![كمامة](https://howtoarabic.com/wp-content/uploads/2022/01/إزاي-تلبس-الكمامة-صح؟-780x470.png)
المحتويات
كمامة مصنوعة من خامة قوية ومحكمة على وجهك هي أساس حمايتك من الإصابة بفيروس كورونا أو متحوراته اللي سهل تلتقطها عن طريق الرذاذ التنفسي المتطاير من شخص تاني مصاب بالفيروس، وبتنصح منظمة الصحة العالمية بضرورة ارتداء الكمامة بطريقة صحيحة لتقليل فرص الإصابة.
خطوات لبس الكمامة صح
- اغسل إيدك كويس لمدة 20 ثانية قبل ما تمسكها
- اتأكد إن الضوء غير نافذ منها وإنها مش مقطوعة أو مخرومة
- الجزء الملون فيها هو اللي بره وثبت طرفها المعدني على الأنف
- لازم تكون مغطية الأنف والفم كلهم ومفيش أي فراغات في الجوانب ولا واسعة عليك
- تجنب لمسها وإنت لابسها أو إنك تنزلها عشان تتكلم
- اخلعها من ورا الأذنين وابعدها عنك أو عن أي سطح حواليك
- ارميها فورا في أقرب سلة مهملات لأنها بتستخدم مرة واحدة بس
- اغسل إيدك كويس بعد ما ترميها واعرف إنها لوحدها مش هتفيدك لازم تسيب مسافة متر على الأقل بينك وبين اللي حواليك
أهمية الكمامة في تقليل أعراض كورونا
- خبير في جامعة كاليفورنيا بيقول إن ارتداء الكمامة بيقلل جسيمات الفيروس اللي بتوصل للجسم
- لأنها بتقلل كمية الفيروس اللي بتوصل للوجه وبتقلل الجزيئات المعدية
- وبالتالي بيتصدى جهاز المناعة للفيروس بسهولة وبيهزمه بسرعة
- دراسة في جامعة نيو ساوث ويلز الأسترالية بتأكد على صحة الافتراض ده
- بتقول إن في سفينة أرجنتينية أصيب جزء كبير من ركابها بالفيروس وكان أغلبهم مرتدي كمامات و20% فقط من المصابين ظهرت عليهم أعراض الفيروس بقوة
- دراسة صينية اتعملت على نوع من الفئران جزء منه كان مصاب بالفيروس
- التجربة استخدمت مجموعتين واحدة مصابة بالفيروس والتانية مش مصابة
- فصلت بين جزء من الفئران السليمة وبين المصابة بأجزاء شبه الكمامة وباقي الفئران السليمة اختلطت بالمصابة
- النتيجة كانت ظهور أعراض أقل على الفئران اللي فصلوا بينها وبين المصابين بكمامة أما اللي اختلطوا بيهم مباشرة بدون كمامة كانت الأعراض أكثر شدة
أضرار ارتداء الكمامة وقت الجري
- دراسة في جامعة جورج واشنطن بتقول إن الكمامة لازم تغطي الأنف والفم من غير ضغط عليهم لأن الضغط بيسبب مشاكل صحية كتير منها صعوبة التنفس وممكن توصل لاسترواح الصدر
- الاسترواح هو تراكم الهواء بين أنسجة الرئة وجدار الصدر وخطير على الجهاز التنفسي
- دراسة بتأكد إنك لازم تختار كمامة مصنوعة من القطن ومكونة من أكتر من طبقة
- بس في نفس الوقت سمكها لازم يبقى معتدل عشان تتنفس بسهولة وبتضيف إنك لو مسكتها ومر الضوء منها اعرف إنها مش هتوفرلك حماية كاملة
- لما تخلص جري اخلعها من الطرف اللي عند ودنك مش من الكمامة نفسها عشان تتجنب وصول أي إفرازات لإيدك
دور المقاس المناسب في فاعليتها
- دراسة أمريكية بتقول إن مقاس الكمامة تأثيره كبير على درجة حمايتها ليك من الفيروسات
- لما بتلبسها صغيرة على حجم وجهك بتنزل تلقائيًا تحت الأنف لما بتتكلم
- لو واسعة هتتحرك كتير وقت الحركة والكلام لحد دقنك
- دراسة تانية بتقول إن أنفك المكشوف ولو لمدة بسيطة بيزود خطر إصابتك
- حتى لو المدة بسيطة ممكن أي احتكاك بشخص مصاب ينقل ليك العدوى اللي بيلتقطها الممر الأنفي بسرعة
- دراسة في جامعة كامبريدج بتقول إن فاعليتها أساسها مقاسها المناسب ليك
- عدم إحكامها بيزود فرص تحريكك ليها بإيدك وبالتالي بيسهل التقاط أي فيروس عليها
- ضروري تبقى مريحة لأن الكمامة الضيقة ممكن تسبب مشاكل
- خبير في جامعة جونز هوبكنز بيقول إنك لازم تجرب أنواع مختلفة عشان تختار النوع المناسب ليك