدد الصماء وده معناه إنها بتفرز هرموناتها مباشرة للدم بدون قنوات
- بتاخد أوامرها من الغدة النخامية عن طريق هرمون الـ (TSH) وهو نفسه اللي بينتج هرمونات الغدة الدرقية ( T3-T4)
- بتعتمد على اليود لعملية التمثيل الغذائي اللازمة لإنتاج الطاقة من الأطعمة
- الهرمونات دي دورها أساسي في عمليات الأيض الحيوي في الخلايا وتبادل السكريات، والدهون، والبروتينات، وتنشيط الدورة الدموية، والمساعدة في عملية الهضم داخل المعدة
- بتساعد في عملية بناء الجسم والتطور العقلي للإنسان
- النقص أو الزيادة في نشاطها معناه خلل في هرمونات ( T3-T4)
أعراض خمولها
- سقوط الشعر
- جفاف الجلد
- الإمساك المزمن
- ضعف الشهية
- زيادة الوزن بصورة غير طبيعية رغم ضعف الشهية
- اضطراب نبض القلب
- تورم الرقبة
- بطء التفكير وضعف التركيز واضطرابات الذاكرة
- ضعف العضلات وبطء الحركة
- الشعور بالبرد
- انتفاخ الوجه والعينين
أعراض زيادة نشاطها
- اضطراب ضربات القلب
- التوتر المزمن
- انخفاض الوزن فجأة وبنسبة كبيرة
- صعوبة تحمّل الحرارة
- اضطراب الدورة الشهرية
- سقوط الشعر
- زيادة حركة الأمعاء
- الرعشة الملحوظة خصوصًا في الإيد
- الأكل بشراهة
- التثدي عند الرجال
- ضعف العضلات والشعور بالتعب
أسباب اضطرابها
- الدراسات بتأكد إنها بتنتشر أكتر بين النساء عن الرجال
- هاشيموتو وهو مرض بيسبب التهاب الغدد بيصيب الشخص في أي مرحلة عمرية لكنه منتشر بين النساء (بين الـ 40 والـ 50 سنة)، وبيظهر لما جهاز المناعة بيهاجم الغدة الدرقية بالخطأ وبيضعف قدرتها على إنتاج وإفراز الهرمونات
- غريفر وهو مرض بيهاجم فيه الجهاز المناعي الغدة، وبيسبب خلل بينتج عنه زيادة إفراز الهرمونات، وبينتشر أكتر بين السيدات بين 20 لـ 30 سنة ومن أسباب الإصابة بيه التدخين والتوتر والحمل
- الدراق وهو مرض بيسبب تضخم في الغدة بسبب نقص اليود وشائع، بين النساء بعد سن الـ40 وبيحصل لما بيتضخم جزء من الغدة وبيعزل نفسه عن باقيها وبيسبب ورم حميد لكن بيسبب اضطراب في نشاطها
- العقيدات الدرقية وهو مرض بيسبب نمو عقد صلبة أو فيها سوايل وإفرازات في الغدة
- دراسات كتير بتبحث في سبب الإصابة بالأمراض دي ولسه بيحاولوا يكتشفوا سببها، لكن الأغلبية بيأكدوا إنها بتحصل لأسباب جينية وبيئية
- أحيانًا بيزيد نشاطها بسبب بعض الأورام بس لازم تجري الفحوصات اللازمة عشان تقيّم حالتك الصحية صح
- أدوية الليثيوم اللي بتستخدم في علاج بعض الأمراض النفسية بتسبب اضطراب فيها
- العلاج الإشعاعي
- جراحات استئصال أجزاء منها
- التهابات بسبب الحمل أو بسبب بعض الأمراض المناعية
مضاعفات الغدة الدرقية
- زيادة خطر النوبات القلبية والسكتات الدماغية بسبب ضعف القلب وعجزه عن توزيع الدم لكل أجزاء الجسم
- مشاكل العين زي جحوظ العين وإحمرارها
- قلة امتصاص الكالسيوم اللي بتتفاقم وبتسبب هشاشة العظام
- التسمم الدرقي اللي بيظهر لما بتتفاقم الأعراض وبترتفع درجة الحرارة وبيزيد النبض وبيبدأ المريض بهذيان ومع الوقت ممكن يبقى فيه خطر على حياته
- احمرار وتورم الجلد في بعض الحالات النادرة
تحليل الغدة الدرقية
- لو حسيت بأي أعراض لازم تعمل تحليل (TSH) فورًا لأنه بيقيس نسبة الهرمون اللي بتفرزه الغدة النخامية وبينشط الغدة الدرقية، وبالتالي زيادته عن الطبيعي معناها قصور فيها وقلته عن الطبيعي معناها الإفراط في نشاطها، ونسبته الطبيعية بتتراوح بين ( from 0.5 to 5.0 mIU/L)
- مهم تعمل تحليل لهرمون T3 واللي بتتراوح نسبته الطبيعية بين 80 إلى 220 ng/dL، وهرمون T4 اللي بتتراوح نسبته بين 5.0 إلى 12.0 μg/dL
- إجراء اشعة رنين مغناطيسي على الغدة الدرقية
- تحاليل الكوليسترول (LDL-HDL) لأن انخفاضه معناه اضطراب في معدل الإيض وبالتالي مشكلة في الغدة الدرقية
- بعض الفحوصات بتبقى عن طريق امتصاص نسبة بسيطة من اليود المشع وقياس نشاط الغدة الدرقية بعد 4 أو 6 أو 12 ساعة لمعرفة مدى سرعة وكفاءة امتصاصها لليود
تأثير كورونا عليها
دراسة في جامعة هيوستن الأمريكية بتقول إن كورونا بتأثر على الغدة الدرقية عند 15 لـ 30% من المصابين، وممكن تسبب قصور في الغدة الدرقية خصوصًا مع زيادة حدة الإصابة بكورونا، وبتوصل الحالة أحيانًا للتسمم الدرقي.
تأثيرها على الصحة الجنسية
الخبراء بيأكدوا إن مشاكل الغدة بتسبب جفاف المهبل عند السيدات وبالتالي آلام وقلة الاستمتاع أثناء العلاقة الجنسية، وبيقل هرمون التستيرون عند الرجال لأنه بيسبب عدم توازن في الهرمونات وبالتالي ضعف الانتصاب، بجانب إن دراسة لجمعية الطب الجنسي في أمريكا الشمالية أثبتت إن نشاطها عند الرجال بيزود نسبة القذف المبكر وخمولها ممكن بيسبب القذف المتأخر.
علاج الغدة الدرقية
- لازم تستشير طبيب متخصص بعد إجراء الفحوصات اللازمة عشان تعرف الدواء المناسب لحالتك
- زيادة نشاط الغدة الدرقية بيحتاج أدوية زي الميثيمازول (تابازول)، وبتختلف الاستجابة للدواء من مريض للتاني، لكن المفروض تتحسن في مدة من أسابيع لشهور معدودة
- قلة نشاطتها بتحتاج أدوية فيها هرمون الغدة الدرقية الصناعي وهو ليفوثيروكسين اللي بيعوض أي قصور في الهرمون
- أغلب الأدوية بتحتاج تستمر فيها حتى لو الأعراض اختفت تمامًا، وبلاش تاخدها بدون استشارة طبيب متخصص
- مفيش نظام غذائي محدد لمرضى الغدة الدرقية، بس تجنب الإفراط في تناول اليود سواء في الأكل أو الأدوية لأنه بيأثر على امتصاص هرموناتها
- حافظ على نظام غذائي فيه خضروات وفواكه بكميات كبيرة وتجنب المقليات والسكريات
- قلل البروتين الحيواني واستبدله بالبقوليات والأسماك، وتجنب المواد الغازية والوجبات السريعة، والمعلبات الغنية بالمواد الحافظة
- تجنب فول الصويا أو زيوته لأنه بيتداخل مع امتصاص هرمونات الغدة الدرقية
- مهم تشرب مياه كتير على مدار اليوم (مش أقل من 12 كوباية)
- العب رياضة بانتظام يوميًا، وامشي 20 دقيقة على الأقل عشان تنشط الدورة الدموية لكل أجزاء الجسم
- التأمل وتمارين التنفس هتساعدك تقلل توترك لأن هدوء الأعصاب والتفكير الإيجابي دورهم أساسي في العلاج
