المحتويات
الحب هو هدف أي إنسان لأن الرغبة في تحقيق الأمان والتواصل مع المحيطين غريزة طبيعية وبتزيد مشاعر الراحة والأمان تجاه الأهل أو المقربين في فترة الطفولة بشكل فطري وتطور العمر بيلاحظ الإنسان محبة المحيطين ومدى تقبّلهم لسلوكياته وتصرّفاته سعيًا منه لكسب رضاهم وحبهم، وفي نفس الوقت بتتولد مشاعره تجاه شخص معيّن مش بيعرف يفسر سببها لكن بيبقى كل هدفه إن الشخص ده يبقى شريك حياته أو صديقه المقرّب.
تعريف الحب
- الميل لشيء مبهج ومحبب للنفس، وبعض علماء اللغة فسروه بميل القلب والنفس لشيء فيه لذة معينة سواء معنوية أو مادية
- بيأكدوا إنه ميل النفس مع العقل في نفس الوقت لأنه لو تجاوز ميل العقل يبقى اسمه عشق مش حب
- مش معروف سبب تسمية الحب بالاسم ده
- بعض الأقاويل بتقول إن كلمة حُب مشتقة من حبة المقصود بيها حبة الرمال لأن الحب باب الحياة زي حبوب الرمال اللي بتعتبر مصدر حياة للنبات
- رأي تاني بيقول إنه مشتق من الحُباب اللي معناها علو المياه وقت المطر ومعناها زيادة غليان القلب وخفقه والتطلع لمقابلة المحبوب
درجات الحب في اللغة العربية
- الهوى يعني الميل للشهوة
- الصبوة بتعبر عن الميل والإعجاب المرتبط باللهو
- الشغف كلمة مشتقة من كلمة الشغافة وهي غلاف الحب وبتعبر عن أول مراحله
- الوجد يعني التفكير في المحبوب والحزن المستمر
- الكلف هو شيء يشغل القلب وبيزيد الولوع به وبيألمه أحيانًا
- العشق يعني فرط الحب
- النجوى يعني المزيج من شدة الحب والحزن في وقت واحد
- الشوق بيعبر عن التعلق بالمحبوب
- الوصب هو الألم والمرض والوجع الناتج عن الحب
- الاستكانة بتعني الذل والخضوع للمحبوب ومحاولة إرضائه
- الود هو الإخلاص في الحب
- الخلّة يعني توجيه الحب ناحية شخص واحد فقط وعدم وجود شريك في حبه
- الغرام هو التعلق الشديد بشخص أو شيء والعجز عن التخلص من التفكير فيه
- الهيام وهو أعلى درجات الحب
مراحل الحب
- عالمة الأنثروبولوجي الأميركية هيلين فيشر بتقول إن حب شخص معين بيخليه مسيطر على تفكيرك
- الوصول للحالة دي من الحب بيعدي بـ 3 مراحل
الرغبة
- بتحرك كل الكائنات الحية لأسباب الاتصال الجنسي والتكاثر
- منطقة المهاد في المخ بيرسلوا إشارات للجسم وبيساعدوا على إفراز هرمونات التستوستيرون والإستروجين
- دور الهرمونات دي أساسي في الانجذاب الجنسي ناحية الطرف التاني
الانجذاب
- الحب بيحفز مناطق معينة في المخ زي النواة الذنبية اللي ليها دور كبير في نظام الرغبة والمتعة
- والمنطقة السقفية البطنية المرتبطة بالشغف وبيفرزوا الدوبامين أو هرمون السعادة بكميات كبيرة
- وده بيفسر سبب الاشتياق للحبيب في بداية العلاقات والسعادة الغامرة لحظة البدايات
- الحب بيقلل نشاط اللوزة الدماغية المسؤولة عن مشاعر القلق والخوف والتوتر
- دراسة في جامعة هارفارد بتقول إن فيه هرمونات تانية زي أوكسيتوسين وڤاسوبريسن بيفرزها المخ وقت التفكير في الحبيب أو مقابلته
- المواد دي بتخلق احساس التعلق والرضا والهدوء والأمان، وبتقلل أي أثار سلبية للضغوط النفسية والعصبية
- دراسة في جامعة ساسكس البريطانية بتقول إن الأوعية الدموية المحيطة بالقلب بترسل إشارات كهربائية لمناطق في الدماغ مسؤولة عن المعالجة العاطفية
- وبالتالي بتزيد ضربات القلب وقت لقاء الحبيب نتيجة لقوة المشاعر خصوصًا في بدايتها
- رغم إنه شعور جميل إلا أن دراسة بتقول إن الحب في بعض الحالات بيبقى إدمان
التعلّق
- المرحلة دي بيبقى كل تفكير الشخص منصب على شريكه
- ده اكتشفته دراسة في جامعة إيطالية عن طريق تجربة أثبتت إن الحب بيقلل مستوى السيروتونين عند البعض
- وبيصيبهم بأعراض مماثلة للوسواس القهري وبيخليهم مهووسين بالطرف التاني وبيفكروا فيه طول الوقت
- بيقلل عندهم نشاط القشرة الجبهية اللي بتساعد على التفكير وتقييم التصرفات
- ده بيفسر سبب بعض الأفعال غير المنطقية اللي بتحصل زي الغيرة الزايدة عن الحد اللي ممكن أحيانًا تدمّر العلاقة
المرحلة الأكثر استمرارية للحب
- العلماء بيأكدوا إن مرحلة الانجذاب هي اللي بتضمن حب أكثر استمرارية
- غياب الانجذاب والاكتفاء بس بمرحلة الرغبة أو الوصول للتعلق فجأة مش بيتصنف علي إنه حب حقيقي
- مشاعر مرحلة الرغبة بتفضل موجودة لكن كمية الهرمونات بتقل مع الوقت
- مع عمق تجارب الحياة وكترها والمسؤوليات بتتغير الأولويات وبيزيد التعلق بحاجات تانية بنفس الدرجة أو حتى بدرجات أكبر زي النجاح والشغل
- بيزيد التعلّق مع إنجاب أول طفل ويقل التعلق بشريك الحياة تدريجيًا عند أغلبية الناس
علاقة الحب بزيادة الوزن
- دراسة في جامعة كارولينا الشمالية بتقول إن الرجال بيزيد وزنهم لما بيرتبطوا
- وبيزيد وزن السيدات بعد الزواج بمعدل الضعف مقارنة باللي في نفس سنهم وماتجوزوش
- زيادة وزن السيدات كان بيتفسر في الأول كنتيجة للتغيرات الهرمونية بسبب الحمل
- لكن الدراسة بتأكد إن السيدات المرتبطات حتى قبل الجواز سجلوا زيادة واضحة في الوزن
- دراسة تانية بتأكد إنها مرتبطة بقوة العلاقة وسعادة الطرفين فيها
- الطرفين في علاقة منسجمة بتزيد فرص زيادة وزنهم للضعف مقارنة بطرفين في علاقة مضطربة
- بتفسر ده لأن الطرفين مش بيبقى عندهم حافز الاهتمام بالمظهر لجذب طرف تاني
- فبيزيد وزنهم وحتى لما بيحبوا يخسوا بيبقى الدافع الرئيسي هو الصحة مش المظهر
- دراسة في جامعة أسترالية بتقول إن الخروجات بتبقى مرتبطة معاهم بأكل ووجبات إضافية
- وحتى بعد الزواج بيزيد الاهتمام سواء بطبخ أكلات جديدة أو استهلاك الوجبات السريعة
- وبيقل التركيز في مراعاة السعرات الحرارية وتحديدها خصوصًا في بداية العلاقات وسنين الجواز الأولى
استمرارية الحب للأبد
- دراسات كتير بتقول إن ولع الحب بيقل مع الوقت
- في بداية أي قصة حب بتسيطر السعادة والراحة النفسية اللي بتخلقها هرمونات الجسم
- التعود على الطرف التاني والانشغال بمسؤوليات الحياة بيقلل الشغف بالعلاقة
- دراسة بتأكد إن اللقاء الجنسي بيقل للنصف بعد سنة واحدة من الزواج
- الحب مش بيقل في كل الحالات.. أزواج كتير بيعيشوا حياتهم كأنهم في مراحله الأولى
- دراسة في جامعة ستوني بروك عملت تجربة على بعض السيدات عرضوا عليهم صور أزواجهن
- مراكز المكافأة في المخ نشطت كأنهم في بداية العلاقة
- خبراء أكدوا إن غياب الملل من العوامل الرئيسية في الحفاظ عليه
- بينقذ الحب الحاد المستمر من التحول لعشرة
- وجود أنشطة مشتركة مختلفة بين الطرفين بيحبوها وملتزمين بيها وبيجددوها كل فترة بتحافظ على استمرارية حبهم
- دراسة في جامعة ويسكنسون بتقول إن السعادة المعنوية عنصر أساسي في تحقيق علاقة قوية مستمرة طول العمر
- بتحمي من الأمراض المزمنة وبتقوي المناعة وده بينعكس على شكل العلاقة
- الكلام الحلو والهدايا والخروجات خصوصًا لو مفاجئة بتجدد الحب
- مش شرط تكون قيمتها المادية كبيرة.. لو مجرد مساعدة في مهمة معينة بتحسس الطرف التاني بالاحتواء
- حل الخلافات بعقلانية من غير صوت عالي أو تجريح بيقوي العلاقة
- التفكير في أعذار لأي خطأ من الطرف التاني بيقلل تأثيره
- الاهتمام بكلامه وفرصته في التعبير عن نفسه بيخلق مناخ صحي
- العامل الرئيسي اللي بيأثر على استمرار الحب هو التسوية الرومانسية
- ومعناها تجاهل عيوب الطرف التاني بالنظر لمميزاته بدون تقبل العيوب دي
- في بداية العلاقة الموضوع بيبقى سهل لكن بعد التعود على المميزات بتقل قيمتها
- بتظهر العيوب بشكل أكبر وبالتالي بيقل الحب لدرجة تخلي طرف يبحث عنه في علاقة تانية وبالتالي تحديد العيوب وتقبلها أساسي لاستمرار الحب لمدة طويلة
طريقة كسب إعجاب الطرف التاني من المقابلة الأولى
- خلي نبرة صوتك متوسطة ومناسبة للمكان اللي إنت فيه
- بلاش تفتخر بأي شيء عندك وتجنب الكلام عن ممتلكاتك إلا في سياق الكلام
- ابعد عن الكلام السلبي بخصوص أي علاقة سابقة
- التزم بالهدوء وابعد عن العصبية حتى لو اللي قدامك عصبي
- بلاش تتصفح التليفون لمدة طويلة وإنت قاعد معاهم
- قول (شكرًا) على أي تصرف لطيف معاك بس مش بزيادة
- اقف أو بطل كلام لما حد جديد ينضم ليكم عشان تثبت وجودك وهتقل فرص تجاهلك وهتبين احترامك له
- التزم بمواعيدك واعتذر عن أي تأخير
- بص للطرف التاني في عينيه وإنت بتتكلم وبلاش تقاطع حد
- اظهر اهتمامك بكلامه واسأله أكتر عشان يحس إنك مهتم بيه وبتقدره
- خليك أنيق واهتم بنضافة ملابسك واكويها بانتظام
- خليك طبيعي في التعاملات لأنه أي شخص مقبل على علاقة جديدة بيلاحظ أي تكلّف أو اصطناع
- ولكن في حدود المعقول مع مراعاة إنكم لسه في البداية
- تجاوب مع هزاره واضحك معاه ووافق على دعوته لممارسة أي نشاط طالما تقدر تعمله
- خليك مبادر في التعرف أكتر على الشخص اللي حسيت باندماج متبادل بينكم واطلب رقم تليفونه أو حسابه على مواقع التواصل
