المحتويات
السيلوليت حالة جلدية منتشرة بين الرجال والسيدات ولكنه بيصيب حوالي 93% من السيدات، وبيحصل نتيجة سحب الجلد المتراخي فوق جيوب الدهون نحو الطبقات العميقة من الجلد بواسطة ألياف الأنسجة الضامة، ومعظم الأطباء قالوا إنه صعب التخلص منه لكن ممكن تقلل شكله.
أعراض السيلوليت
- بيظهر السيلوليت في الجزء المصاب به من الجسم في شكل متكتل
- عادة بيظهر على الأرداف والفخدين ومنطقة البطن
- في بعض الأحيان بيظهر على الثديين والذراعين وبياخد شكل النتوءات والنقر
- لو الحالة لسه في أولها.. بيظهر عند قرص الجلد في المكان المصاب
- الجلد بيكون شكله متجعد
أسباب السيلوليت
في عوامل كتير ممكن تسبب الإصابة بيه زي:
- السن
- اضطراب الهرمونات
- التاريخ العائلى للإصابة بيه
- التهاب الأنسجة
- زيادة الأنسجة الدهنية في الجسم نتيجة لزيادة الوزن
- ضعف نشاط الدورة الدموية
- ترقق البشرة الخارجية من الجلد
الأطعمة المسببة لسيلوليت الجسم
- حبوب الإفطار لأنها مكونة من الدقيق الأبيض اللي بيتحول لسكر بعد امتصاصه في الجسم
- استبدل الحليب العادي بحليب جوز الهند/ اللوز/ الشوفان لأن فيه كمية كبيرة أستروجين بيتداخل مع الهرمونات
- الجرانولا بار لأن فيها كمية سكر كبيرة وبتسبب تخزين الدهون في الجسم.. استبدلها بفاكهة أو طبق زبادي بالشوفان
- الأطعمة اللي بتستخدم الصوصات زي المايونيز والصويا صوص لأنها مليانة صوديوم وسكر
- البريتزل لأنه مليان ملح وده بيسبب انتفاخ وجفاف الجسم وبالتالي بروز شكل السيلوليت أكتر
- استبدل اللحوم المصنعة بلحوم أقل في الدهون لأنها مليانة صوديوم ودهون غير صحية
- الزبادي الجاهز لأن فيه من 15- 29 جرام سكر.. استبدله بزبادي عادي أو اقرأ المكونات على العلبة
- الكميات الكبيرة من الفواكه المجففة لأن فيها نسبة سكر ومواد حافظة وإضافات بتأثر على الجسم
- الأطعمة الخالية من السكر فيها مواد مضافة بتزود ميل الشخص ليها أكتر بعد أكلها وده بيسبب تخزين الدهون وظهور السيلوليت
- الكحول بيسبب جفاف الجسم وبيقلل نسبة الكولاجين في البشرة وبالتالي ظهور السيلوليت
- البيتزا لأنها دهون غير صحية وبتقلل نشاط الدورة الدموية والأكسجين في الجسم
- الشوربة الجاهزة/ المعلبة لأن فيها كمية ملح كبيرة
- السمنة والزبدة النباتي لأن فيهم دهون متحولة
طرق التعامل مع السيلوليت
لازم تعرفي إن السيلوليت شيء شائع ولا يعيب شكل الجسم، والتعايش مع شكله وتقبل الجسم خطوة مهمة لازم تحاولي تعمليها، وفي خطوات معينة اتباعها هيساعدك على الوقاية منه أو تقليل مظهره خاصة في المراحل الأولى، زي:
- الإقلاع عن التدخين لأنه بيقلل تدفق الأوعية الدموية وبيضعف الكولاجين وبيسبب تلف الأنسجة التامة بسهولة
- شرب كمية كافية من المياه والانتظام على الأطعمة الغنية بيها زي الخيار والبطيخ والخس
- التناوب بين المياه الباردة والساخنة أثناء الاستحمام لأنه بيساعد على تضييق الأوعية الدموية وتمددها على التوالي وبالتالي ضخ قوي للأوعية الدموية
- الامتناع عن السكريات والسكر في المشروبات لأنه من أكتر الحاجات المسببة ليه لأنه بيقلل الكولاجين في الجسم وبيسبب شيخوخة الجلد المبكرة
- حافظ على نشاطك ومارس الرياضة باستمرار لتجنب ترهل الجلد، والأطباء أكدوا على إن كلما التمارين زودت ضربات القلب كل ما كان تأثيرها أقوى للوقاية منه
- شرب الكافيين بكميات معقولة لأنه بيحتوي على مواد مضادة للأكسدة زي البوليفينول اللي بتحافظ على صحة وشكل الجلد
- تناول الفاكهة والخضار الغني بفيتامين سي لأنه بيساعد على تعزيز الكولاجين في الجسم
- المساج للجلد باستمرار بيساعد على تحسين مظهر الجلد خاصة مع استخدام كريم مخصص للوقاية من أو تقليل السيلوليت
- خسارة الوزن الزايد بيساعد على التخلص منه خاصة في المراحل الأولى
التمارين اللي ممكن تساعد على تقليل السيلوليت
بالرغم من إن احتمالية تأثير تمارين معينة عليه قليلة إلا إن تقوية العضلات بيشد شكل الجلد وبيقلل الترهل وبالتالي تقليل السيلوليت مع الوقت، زي:
- السكوات
- Jump Squat
- Step Ups
- Glute/Leg Kickbacks
- Side Lunge
