المحتويات
الرياضة وأنواعها المختلفة مفيدة للجسم، وممارستها بانتظام ليه فوائد لصحة جسمك وعقلك وحالتك النفسية، وهنقدملك فوائد كل رياضة والأخطاء اللي لازم تتجنبها أثناء ممارستها.
كرة القدم
- بتحسن الحالة المزاجية لأنها بتحفز الإندورفين في الجسم
- بتقلل التوتر والقلق الزايد والاكتئاب
- بتحسن المهارات الاجتماعية والمشاركة
- بتبرز مهارة السيطرة على المشاعر
- بتزود قدرتك على التحمل ومرونة الجسم
- بتقلل ضغط الدم وبتحسن صحة القلب
- بتساعد على بناء العضلات وبتقلل نسبة الدهون في الجسم
- بتحسن التناسق وردود الأفعال وحركة الجسم
- بتقلل احتمالية الإصابات وبتزود القدرة على الانتباه والتركيز لمدة طويلة
- بتحسن فهم المعلومات والذاكرة البصرية
- بتعلم مهارة التحليل المنطقي وحل المشاكل
- بتزود القدرة على تحمل المسؤولية ونضج الشخصية
رياضة التنس
- بيحسن حركة الجسم ومرونته
- بيظبط معدل ضربات القلب وضغط الدم
- بيزود كثافة العظام وبيقلل دهون الجسم
- بيقوي العظام وبيحسن ردود الأفعال السريعة
- بيحسن توازن الجسم وبيساعد على فقدان الوزن الزايد
الكرة الطايرة
- بتحسن عضلات الجسم وفقدان الوزن
- بتقوي الجزء العلوي من الجسم زي عضلات الرقبة/ الأكتاف/ الإيد
- بتحسن التناسق بين العين والإيد وردود الأفعال السريعة
- بتزود التناسق بين حركة الجزء العلوي والسفلي من الجسم
- بتقلل التوتر وبتحسن الحالة المزاجية
- خالية من التواصل الجسدي مع الآخرين وبالتالي قلة احتمالات الإصابة
كرة السلة
- بتحسن القدرة على التحمل
- بتقوي العظام ونحت شكل الجسم
- بتحسن التوازن والتناسق بين أجزاء الجسم
- بتساعد على نمو الجسم بشكل صحي وسليم
- بتقوي صحة القلب وبتقوي جهاز المناعة
- بتحسن صحة العقل وبتقوي المهارات الاجتماعية
- بتنمي الثقة بالنفس عند الأشخاص والقدرة على التهذيب والتركيز لمدة طويلة
السكواش
- بيحسن صحة القلب لأنه بيجمع بين الجري/ الحركة السريعة/ تحريك الإيد
- من أكتر الرياضات اللي بتساعد على تقليل الوزن في مدة قليلة
- بيزود التناسق بين العين والإيد وحركة الجسم
- بيحرك كل عضلات الجسم بنفس القدر أثناء ممارستها
- بيحسن الحالة النفسية العامة والتخلص من التوتر
كرة اليد
- بتحسن البناء العضلي ونموه خاصة في الجزء الأعلى من الجسم
- بتنمي خفة الحركة للإيد والقدم ومرونة الجسم
- بتقوي التركيز العقلي والثقة بالنفس
- بتحسن صحة القلب وبتزود الأكسجين في الدم
رياضة السباحة
- بتحافظ على صحة القلب والرئة والثبات على الوزن الصحي
- بتزود معدل ضربات القلب وبتخلص الجسم من التوتر الجسدي
- بتشد العضلات وبتقوي العظام
- بتحرك كل عضلات الجسم أثناء ممارستها
- بتحسن التوازن ووضعية الجسم والتناسق
- بتزود مرونة الجسم ومفيدة لبعض الإصابات والجروح
السعرات الحرارية المفقودة في كل أنواع الرياضة
متوسط السعرات الحرارية المفقودة كل نص ساعة وبتختلف حسب النوع والجنس والوزن هي:
السرعة والوزن والجنس بيفرقوا في عدد السعرات الحرارية المفقودة
- الجري: 300- 400 سعر حراري
- ركوب العجل: من 280- 370 سعر
- أيروبيكس منخفض التأثير: 165- 240 سعر
- أيروبكس عالي التأثير: 210- 310 سعر
- تمارين رفع الأوزان: 90- 133 سعر
- السباحة: 250- 300 سعر
- المشي: 150- 220 سعر
- جهاز الأليبتيكال: 270- 400 سعر
- أيروبيكس عالي التأثير باستخدام درجة سلم واحدة: 300- 440
- جهاز صعود السلم: 220- 270 سعر
- زومبا: 300-400 سعر
- الرقص الشرقي: 130- 160 سعر
- البولينج: 90- 130 سعر
- الكرة الطايرة: 90- 130 سعر
- التنس: 210- 310 سعر
- كرة اليد: 360- 530 سعر
- كيك بوكس: 300- 440 سعر
أخطاء الرياضة اللي لازم تتجنبها
- تجاهل الإحماء بيصعب ممارسة التمارين بطريقة صحيحة وبيسهل إصابة العضلات
- عدم الالتزام بمواعيد محددة وممارسة الرياضة بشكل متقطع بيزود خطر إصابة العضلات وبيقلل مفعولها على الجسم
- البدء بأوزان تقيلة وعدم التدرج في استخدامها بيسبب تمزق العضلات والآلام الشديدة بعدها
- تمرين نفس العضلات أكتر من مرة متتالية بيزود خطر إصابتها.. سيب 48 ساعة استراحة بين تمرين كل عضلة
- قلة شرب المياه غلط لأن الجسم بيفقد السوايل/ الصوديوم/ البوتاسيوم أثناء التمرين وبالتالي تراكم حمض اللاكتيك فيه والإصابة بالشد العضلي
- التمرين بأوضاع غير مستقيمة زي تراخي الكتفين أو ميل الضهر بيعرض العضلات لخطر الإصابة
- عدم وجود خطة لتمرينك الأسبوعي وإنجازك المتوقع بيقلل حماسك وقدرتك على الانتظام
- اكتب مواعيد التمرين وهدف كل أسبوع والتمارين المخصصة ليه في ورقة عشان تقدر تحقق نتيجة إيجابية
- الاحتفاظ بالموبايل أثناء التمرين بيشتت انتباهك وبيقلل قدرتك على الإنجاز.. لو لازم تاخده افصل الإنترنت عنه
- قسم التمارين المخصصة لكل جزء من الجسم على الأيام زي يوم البطن/ يوم الساقين/ يوم الأرداف
- وريح العضلات في الأيام غير المخصصة ليها واعمل يومين راحة للجسم كله لتجنب الإصابات
- عدم تغيير الروتين الرياضي كل فترة بيسبب تعود الجسم عليه وقلة النتايج الإيجابية
- فمهم تغير روتين الرياضة أو تضيف له بعض التغييرات كل أسبوعين زي الجري على منحنى أو بسرعة أكبر/ أوزان أتقل
- عدم الأكل قبلها بـ45 دقيقة بيقلل طاقتك/ سرعة العضلات في التعافي/ قلة الأكسجين اللي بيوصل للعضلات
- عدم لبس الملابس والحذاء المخصص للرياضة بيأثر سلبا على المدة اللي بتلتزم بيها
- التزم بالطرق الصحيحة لعمل التمرين خاصة التمارين المعتمدة على الركبتين زي السكوات لتجنب إصابتها المزمنة
- التمرين الزايد بيرهق العضلات وبيسبب ضعفها/ بيصعب تعافيها/ التهاب الجسم/ اضطراب الهرموناتذ
