خدمات
الثانوية العامة: ضوابط الوزارة ونصائح مهمة لأداء الامتحانات
إزاي تعرف ضوابط امتحانات الثانوية العامة؟
المحتويات
طلاب الثانوية العامة بيستعدوا لأداء الامتحانات، من خلال مجموعة إجراءات، أولها أداء آخر امتحان تجريبي وهيكون يوم 21 يونيو للشعبة العلمية، والشعبية الأدبية يوم 22 يونيو، على التابلت، أما الطلاب اللي ماستلموش تابلت هيكون امتحانهم يوم 23 يونيو، والحضور لمدة يوم واحد، وتكملة باقي المواد من البيت من خلال الامتحانات على موقع الوزارة.
كمان وزارة التربية والتعليم أعلنت مجموعة ضوابط وآليات لأداء الامتحانات اللي هتبدأ يوم 10 يوليو، وهتكون بنظام الكتاب المفتوح، وهيسمح للطالب دخول اللجنة بالكتاب المدرسي.
ضوابط امتحانات الثانوية العامة
- امتحانات طلاب الشعبة العلمية هتكون في أيام مستقلة عن أيام امتحانات الشعبة الأدبية
- امتحان مختلف لكل شعبة فى مواد العربي والإنجليزي واللغة الثانية
- الطلاب اللي معاهم التابلت هيستلموا أسئلة ورقية وورقة إجابة بابل شيت
- الإجابة فى البابل شيت إلزامية
- الطلاب اللي ماستلموش تابلت.. هيتم تسليمهم كراسة أسئلة وبابل شيت
- مهم تدوين الطالب لبياناته من خلال الجلسة الامتحانية
- البيانات هتتكتب على كراسة الأسئلة وورقة الإجابة بابل شيت
- مهم الطالب يسلم كراسة الأسئلة وورقة الإجابة للملاحظ
- تسجيل الطالب كود الجلسة الامتحانية المدون على كراسة الأسئلة على التابلت
- تحرير محضر إثبات حالة حال استخدام الطالب كود مخالف عن المدون على كراسة الأسئلة
- الملاحظين هيعتمدوا صحة البيانات اللي كتبها الطالب
- اختيار الطالب لأكتر من بديل للسؤال الواحد هيفقده درجة السؤال
- تحرير محضر للطالب فى حالة عدم تسليم ورقة الأسئلة والإجابة
- أي طالب مش هيسلم ورقة الأسئلة والإجابة هيرسب فى المادة
- مهم الطالب يسجل نفس الإجابة فى البابل شيت والتابلت
- بيتم الرجوع للتابلت في حال تعذر قراءة الإجابة فى البابل شيت
- الطلاب هيأدوا الامتحان فى المواد غير المضافة يوم 3 يوليو
لمعرفة رقم الجلوس واللجنة
الوزارة هتوفر كل البيانات للطلاب على الموقع الإلكتروني من يوم الجمعة (18 يونيو)
- تقدر تعرف (رقم الجلوس/ لجنة الامتحان) من خلال تطبيق (تنويهات) على التابلت
- أو ادخل على موقع https://g12.emis.gov.eg/
- واكتب الكود الخاص بك وكلمة المرور اللي وصلتك على التابلت
نصائح لاستعداد طلاب ثانوية عامة قبل الامتحانات
- اعمل جدول تنظم فيه المواد الدراسية حسب جدول الامتحانات
- ذاكر من مصادر مختلفة عشان تعرف أشكال متعددة من المحتوى التفاعلي
- اقرا المعلومات الأول وافهمها قبل مذاكرتها لأن ده هيقصر الوقت/ هيحفز نظام المكافأة في المخ فهتتحمس أكتر
- اتفرج على الفيديوهات أكتر من مرة للتأكد من فهم أفكارها الأساسية
- حل نماذج الأسئلة والتدريبات لمعرفة شكل الأسئلة والتمربن عليها
نصائح هتساعدك على المذاكرة
- قسم المادة لأجزاء وخلص عدد من الأجزاء دي يوميا وحل عليهم أسئلة بسيطة
- اعمل مكافأة لنفسك كل ماتخلص جزء
- حدد وقت معين تخلص فيه كل جزء عشان تتجنب طول مدة المذاكرة
- توحيد توقيت مذاكرة كل مادة يوميا هيساعدك تخلصها قبل الامتحان بشكل منظم
- حاول تشرح لنفسك الجزء اللي بتذاكره عشان تتأكد إنك فاهمه كويس/ هيسهل حفظه
- تقنية التكرار المتباعد وهو تقسيم المدة الزمنية المتاحة لحفظ المعلومات لفترات قصيرة متباعدة
- وكل مرة تراجع فيها على الجزء اللي خلصته المرة اللي قبلها عشان يثبت في الذاكرة طويلة المدى
- يفضل مكان المذاكرة يكون بعيد عن السرير عشان متحسش بالنعاس
- تجنب أي مصدر للتشتت زي الموبايل والتلفزيون والأغاني والراديو واختار مكان هادي يساعدك على التركيز
- غير مكان المذاكرة من وقت للتاني عشان تحارب الشعور بالملل
- اهتم تاخد استراحة وقت ضغط المذاكرة وممارسة الرياضة نص ساعة يوميا هيساعدك تتشجع أكتر
- قبل بدء المذاكرة.. غمض عينك وتخيل نفسك خلصتها كويس لأن ده نفسيا/ ذهنيا هيساعدك
- لو حاسس إنك مش مستعد.. اظبط المنبه على عشر دقايق عشان تذاكر بعدها لأن تحديد الوقت هيساعدك تذاكر
