المحتويات
الخل مكون أساسي في أي مطبخ خصوصا في التتبيلات المختلفة للحوم والفراخ والسلطات، وبجانب استخدامه في الطبخ، له استخدامات تانية متعددة في المنزل زي تنظيف الدهون في المطبخ وتلميع الأثاث بسبب خواصه المطهرة، وكمان له فوايد صحية كتيرة.
ما هو الخل؟
- بيتم إنتاجه بالتخمير الطبيعي للكربوهيدرات النباتية ومصادر السكر في الفاكهة زي التفاح والعنب
- مصدر غني بالأملاح المعدنية والفيتامينات والأحماض الأمينية والمركبات البوليفينولية بتحمي الجسم من الإصابة بأمراض مختلفة
- بيختلف نوعه حسب المكون المستخرج منه، ويعتبر خل التفاح من أفضل الأنواع بسبب احتوائه معادن ضرورية وأحماض عضوية بيحتاجها الجسم
فوايده الصحية
- بيساعد الجسم على امتصاص كميات مناسبة من الكالسيوم، ويحمي العظام من أمراض زي اللين أو الهشاشة
- مطهر للأمعاء من الجراثيم والبكتيريا الضارة وبيعالج القيء والإسهال
- بيساعد في تطهير الفم وتقوية اللثة
- بيخلص الشعر من القشرة
- بيعالج فطريات القدم
- بينظم عملية الهضم لمرضى السكري من النوع الثاني ويبطيء امتصاص الكربوهيدرات
- منظف للبشرة من الأتربة والزيوت الزايدة ويحمي من ظهور الحبوب
- بيساعد في إذابة الدهون والتخلص من الوزن الزايد
- تخفيف ألم لدغات الحشرات
- بيمنع تهيج الجلد ويساعد في علاج الطفح الجلدي وحروق الشمس
استخداماته المنزلية
- قتل الميكروبات في الخضراوات والفاكهة بعد غسلها بالمياه ومضاف لها كمية مناسبة
- إزالة الترسبات الجيرية في الحمام
- تلميع الأواني الفضية والنحاسية
- طرد الحشرات زي النمل
- التخلص من الروايح الكريهة في المنزل بسبب القطط والكلاب
- إزالة البقع الصفراء على الملابس البيضاء
- التخلص من البقع الصعبة في المطبخ زي الدهون المتراكمة على البوتوجاز.. اخلطه مع بيكربونات الصوديوم
- إزالة بقع الحبر من الجدران والأرضيات
- التخلص من روائح الميكروويف والثلاجة
- حل فعال في التخلص من انسداد البلوعة
أنواعه المختلفة
الخل الأبيض
- أشهر وأكتر نوع منتشر
- بيستخرج من قصب السكر ولونه شفاف
- بيستخدم في بعض الأكلات وخاصة السلطات
- له خصائص قوية مضادة للميكروبات وبيستخدم كمطهر طبيعي ومنظف منزلي
- بيهدي حروق أشعة الشمس ولسعات النحل وقناديل البحر
- له فوايد صحية زي تقليل مستوى الكوليسترول الضار والسكر في الدم وتقوية العظام
- مضمضة الفم به بتساعد في التخلص من الريحة الكريهة
خل التفاح
- بيستخرج من التفاح ولونه أصفر فاتح وطعمه لاذع
- بيستخدم في أنواع الصلصات وتتبيل اللحمة والسلطات
- دراسات قالت إنه بيساعد في تقليل الوزن.. عن طريق تناول معلقة كبيرة على كوباية مياه
- بيساعد في تقليل تقلصات الأمعاء بسبب احتوائه على مادة البكتين
- مطهر معوي وبيقلل الإسهال
- بيساعد في تبيض الأسنان وقتل بكتيريا الفم عن طريق المضمضة به يوميا
- بيقوي الشعر.. استخدمه كماسك أسبوعي
الخل البلسميك
- بيستخرج من العنب ولونه أحمر غامق
- بيستخدم في الصلصات والسلطات وتتبيل اللحمة
- بيتميز بخصائص مضادة للفطريات والفيروسات والميكروبات
- له فوايد صحية زي تحسين صحة الجهاز الهضمي والدورة الدموية وخفض الكوليسترول في الدم وفقدان الوزن
خل الأرز
- بيستخرج من الأزر وله نكهة حادة لكن أقل من خل التفاح ولونه شفاف
- بيستخدم أكتر في المطبخ الآسيوي زي السوشي والبقوليات واللحوم
