المحتويات
الجيميل تطبيق بريد إلكتروني بيسهل عليك التواصل مع الآخرين وبيحافظ على رسائلك بدرجة أمان عالية في خانات مختلفة حسب استخدامها، ومهم تعرف خطوات البحث عن إيميل محدد فيه أو الطريقة اللي تحذف بيها الحساب أو تستعيده في حالة نسيان كلمة السر.
خطوات البحث عن إيميل معين في الجيميل
- اكتب في السيرش بار كلمة (Before) وبعدها التاريخ اللي عايز تدور قبله
- لو عايز إيميل قبل 2019.. اكتب (before:2019/01/01)
- لكن لو عايز إيميل في تاريخ محدد.. اكتب (After) وبعدها تاريخ البداية وبعدين (before) وتاريخ النهاية
- صياغة التاريخ هي YYY/MM/DD
- فمثلا لو عايز إيميل في شهر 5.. اعمل سيرش بـ (after:2019/05/01 before:1029/05/31)
- ممكن تسهل السيرش بكتابة اسم المرسل أو المستقبل بعد التاريخ أو بكلمات مكتوبة فيه
- اضغط على المثلث على يمين السيرش بار
- دوس على (Date Within) وحدد المدة الزمنية المتوقعة اللي استقبلت فيها الإيميل
- أو اضغط على علامة النتيجة عشان تحدد التاريخ منها
- اتأكد إن جنب كلمة (Search) (All Mail) عشان البحث يكون في الإيميلات كلها
ممكن تسهل السيرش بكتابة اسم المرسل/ المستقبل في خانات (To) أو (From) اللي فوق عن طريق:
- ضيف كلمات أو عبارات موجودة في الإيميل عشان تلاقيه أسرع
- اعمل سيرش باسم المرسل بصياغة (from: اسم المرسل أو الإيميل)
- أو اسم المستقبل بصياغة (to: اسم المستقبل أو الإيميل)
- ممكن تستخدم كلمة أو عبارة من الإيميل عن طريق وضعها بين علامات تنصيص
- أو بالـ(Subject)
خطوات حذف الجيميل
- افتح إعدادات الحساب (Account Settings)
- اختار (Data and Personalization)
- هيظهرلك اختيار (Delete service or an account) أسفل الصفحة.. دوس عليه
- هيظهرلك اختيارين.. اختار (Delete Products)
- ممكن تختار الاختيار التاني (Delete Google Account or Data) لو عايز تمسح تاريخ البحث/ مستندات جوجل المتعلقة بالحساب/ أي خدمة متعلقة بالحساب
- اكتب الباسوورد وبعدها هيظهرلك اختيار (Download Data) عشان لو عايز تحفظ كل المعلومات اللي على الحساب
- دوس على علامة القمامة (Trash Can) جنب كلمة جيميل وبعدين دخل إيميل تاني تكون بتستخدمه
- اختار إرسال كود التأكيد (Verification Code)
- افتح لينك الحذف اللي اتبعت لك في الإيميل وبعدين سجل دخول على حساب الجيميل اللي عايز تحذفه
- اختار (Yes I want to delete my gmail permanently from my Google Account) وبعدين (Delete)
- كده الحساب اتمسح وغير قابل للاسترجاع
خطوات استعادة حساب الجيميل
لو نسيت الباسوورد
- افتح صفحة (Google Account Recovery)
- اختار (I don’t know my password)
- دخل الإيميل وبعدين استمرار (Continue)
- لو كان الحساب متصل برقم موبايل.. اطلب إنه يبعتلك كود تأكيد (Verification Code) عليه
- أو ممكن تختار (Verify Your Identity) للرد عشان يسألك أسئلة ممكن من خلالها تحدد هويتك
لو ناسي الإيميل اللي بتدخل بيه على حساب الجيميل
- اختار (Find your username)
- اكتب رقم الموبايل أو الإيميل الـ(Backup) والاسم المستخدم عليه
- اتبع الخطوات اللي هيطلبها منك عشان يتأكد إنه حسابك
- هيظهرلك مجموعة من الحسابات اللي حسابك واحد منهم
لو ناسي الرقم والإيميل الـ(Backup)
- افتح صفحة (Google Account Recovery)
- دخل الإيميل واختار (Continue)
- اختار (Verify Your Identity)
- جاوب على الأسئلة اللي هتظهرلك عشان يحدد هويتك
- حاول تكون دقيق في الإجابة عشان تقدر تستعيده
