المحتويات
الطاعون مرض معدي وسمي على مدار العصور باسم (الموت الأسود) وبيظهر بسبب بكتيريا معيّنة اسمها (اليرسينيا الطاعونية) وبتنتقل من الحيوان للإنسان أو من إنسان للتاني وبيسبب الطاعون مضاعفات صحية خطيرة ممكن توصل للوفاة، وبيعتبر من أشهر الأوبئة تاريخيًا خصوصًا إنه تسبب في وفاة أكتر من ثلث سكان أوروبا في القرن الـ 14.
أنواع الطاعون
الدبلي
- بيسبب تورم العقد اللمفاوية في الأسبوع الأول بعد الإصابة وبتظهر بعض الأعراض زي تورمات في الرقبة أو الإبط في حجم البيضة وبتسبب ألم شديد وقت اللمس
- بيسبب بعض الأعراض زي:
- التعب الشديد
- آلام العضلات
- ارتفاع درجة الحرارة والقشعريرة
- الصداع المزمن
طاعون إنتان الدم
- تكاثر بكتيريا الطاعون في الدم هو السبب الرئيسي لظهور طاعون إنتان الدم ومن أعراضه:
- الإحساس بالضعف الشديد
- القيء والإسهال
- نزيف الفم والأنف والمستقيم
- موت أنسجة الأطراف خصوصًا اليدين والقدمين والأنف
الرئوي
- بيعتبر النوع الأخطر رغم إنه قليل الانتشار عن النوعين السابقين لأنه بينتشر من شخص للتاني عن طريق السعال وتحديدًا الرذاذ المتطاير منّه
- بتطور العدوى خلال يومين من ظهور الأعراض وبتسبب فشل حاد في الجهاز التنفسي
- ومن ضمن أعراضه:
- ألم الصدر
- ارتفاع شديد في درجة الحرارة
- صعوبة التنفس
- الغثيان والقيء
الأسباب
- البكتيريا بتظهر من خلال لدغات البراغيت اللي اتخذت على بعض الحيوانات المصابة ومنها:
- الأرانب
- السناجب
- الفئران
- السناجب البرية
- بتدخل البكتيريا جسم الإنسان لو لمس جرح في جسم الحيوان المصاب
- الكلاب والقطط المنزلية ممكن تصاب عن طريق لدغات البراغيت أو أكل الحيوانات المصابة زي الفئران
- في بعض الحالات النادرة بينتشر الطاعون عن طريق استنشاق الرذاذ المتطاير لسعال حيوان أو إنسان مصاب
عوامل الخطر
- التواجد لمدة طويلة في مكان ريفي مزدحم بالسكان ومنتشر فيه الفئران بجانب سوء خدمات الصرف الصحي
- خطر الإصابة بيزيد عن الأطباء البيطريين اللي بيلمسوا جروح القطط والكلاب المنزلية اللي ممكن تبقى مصابة بالطاعون
المضاعفات
- بيسبب الطاعون جلطات دموية في الأوعية الدموية وبتمنع الجلطات تدفق الدم في الأطراف وبتسبب موت الأنسجة ومع الوقت ممكن ينتج عنها بتر الأطراف
- تفاقم المرض بيسبب أحيانًا مرض التهاب السحايا وهو التهاب أغشية الدماغ والحبل الشوكي
العلاج
- بعض الأدوية بتعالج الطاعون زي:
- جنتاميسين (Gentamicin)
- الستريبتوميسين (Streptomycin)
- الليفوفلوكساسين (Levofloxacin)
- الكلورامفينيكول (Chloramphenicol)
- عزل المريض في المستشفى مع بداية اكتشاف المرض خطوة أساسية لمنع إصابة آخرين بالعدوى
- تفاقم الحالة الصحية بيتطلب التنفس الصناعي وأدوية تنظيم ضربات القلب وضغط الدم
الوقاية
- البس جوانتي لو هتتعامل مع حيوانات شاكك في إصابتها بالمرض
- احمي بيتك من الفئران لأنها من أكتر العوامل اللي بتساعد على انتشار المرض
- استخدم طارد الحشرات المخصص للقضاء على البراغيت
- بلاش تستخدم مضادات حيوية إلا تحت إشراف طبيب متخصص لو مصاب بأي مرض لأن مقاومة جسمك ليها بيقلل فرص فاعليتها لو مصاب بالطاعون
