العقل الباطن هو مجموعة خبرات مختفية عن عقلك الواعي بس بتأثر على سلوكك وأفعالك ورغباتك ومخاوفك، والدراسات بتأكد إنه بيشتغل وفقًا لنظام محدد ودقيق وبيساعد على التحكم في أغلب ردود الأفعال وتفسير الأمور، وفقًا للمواقف والخبرات المتراكمة اللي مرّ بيها الشخص حتى لو الشخص نفسه مش مدرك سبب تصرفاته.
تعريف العقل الباطن
- كل الخبرات والمعلومات والبيانات اللي بتمر على المخ بتتجمع في شكل روابط عصبية بتنشط وقت الحاجة إليها
- دراسات كتير اتكلمت عن دور العقل الباطن في تصرفات الإنسان بدون إحساس منّه وبتظهر ردود الأفعال فجأة وبدون تخطيط
- بيعتبر مجموعة أفكار متناقضة مختفية عن العقل الواعي ولكنها مؤثرة في سلوك الشخص الخارجي أو حتى في أفكاره الداخلية
- سواء كانت خبرة سيئة سابقة عاشها وبتتولد منها مخاوف مرتبطة بتكرار نفس التجربة تاني
- مثلًا لو شخص أصيب بفيروس كورونا أو توفى شخص عزيز عليه بالمرض بيحاول بكل الطرق إنه يحمي نفسه من خطر الإصابة
- بتطور مخاوفه أحيانًا وبيرفض الخروج من بيته أو الاختلاط بالآخرين عشان يحمي نفسه من الإصابة بالفيروس
- الموضوع مش بس مرتبط بالمرض ولكن بكل التجارب اللي بيمر بيها الشخص واللي بتتخزن في مخه
- بتعتبر مرجعية في أي تصرف أو تجربة بيواجهها الشخص وبيتصرف على أساسها
أهمية العقل الباطن في حل المشكلات
- العقل بيعالج المعلومات بمستويين مختلفين وهما العقل الواعي والباطن
- العقل الواعي بيشتغل على المهام وإدارة الحياة اليومية وبيستخدم 10% من قوة العقل لكن الباطن بيستخدم 90% على العمليات المعقدة والعميقة
- بيتحكم العقل الواعي في الذاكرة قصيرة المدى والتفكير المنطقي والنقدي وإدارة الحياة
- أما العقل الباطن بيتحكم في المعتقدات والعواطف والعادات والقيم وردود الفعل الوقائية والخيال والحدس والذاكرة طويلة المدى
- العقل الباطن يقدر يعالج 500 ألف معلومة أكتر من العقل الواعي
- بحث أمريكي قال إن المخ بيستمر في حل مشكلة ما في منطقة اللاوعي حتى لو انتباهنا موجه لشيء تاني
- الفصوص البصرية والجبهية (أجزاء الدماغ المسؤولة عن صنع القرار والتعلم) بتستمر في معالجة المعلومات حتى لو بتفكر في شيء تاني
- والبحث بيأكد إن السماح للمخ بمعالجة المعلومات بدون وعي بيأدي لقرارات أفضل وواضحة أكتر
طريقة التحكم فيه
- طرق كتير تقدر من خلالها تتحكم فيه وتحاول تقلل تأثيره على قراراتك وحياتك
- اسعى وجرب أي حاجة بتعتقد إنها مستحيلة عشان تساعدك ترسم صورة كاملة سواء نجحت أو لأ
- خصص وقت تصفي فيه ذهنك من التفكير ومارس تمارين التنفس مثلًا خد نفس عميق واكتمه وخرّجه على 5 مرات
- ابعد عن مصادر السلبية في حياتك سواء كانت أشخاص أو أخبار واخلق لنفسك محيط إيجابي
- خليك طموح لتحقيق النجاح في الوقت الحالي في أي مهمة وبلاش تخلي تخطيطك للنجاح في المستقبل فقط
- تخيل تحقيق أهدافك وأحلامك وارسم صورة كاملة ليها بالتفصيل وقدّر قيمة كل الإيجابيات في حياتك سواء صفات أو علاقات
- خليك صريح في التعبير عن مشاعرك وطلباتك وقضي وقت أطول مع ناس بتحبك وبينك وبينهم اهتمامات مشتركة عشان يزودوا ثقتك في نفسك
- الدراسات بتقول إن تحكمك في مشاعرك هو أساس السيطرة على العقل الباطن
- ابدأ بتحليل إحساسك لو لقيت نفسك غضبان من موقف أو متعصب من شخص فكر إيه اللي مخليك حاسس بده
- وافهم الموضوع من زاوية تانية ولإن أفكارك هي اللي بتحرك مشاعرك حتى لو الفكرة اللي في دماغك صح فعلماء النفس بيقولوا إن دي الطريقة الأحسن هي التفكير بعقلانية
- ابذل مجهود وحوّل تحليل المشاعر لعادة مستمرة وبيشرح الكاتب جيمس كلير في كتاب العادات الذرية atomic habits إن أساس أي حاجة بتبدأها هو التفكير في فائدتها
- شارك مشاعرك مع حد بتثق فيه لأن أراء اللي حواليك هتعرّفك الطريق الصح واشغل وقتك بأنشطة مختلفة عشان تقلل أي أفكار سلبية
