المحتويات
السموزي تقدر تخليه وجبة سناك تساعدك على الشبع خاصة في فصل الصيف، لأنه منعش وغني بالعناصر الغذائية الموجودة في الفاكهة أو المكسرات أو الشوفان أو منتجات الألبان، وكمان غنية بالألياف اللي بتعزز الشعور بالشبع وبيوفر للجسم حاجاته الكاملة من الطاقة، في وصفات كتير تقدر تعملها ويكون مناسب للدايت.
الاستوائي
المكونات
- ثمرة تفاح أخضر
- نص كوباية عصير برتقال
- معلقة صغيرة جنزبيل فريش مبشور
- نص ثمرة أناناس مقطعة ومجمدة
- معلقة كبيرة عصير ليمون
- نص ثمرة موز مجمدة
الطريقة
- في الخلاط.. امزج كل المكونات لحد ما تبقى ناعمة
- ممكن تزود نص كوباية تلج لو احتجت
ديتوكس
المكونات
- ثمرة تفاح أخضر
- كوباية مياه متلجة
- ثمرة بنجر مسلوقة
- كوباية فراولة مجمدة
- نص ثمرة أفوكادو
- كوباية أناناس مجمد
- معلقة كبيرة عصير ليمون
الطريقة
- اضرب كل المكونات في الخلاط لحد ما يبقى سائل ناعم
السموزي مع الشوفان
المكونات
- ربع كوباية شوفان
- ثمرة موز مجمدة
- نص معلقة صغيرة عسل أبيض
- كوباية لبن لوز أو لبن حليب خالي الدسم
- نص معلقة صغيرة فانيليا
- رشة قرفة
- ربع معلقة صغيرة جنزبيل مطحون
الطريقة
- اضرب المكونات مع بعض في الخلاط لحد ما يبقى سائل ناعم
سموزي حارق للدهون
المكونات
- نص كوباية مغلي الشاي الأخضر (بارد)
- ثمرة موز مجمدة
- كوباية عصير جريب فروت مجمد
- نص ثمرة أناناس مقطعة ومجمدة
الطريقة
- اضرب كل المكونات مع بعض في الخلاط لحد ما يبقى سائل ناعم
كيتو سموزي
المكونات
- كوباية حليب لوز
- معلقتين كبار زبدة فول سوداني
- ربع كوباية كريمة
- معلقة كبيرة كاكاو خام (من غير سكر)
- كوباية تلج
الطريقة
- اضرب كل المكونات مع بعض في الخلاط لحد ما يبقى سائل ناعم
