المحتويات
الشعر الطويل بيحتاج لعناية من خلال نصائح وخطوات مختلفة زي العناية بفروة الرأس وماسكات الشعر المختلفة ومعدل القص والتسريح المناسب ليه، هنقولك الطريقة المناسبة للحفاظ على طوله.
نصائح العناية بالشعر الطويل
- الاهتمام بفروة الرأس
- الشعر الصحي بيبدأ من فروة الرأس لأنها لو صحية بتأثر على معدل نموه وصحته، ومهم تهتمي بتنضيفها بشكل دوري عن طريق وصفات السكراب المختلفة
- اعملي مساج لفروة رأسك عند غسلها بالشامبو بأطراف أصابعك لتجنب تراكم المنتج والتخلص من الأتربة
- مساج فروة الرأس بيساعد على تدفق الدم وبيحفز بصيلات الشعر
- استخدام الزيوت مرتين أسبوعيا
- تدليك فروة الرأس والشعر بالزيوت الدافية بيعزز فروة الرأس وبيحافظ على درجة سماكته
- دفي الزيت المناسب لنوع شعرك زي زيت الزيتون أو جوز الهند ودلكي بيه فروة رأسك بأطراف أصابعك وبعدين لفي رأسك بفوطة ساخنة لمدة 10 دقايق واغسلي شعرك بعدها بساعتين بشامبو ومياه باردة
- قصي شعرك كل 6-12 أسبوع للتخلص من الشعر المقصف
- تجنبي الصبغة أو تفتيح الخصل
- استخدمي فرشة الـ(Boar Bristle) يوميا قبل النوم لتوزيع زيوت الشعر الطبيعية وتنشيط الدورة الدموية
- خلي نظامك الغذائي متوازن بين البروتين/ فيتامين أ/ سي/ هـ/ المعادن زي الزنك/ الأوميجا 3
- دوري على نوع مكمل غذائي للشعر والأظافر وهيحسن حالة بشرتك كمان
- اغسلي شعرك بالشامبو مرتين أسبوعيا للحفاظ على ترطيبه وزيوته الطبيعية وتجنبي غسله أكتر من مرتين واغسليه بمياه باردة
- استخدمي منتجات شعر فيها كافيين لأنه بيحفز نموه وتجنبي تعرضه للحرارة
- عند تسريح شعرك.. اقلبيه وسرحيه في كل الاتجاهات للأمام وللخلف وبعدين في الجانبين لتنشيط الدورة الدموية
- لما تسرحي شعرك وهو مبلل.. ابدأي بالجزء السفلي وبعدين اطلعب لفوق وسرحيه برفق
- نامي على مخدة حرير واستخدمي فوط مايكروفايبر لتجفيفه
- جففي شعرك برفق من الأطراف وبعدين جففي الأجزاء العلوية
ماسكات الشعر الطويل
ماسك زيت الخروع
- دفي معلقة صغيرة من زيت الخروع
- اعملي مساج لفروة رأسك بيه 4 دقايق
- سيبه نص ساعة وبعدين
اغسليه
ماسك القرفة للشعر الطويل
- اخلطي معلقة صغيرة قرفة مع معلقة صغيرة زيت جوز هند
- اعملي بيه مساج لفروة رأسك وسيبيه 20 دقيقة وبعدين اغسليه
ماسك الزبادي
- اخلطي معلقة زيت جوز هند مع معلقة صغيرة عصير ليمون ونص علبة زبادي وبيضة
- وزعيه على خصل شعرك وغطيه بفوطة ساخنة
- سيبيه 20 دقيقة واغسليه بمياه دافية وشامبو
ماسك زيت الأفوكادو
- اخلطي معلقة صغيرة زيت جوز هند مع معلقة صغيرة عسل أبيض ومعلقة كبيرة زيت أفوكادو
- اعملي بيه مساج لفروة رأسك وبعدين وزعيه على خصل شعرك
- سيبيه ربع ساعة واغسليه بمياه دافية وشامبو وبعدها استخدمي البلسم
ماسك الأفوكادو
- اخلطي معلقة كبيرة عسل أبيض/ أفوكادو مهروس/ زبادي/ خل تفاح/ موز مهروس ومعلقة صغيرة سكر بني
- اعملي مساج بيه لفروة رأسك وسيبيه 20 دقيقة وبعدين اغسليه
ماسك الموز
- اخلطي حبة أفوكادو مهروس مع موزة صغيرة مستوية
- ضيفي معلقة كبيرة زيت زيتون
- اعملي مساج لفروة رأسك بيه وسيبيه 30 دقيقة وبعدين اغسليه بمياه باردة
ماسك بذر الكتان
- انقعي ربع كوب بذر كتان في مياه طول الليل
- الصبح.. ضيفي عليه كوبايتين مياه وسيبيه يغلي
- لما يتقل.. وطي النار وضيفي عصير نص ليمونة
- بعد دقايق.. اطفي النار وسيبيه يهدى تماما
- ضيفي قطرات من زيت أساسي زي اللافندر
- اعملي بيه مساج لشعرك وسيبيه 30 دقيقة وبعدين اغسليه بمياه باردة
