العمر الافتراضي للموبايل مهم لأن الموبايل بقى مصدر رئيسي للتواصل في حياتنا، وبتعرض الأسواق أنواع مختلفة بخصائص متنوعة في جودة الكاميرا والأداء الداخلي وسعة التخزين وتقدر تختار منها حسب السعر المناسب ليك، ولأنك أحيانًا بتدفع فلوس كتير في مقابل موبايل يعيش معاك لأطول وقت ممكن، لازم تحافظ على عمره الافتراضي لأطول وقت عشان تقلل فرص صيانته وتلّفه وتحافظ عليه.
- الهيئة الألمانية لاختبار السلع بتقول إن شحن البطارية لحد 100% بيقلل عمرها الافتراضي.. الأحسن توقف الشحن لما تتشحن البطارية بنسبة 80%
- ممكن تخليه يشحن من 0% لـ100% مرة واحدة في الشهر
- استخدم الشاحن الأصلي وقلل استخدامك للباور بانك قدر المستطاع والأحسن تشحن من فيشة في الحائط
- اتأكد إنك بتستخدم راس الشاحن الأصلية مش أي نوع تاني لأنها بتتحكم في تدفق الكهرباء للبطارية وممكن تزود فرص تلفها
- نضف التليفون كل شوية وركز على فتحات الشاحن والسماعات
- امسح أي بيانات أو تطبيقات مش بتستعملها
- خزن أغلب بياناتك على الكلاود
- ركب سكرين بروتكتور (حامي الشاشة) لحمايتها من أي كسر
- اسأل على كفاءة أي تحديث للسوفتوير (نظام التشغيل) على نوع تليفونك قبل ما تنزله
- حاول تقفله قدر المستطاع في الأوقات اللي مش بتحتاجه فيها
- احفظ تليفونك بطريقة آمنة وقت ممارستك للرياضة أو لمجهود بدني عنيف وابعده عن متناول الأطفال والحيوانات الأليفة
- خليك حريص قبل تحميل أي حاجة عليه واتأكد إنها من مصدر موثوق عشان تحافظ على العمر الافتراضي للموبايل
