المحتويات
الشعر الجاف مشكلة بتواجه كتير من الناس بسبب قلة إنتاج فروة الرأس الكمية الكافية من الزيوت الطبيعية بسبب التقدم في العمر أو ضعف الشعر وإهماله والتعرض المستمر لأشعة الشمس، وتقدر تعالجه بوصفات طبيعية والانتظام على نصائح مختلفة.
ماسكات العناية بالشعر الجاف
ماسك زيت الزيتون
- دفي كمية بسيطة من زيت الزيتون
- وزعه على أطراف أصابعك واعمل مساج لفروة الرأس
- سرح شعرك بمشط سنونه واسعة
- اغسله بمياه فاتره
ماسك العسل الأبيض
- اخلط كوب حليب مع معلقة كبيرة عسل أبيض
- وزعه على شعرك بعد غسله وسيبه من 10-20 دقيقة
- اغسله بمياه دافية
ماسك الموز
- اهرس موزة مع معلقة كبيرة زيت زيتون
- وزع الخليط على شعرك وسيبه 20 دقيقة
- اغسله كويس بمياه فاترة
ماسك الأفوكادو
- اخلط نص حبة أفوكادو مهروسة مع معلقتين كبار زيت زيتون
- وزع الخليط على الأطراف المقصفة
- سيبه نص ساعة وبعدين اغسله
ماسك زيت جوز الهند
- اخلط معلقتين كبار سكر بني مع معلقة كبيرة زيت جوز الهند
- ضيف الخليط على فروة رأسك بحركات دائرية
- ضيف كمية بسيطة على باقي الشعر
- اغسله كويس بمياه فاترة
ماسك زيت جوز الهند مع زيت الزيتون
- اخلط معلقة كبيرة من زيت جوز الهند الدافي مع معلقتين كبار زيت زيتون
- سيبه 10 دقايق مع تغطية الشعر بطاقية الاستحمام
- اغسله بمياه دافية
ماسك العسل الأبيض وزيت اللافندر
- اخلط حبة أفوكادو مستوية مع معلقتين كبار زيت زيتون
- ضيف معلقتين كبار عسل
- زود من 2-3 نقاط زيت اللافندر
- وزع الخليط على شعرك وهو مبلل وركز أكتر على الأطراف
- سيبه من 20-30 دقيقة وبعدين اغسله
ماسك العسل الأبيض
- اخلط معلقة كبيرة زيت جوز هند مع معلقة كبيرة عسل أبيض
- دفي الخليط
- سيبه على شعرك من 15-20 دقيقة
- اغسل شعرك كويس
نصائح مختلفة لترطيب الشعر
- استخدم منتجات فيها مكونات زي زبدة الشيا والأفوكادو وزيت الزيتون واللوز والأرجان وجل الصبار مرة أسبوعيا
- دفي الزيوت قبل استخدامها خاصة زيت جوز الهند وسيبيه من 15 دقيقة لحد طول الليل حسب احتياج الشعر
- استخدم شامبو نسب الكحول والسولفيت والسيليكون فيه قليلة ويكون مناسب لنوع شعرك
- تجنب غسل الشعر كتير.. من مرة لـ3 مرات في الأسبوع كفاية ويكون بمياه باردة
- استخدم الشامبو على فروة الراس والبلسم على طروف الشعر
- طريقة التسريح الصحيحة هتساعدك توزع زيوت الشعر على باقي الخصلة من خلال استخدام فرشة شعر كبيرة لتجنب سقوطه أثناء التسريح
- لو شعرك جاف ومجعد.. استخدم سيروم ومشط سنونه واسعة عشان تتجنب تلفه
- سرحه من النص مش من الجذور للأسفل وغير اتجاه الشعر يمين وشمال عشان تنشط الدورة الدموية
- قللي تعرضه للحرارة/ الفرد/ الصبغة/ الهايلايت لأنهم بيسببوا جفافه
- استخدم سبراي عليه حماية ضد الشمس والرياح والسباحة
- اهتم بأكل الخضار خاصة الفلفل الألوان والخيار والبطاطس لأن فيهم عنصر السيليكا وهو ضروري لصحة الشعر
- الأحماض الدهنية غير المشبعة في أكلات زي المكسرات والأفوكادو وبذر الكتان والزيتون والرنجة والتونة مفيدة
- اشرب كميات كافية من المياه على مدار اليوم
- اعمل تحاليل عشان تتأكد من نسب الفيتامينات والحديد في جسمك لأنها عامل مهم لجفاف الشعر أو تساقطه
- دلك فروة رأسك مرة أسبوعيا بزيوت طبيعية أو بسيروم مناسب لنوع شعرك عشان تحفز بصيلات الشعر والدورة الدموية في حركات دائرية بأطراف أصابعك
