المحتويات
الشهر العقاري مصلحة حكومية عريقة مستقلة وقايمة بذاتها وليها شخصية اعتبارية ومعنوية مستقلة ولكنها إداريًا بتتبع وزارة العدل وبتتبع هيئات قضائية زي هيئة قضايا الدولة وهيئة النيابة الإدارية وبتتكوّن من قطاعين أساسيين وهما قطاع التسجيل العقاري وقطاع التوثيق، ومؤخرًا قدمت خدمات مصر الرقمية بعض خدمات الشهر العقاري أونلاين.
تاريخ تأسيس الشهر العقاري
- بدأ نشاطه بموجب قانون 114 سنة 1946 وده نفس العام اللي أنشئت فيه هيئات قضائية وقانونية كبيرة زي مجلس الدولة
- كان هدف المستشار محمد كامل مرسي وزير العدل وقتها تطوير منظومة الشهر العقاري وكيان مجلس الدولة وفقًا للكيانين المشابهين في فرنسا
قطاع التسجيل العقاري
الشهر الشخصي
- نظام قديم مش موجود في دول كتير لكن موجود في مصر وبتتخلص منه تدريجيًا
- بيعتبر نظام للتسجيل العقاري ولكن أساسه أسماء الأشخاص عن طريق البحث عن الأسماء الموجودة في السجلات بالترتيب الهجائي بحثًا عن ملكية الشخص لعقار أو شيء معيّن
- بيحتاج لأوراق ثبوتية وأدلة على ملكية العقار لفترات طويلة من الزمن والوضع ده بيشمل مش أقل من 90% من العقارات في مصر
السجل العيني
- هو النظام الموجود في أغلب دول العالم ومعناه إن كل عقار له ورق خاص بيه ومسجل عليه بياناته والمتعاملين عليه وحقوقهم
- بيعتمد على الوضع الحالي للعقار من خلال شهادة الشهود وتحريات الشرطة اللي بتثبت وجود شخص معيّن في العقار لمدة طويلة
- من خلال النظام ده ممكن السيطرة على أراضي كتيرة وحل النزاعات والخلافات
مكاتب التوثيق
- هي المسؤولة عن تحرير ومراجعة العقود والشهادات في شكل وثائق وفقًا لقوالب شكلية معتمدة على أحكام الشريعة الإسلامية والدستور والقانون والآداب
- بعد توثيق العقود والمستندات بيمتلك الشخص القدرة على إثبات أي شيء سواء ملكية أو حق في نزاع معيّن
سيارات توثيق الشهر العقاري المتنقل
- وزارة العدل بالتعاون مع وزارة الإتصالات اطلقت أول سيارة توثيق متنقلة مجهزة بأحدث التقنيات عشان تنهي حالة التكدس في بعض فروع الشهر العقاري
- تكلفة الانتقال لصاحب الشأن (طالب الخدمة) 500 جنيه وتقدر تحجز معاد لتلقي الخدمة على رقم 01555559875
- بتقدم سيارات التوثيق خدمة دعم أحيانًا للفروع الثابتة لتقليل التكدس على بعض الفروع
حجز معاد أونلاين في الشهر العقاري
- حمّل تطبيق أرغب في عمل توكيل على جوجل بلاي
- افتح خاصية الـ GPS عشان يحددلك التطبيق أقرب مكاتب الشهر العقاري ليك
- املا البيانات المطلوبة منّك زي الرقم القومي ونوع المحرر وتاريخ الحجز
- اعرف إن المعاد بيعتبر ملغي لو حجزت وتخلفت عن الحضور
خدمات الشهر العقاري على بوابة مصر الرقمية
- بعض الخدمات ممكن تحجزها وتقدم للحصول عليها أونلاين وبتروح المكتب الأقرب إليك عشان تستلمها
- زي استخراج صورة من (عقد مشهر أو كتاب دوري أو منشور مالي أو منشور فني)
- وخدمات تانية زي استخراج شهادة تصرفات عقارية أو ترجمة عقد مشهر
- ادخل على بوابة مصر الرقمية واكتب بياناتك بالتفصيل واملا كل الخانات المطلوبة منك
- اتأكد إنك معاك كل المعلومات واختار طريقة الدفع سواء ببطاقة ائتمانية أو بوسائل الدفع زي مصاري أو أمان أو فوري
