الشعر الكيرلي: تحديد نوعه والقصات المناسبة وطرق العناية به

الشعر الكيرلي من أكتر أشكال الشعر الترند السنين اللي فاتت، وبيحتاج مجهود ووقت للوصول لأفضل شكل ليه في حالة استخدام الحرارة بشكل منتظم للتخلص من آثارها عليه، وعناية مستمرة لو عايز تحافظ على شكله.

طرق تحديد نوع الشعر الكيرلي

أنواعه بتختلف حسب شكل الخصلة ودرجة الموجة فيها، لأن في أنواع بتكون ناعمة والموجة فيها بسيطة وأنواع تانية الموجة فيها أقوى، وتقدر تحدد نوعه من المجموعات دي:

 المجموعة الأولى: (Type 2)

• (2A): موجة ناعمة بتبدأ في آخر الخصلة
• (2B): موجة أضيق بسيط وبتبدأ في نصف الخصلة
• (2C): موجة ضيقة ومعرض للتجعد أكتر
• المجموعة دي مايلة للويفي أكتر من الكيرلي

 المجموعة التانية: (Type 3)

• الشعر فيها مموج أكتر والموجة بتبان أكتر لما ينشف
• كل خصلة بتكون كيرلي لوحدها
• (3A): كيرلي واسع وبيبدأ من أول الخصلة
• (3B): كيرلي وسعه متوسط وبيبدأ من أول الخصلة وفيه فوليوم أكتر
• (3C): الكيرلي فيه ضيق والخصلة أقصر

 المجموعة التالتة: (Type 4)

•  أكتر نوع كيرلي وطول الشعر بيختلف كتير بعد فرده
• الكيرلي فيه ضيق جدا وبيحتاج تستخدم أكتر من منتج عليه عشان شكله يكون مظبوط
• (4A): الشعر صغير والخصل ضيقة وبتاخد حرف (S)
• (4B): الكيرلي أضيق من النوع اللي قبله والخصل بتاخد شكل (Zigzag)
• (4C): الكيرلي فيه ضيقة جدا وضعيفة
• من أكتر الأنواع اللي بيحتاج ترطيب وعناية قبل وبعد الغسل لأنه معرض للتقصف بسهولة

 طرق العناية بالشعر الكيرلي

الشعر الكيرلي ليه خطوات معينة ممكن تتبعها للعناية بيه وللحفاظ على شكله المحدد أطول فترة

• اغسله من مرة لمرتين أسبوعيا واستخدم الشامبو مرة أسبوعيا ولو هتغسله تاني.. اغسله بالبلسم أو مياه بس
•  استخدم شامبو وبلسم مناسب لنوع شعرك أو مخصص للشعر الكيرلي
•  اعمل ترطيب عميق للشعر مرة أسبوعيا.. دفي زيت جوز الهند أو زيت الزيتون أو زيت الخروع ووزعه على شعرك وسيبه طول الليل
•  استخدم مشط واسع لتسريحه وبعدين فرشة مخصصة لستايلينج الشعر الكيرلي عشان الكيرلز تكون محددة
• سرحه دايما من النص وتجنبي تسريح الجذور وممكن تستخدم أصابعك لفك أي عقد
•  حط منتجات الشعر المخصصة للشعر الكيرلي عليه وهو مبلل زي الكريم والـLeave In واعمل (Scrunch) للشعر من الأسفل في كل الاتجاهات
• قسم شعرك لـ4 أجزاء وحطي عليه كريم الستايلينج مع عمل الـ(Scrunch) لكل جزء
• أو ممكن تستخدم طريقة الـ(Finger Coiling) مع الشعر، وهي لف كل خصلة صغيرة من شعرك على إصبعك عشان تاخد شكل الكيرلي المحدد 
•  استخدم فوطة مايكروفايبر أو تيشيرت خفيف لتجفيفه برفق من الأسفل لأن الفوطة العادية ممكن تسبب هيشانه
• استخدم الـ(Diffuser) عشان تجففيه من الجانبين وبعدين اقلبه للأمام وكرر الخطوات وخليه على درجة حرارة قليلة أو ممكن تسيبه ينشف في الهواء
• استخدم كريم تثبيت أو جل مناسب لنوع شعرك زي اللي فيه بذر كتان بس اتأكد إن مكوناته جيدة لتجنب جفاف الشعر
•  استخدم الـ(Hair Pick) على الجذور برفق عشان تفك الشعر من بعضه وتعمل فوليوم للشعر والخصل تكون شكلها أوسع
•  لما تنامي.. اعملي شعرك في شكل الـ(Pineapple Updo) عشان تحافظي عليه وقت أطول
• الترطيب الأسبوعي مهم وده من خلال وصفات ماسكات مخصصة للشعر الكيرلي للحفاظ عليه من الجفاف أو الهيشان
  

  فوائد بذر الكتان للشعر الكيرلي

• بيساعد على تحديد شكل الخصل الكيرلي وبيحتفظ على تناسقها وتماسكها مدة أطول، وده لأسباب كتير زي:
• غني بالبروتين وأحماض أوميجا 3 الدهنية ومضادات الأكسدة اللي بتقوي الشعر
• بديل طبيعي لجل تثبيت الشعر
• بيوفر التوازن المثالي بين التجديد والترطيب للحفاظ على الشعر ومنعه من الهيشان
• بيحافظ على الشعر من التقصف أو الجفاف
• فيه فيتامين هـ اللي ليه دور مهم للحفاظ على صحة الشعر من التلف وبيقلل التهاب فروة الرأس وبيضيف لمعة للشعر

طريقة عمل جل بذر الكتان في البيت

• اغلي ½ كوباية بذور الكتان في كوبايتين مياه على نار متوسطة لحد ما تلاحظي لزوجة المياه
• استمر في التقليب لتجنب لصق بذر الكتان في القاع
• لما القوام يتقل وتظهر طبقة بيضاء على السطح، صفي الجل بشاشة وحطيه في برطمان محكم الغلق واحتفظي به لمدة أسبوعين في التلاجة
• وزعه على شعرك وهو مبلل باستخدام أصابعك بعد غسله كويس

تسريحات الشعر الكيرلي

الشعر الكيرلي ليه تسريحات مختلفة ممكن تعمليها معاه لتجديد مظهرك وتجنب الملل

 (Romantic Updo)

• ارفعي شعرك في شكل ديل حصان
• لفيه حواليه وثبتيه ببنس
• شديه بسيط عشان يبقى فضفاض

 (Pineapple Updo)

• اعملي شعرك في شكل ديل حصان لكن للأمام
• ثبيته ببنس
• رشي سبراي الشعر عشان يثبت أكتر

  (Side Braid)

• اعملي شعرك من على الجنب
• اعملي الجانب الأقل في شكل ضفيرة وثبتيه ببنسة

 (Messy Half Bun)

• اعملي نص شعرك ديل حصان لفوق
• لفي الشعر اللي فوق في شكل كحكة

 (Classic Slick Back)

• حطي جل مخصص للشعر الكيرلي عليه من الأمام
• حطي (Headband) في نص رأسك

 (Brunch Bun)

• اعمليه في شكل كحكة (Messy)
• لفي حواليها سكارف صغير ملون 

 (Space Buns)

• اعمليه كحكتين (Messy) فوق
• نزلي خصلتين في شكل قصة

 (Braided Bun)

• اعملي 3 ضفاير في شعرك من الأمام
• لفيه في شكل كحكة

 (Elegant Updo)

• اعملي شعرك في شكل ضفيرة (French) وتكون فضفاضة
• دخليها من أسفل رأسك وثبتيها ببنس

 (Corset French Braid)

• اعملي الجزء الأسفل من شعرك في شكل نص ضفيرة (French)
• سيبي باقي الشعر في شكله الطبيعي

 (Twisted Maiden Braids)

• اعملي ضفيرة في كل ناحية من شعرك
• ضميهم للخلف ببنسة وسيبي باقي الشعر في شكله الطبيعي

 (Tied with Ribbons)

• اعمليه في شكل ضفيرة (French) فضفاضة
• اربطي كل جزء منها بشريط 

 (Triple Bun)

• قسمي شعرك لـ3 أجزاء
• اعملي كل جزء في شكل كحكة وثبتيها ببنسة
• خليهم قريبين من بعض 

 (Upside Down Braid Bun)

• اعملي ضفيرة في شعرك من الأسفل لحد نص رأسك
• ارفعيها مع باقي الشعر في شكل كحكة

 (Wrapped With a Scarf)

• اعملي شعرك في شكل (Pineapple Updo) 
• لفي سكارف على شعرك من الأمام واربطيها من الخلف وخليها تحت ديل الحصان

قصات للشعر الكيرلي

الشعر الكيرلي صعب تليق عليه قصات الشعر العادية، فمهم تختاري القصة الأنسب لشكل وجهك وحسب طول الشعر ونوع الكيرلز، وهنقدملك أفضل القصات اللي ممكن تختاري منها

الكيرلز الواسعة مع الـ(Bangs)

 الـ(Bob)

 (Ringlets) دجراديه

 طول الشعر لحد الدقن مع (Bangs)

(Face Frame Cut)

 الـ(Pixie) القصير 

 الـ(Bob) الطويل

 الدجراديه الطويل

 (Fringe and Fro)

 الـ(Lob) الويفي

 الـ(Shag) الكيرلي

 الـ(Textured Bob)

 (Layered Afro)