المحتويات
الخيانة من أقسى التجارب اللي ممكن يمر بيها شخص، سواء في علاقة عاطفية أو أي علاقة قوية تانية، وبتسيب أثر قوي عند الشخص اللي مر بالتجربة خصوصًا لو تجاهل العلامات اللي بتقول إن الطرف التاني بيخون.
تعريف الخيانة
- هي خرق الثقة المتبادلة بين الطرفين بسبب دخول طرف تالت جذّاب بنسبة لطرف معيّن وبالتالي بيحصل تهديد في العلاقة
- بيبدأ طرف معيّن في الانجذاب لطرف آخر غير شريكه الأساسي وبيحس بمشاعر الانجذاب العاطفي والجنسي بنسبة معيّنة
- الموضوع مختلف عن تواصل الرجل أو المرأة مع بعضهم لأي سبب تاني لأن الخيانة هي اتصال عاطفي مش مجرد تواصل أو صداقة مع شخص من الجنس الآخر
مراحل الصدمات
- عالمة النفس الأمريكية إليزابيث كوبلر روس بتقول إن فيه 5 مراحل بيمر بيها الأشخاص بعد الصدمات العنيفة
- أولا: الإنكار وهو رفضك لتصديق الموقف وتجاهل الحقيقة
- ثانيا: الغضب لما بتفتكر التفاصيل خصوصا لو شفتها بعينك
- ثالثا: المساومة وخصوصًا في حالات الخيانة بتخليك تفكر تواجه الطرف التاني وتلومه وتسيبه
- رابعا: الاكتئاب والانعزال عن الآخرين وممكن توصل لاحتقار الذات وقلة الثقة في النفس
- خامسا: القبول لما تبدأ تعيش حياتك وتنسى الموقف أو لما تقابل شريك تاني يزود ثفتك اللي اتأثرت
علامات خيانة شريكك
- معظم الخلافات سببها شخص تالت وله أهمية أكبر بالنسبة لشريكك ويبرر تصرفاته بغيرتك الزايدة
- بيختلق مشاكل وخناقات معظم الوقت
- مش بيغير خططه عشانك أو بيغيرها عشان يكون مع أصدقائه
- اهتمام شريكك الزايد بوسائل التواصل الاجتماعي أو أي نشاط عكس طبيعته
- بيبعد موبايله عنك بشكل ملحوظ
- بيقضي وقت أطول في الشغل ودايما بيعتذر لك إن عنده أوفر تايم بشكل ملحوظ وغير طبيعي
- مساحة تبادل الكلام والمناقشات قلت عن الأول
- توقف عن الكلام معاك عن حياته ومشاكله
- بيقلل ثقتك بنفسك وبيعلق عليك شماعة أخطائه أو تأخره في شغله
أسباب بتدفع شريكك للخيانة
- دراسة في جامعة مريلاند الأمريكية حددت بعض الأسباب الأساسية اللي بتدفع الأشخاص لخيانة شركاء الحياة
- حب الذات المفرط والإعجاب بالنفس وتفضيلها عن الآخرين
- زيادة الرغبة الجنسية والفضول وحب الاستطلاع بتجربة ممارسة العلاقة الحميمة مع أطراف تانية
- عدم الإحساس بالالتزام والمسؤولية خصوصًا بعد الزواج
- إهمال اهتمامك به الاهتمام المفرط بالذات والرغبة في فرض التحكم فيه
- عدم رضا الشخص عن العلاقة وانخفاض قوة مشاعر الحب
- وجود ضغوط كبيرة في العمل وعدم التحقق فيه بشكل كافي
- توتر العلاقة مع المقربين خصوصًا الأب والأم
- قلة التحكم في ظروف الحياة بسبب الظروف المادية الصعبة
- الإحساس بالضعف وقلة الحيلة نتيجة سيطرة الآخرين عليه في الحياة الشخصية أو العملية
- الرغبة في الانتقام بسبب تعرضه لتجربة خيانة سابقة
- الغضب بسببك أو بسبب شيء معين في الحياة
- الارتباك العاطفي بسبب الإعجاب بطرف تاني والميل الجنسي ناحيته
طريقة تخطي صدمة الخيانة
- مهم تواجه نفسك بالمشكلة وتعبر عن مشاعرك بالكتابة أو بالكلام مع حد قريب منك
- ماتحكمش على مشاعرك مهما كانت حادة أو قاسية.. فهمك ليها هيساعدك تتخطاها
- ابعد عن أي تعامل مع الشخص لحد ما تهدى بالذات في البداية عشان تقلل حدة غضبك لكن ده مايمنعش إنك تواجه الشخص وتصارحه بمدى الألم اللي اتسبب فيه لما تهدى
- إحاطة نفسك بدوائر الثقة هيساعدك في تقييم الموضوع بعقلانية وهيديك ثقة في نفسك
- ابعد عن أي خطط للانتقام واستبدلها بالتفكير في المستقبل وبناء علاقة جديدة
- اهتم بنفسك وابذل نشاط فيه جهد ذهني وجسماني عشان تشغل وقتك واعتني بصحتك من خلال الأكل الصحي والنوم والتمارين الرياضية
- حدد هدف معين وخليه تحدي لنفسك لأن تحقيقه هيزود تقديرك لذاتك وهيخليك متسامح أكتر
- دراسات كتير بتقول إن التسامح قيمة مهمة لصحتك النفسية والجسدية
- مش معناها إنك ترجع للعلاقة ولكن مهم عشان تثبت لنفسك قدرتك على تخطي الأزمة
- خد وقتك في التفكير والقرار إذا كنت قادر تسامح أو لأ بس مهم تبقى عارف إنك تستحق الكرامة والإنصاف في علاقتك (سواء صداقة أو حب)
- استشير طبيب نفسي لو مش قادر تتخطى الصدمة
- التركيز على احتياجاتك هيساعدك تتجاوز التجارب الصعبة زي الخيانة والفقد
- تجنب الاعتماد على الآخرين وخليك فاكر إنك شخص كامل بمفردك وقادر تلاقي السعادة
- بلاش تستعجل في دخول علاقة جديدة قبل ما تجاوز تجربة الخيانة المؤلمة
- تجنب الشك المرضي أو مقارنة أي تفاصيل سابقة لو بتحاول تستعيد علاقتك بالآخرين مرة تانية
- ضروري تفهم الأسباب اللي دفعت الطرف التاني للخيانة عشان تفهم نفسيته وتتجنب الدخول في علاقة جديدة مع شخص شخصيته متقاربة مع شريكك السابق
