المحتويات
الطعمية ضمن قايمة الفطار الأساسي للمصريين، مع الفول والبتنجان والبيض المسلوق، وتعتبر مصدر جيد للألياف والبروتينات النباتية، وبتعزز الشبع لفترة طويلة، لو بتحب تجرب أكلات في البيت.. هنقولك إزاي تعمل الطعمية بطرق مختلفة.
الطعمية المصرية
المكونات
- نص كيلو فول مدشوش مقشر ومنقوع طوال الليل
- حزمة (كرات/ بصل أخضر/شبت/كزبرة/ بقدونس)
- 10 فصوص توم
- معلقتين كبار ملح
- شطة (حسب الرغبة)
- نص ملعقة كبيرة فلفل أسود
- معلقتين كزبرة مطحونة
- 4 معالق كبار كمون
- معلقة كبيرة بيكنج بودر
- بصلة متوسطة
الطريقة
- ضيف الفول المنقوع واغسله وافرمه في الكبه لحد ما يبقى زي العجينة
- نضف الخضرة (الكزبرة والشبت والبقدونس والبصل الأخضر والكرات) وقطعها لقطع صغيرة
- قطع البصل لمكعبات صغيرة وافرمها مع الخضرة والبصل والتوم
- ضيف الفول والملح والفلفل الأسود والكزبرة والكمون واضرب الخليط في الكبة مرة تانية لحد ما يتجانس مع بعض
- احفظ الخليط في أكياس في الفريزر لوقت الاستخدام
الطعمية اللبنانية (الفلافل)
المكونات
- نص كيلو فول مدشوش مقشر ومنقوع طوال الليل
- 3 كوبايات حمص مسلوق
- حزمة بقدونس مفروم ناعم
- حزمتين كزبرة مفرومين ناعم
- 10 حبات توم
- بصلة مفرومة
- عودين بصل أخضر مفروم
- معلقتين كبار ملح
- نص معلقة صغيرة فلفل أسود
- معلقتين كبار دقيق
- معلقة صغيرة بيكربونات الصوديوم
- رشة شطة
- معلقتين صغيرين كمون
الطريقة
- اخلط الحمص والفول في الكبة كويس
- ضيف التوم والبصل والبقدونس والكزبرة والبصل الأخضر
- اخلط المكونات كويس في الكبة لحد ما يبقى خليط ناعم
- ضيف الدقيق والملح والفلفل الأسود والكمون وبيكربونات الصوديوم والشطة
- احفظ عجينة الطعمية في أكياس الفريزر
الطعمية الفلسطينية
المكونات
- 2 كيلو حمص منقوع لمدة ليلة
- 5 فصوص توم مهروس
- حزمتين بقدونس مفرومين
- ربع كوباية أوراق نعناع مفروم
- نص قرن فلفل أحمر حار
- معلقتين صغيرين كمون
- معلقتين كبار ملح
- معلقة صغيرة بيكنج بودر
الطريقة
- اطحن الحمص في الخلاط الكهربائي لحد ما يبقى قوامه طري
- ضيف التوم والبصل والبقدونس والنعناع والفلفل الحار والملح والكمون والبيكنج بودر
- احفظ عجينة الطعمية في أكياس الفريزر
الطعمية السوداني
المكونات
- كوبايتين وربع حمص مسلوق
- 3 أعواد بصل أخضر مفرومة
- 3 فصوص توم مهروسة
- معلقة كبيرة كمون
- نص معلقة صغيرة فلفل أسود
- ربع كوباية بقدونس مفروم
- بيضة
- عصير ثمرة ليمون
- ربع كوباية كزبرة مفرومة
- نص معلقة كبيرة ملح
- تلت كوباية دقيق
- معلقة كبيرة بيكنج بودر
الطريقة
- اخلط الحمص مع البصل الأخضر والكمون والتوم والملح والفلفل الأسود والكزبرة والبقدونس والبيضة وعصير الليمون في الكبة
- بعد ما الخليط يبقى ناعم.. ضيف البكينج بودر والدقيق واخلط مرة كمان كويس
- احفظه في أكياس الفريزر لوقت الاستخدام
