المحتويات
التهاب اللسان بيحصل لأسباب كتير منها أي عدوى فطرية أو جرثومية أو جفاف الفم، وبينصح الخبراء بضرورة علاجها بدري وغسيل الأسنان باستمرار لضمان الوقاية من الإصابة بيها أو بمضاعفتها.
تعريف التهاب اللسان
- هي حالة بتسبب تغيرات في نسيج اللسان وتورّمه واختلاف لونه وظهور بعض الفطريات عليه وتكوّن نتوءات على الجلد ممكن أحيانًا تأثر على براعم التذوق وبتزوّد الإحساس بالألم وعدم الارتياح خصوصًا أثناء الكلام أو مضغ الطعام
- من أنواع التهاب اللسان الحاد اللي بيحصل نتيجة رد فعل تحسسي أما التهاب اللسان الضموري بيحصل معاه تغير في ملمس اللسان للأكل وعدم القدرة على استيعاب أغلب النكهات وبتضمر براعم التذوق مع الوقت
الأسباب
- عدم الاهتمام بنظافة اللسان والأسنان بينتج عنه ظهور عدوى فطرية أو جرثومية بتسبب التهاب اللسان
- فقر الدم نتيجة عدم التغذية السليمة بيعتبر من الأسباب الرئيسية لفطريات الفم وبالتالي التهاب اللسان
- نقص الجديد والفيتامينات (خصوصًا فيتامين B12) من الأسباب الرئيسية المسببة لالتهاب اللسان
- الإفراط في تناول الأطعمة اللي بتسبب رد فعل تحسسي للسان زي الأطعمة الحارة والغنية بالملح
- جفاف الفم اللي بيقلل فرص تكوّن اللعاب وبالتالي التهاب اللسان وبيحصل لأسباب كتير منها:
- جفاف اللسان بيأثر على صحة الفم والأسنان واللثة وبيحصل بسبب عدم قدرة الغدد اللعابية على إنتاج كميات كافية منه
- الانتظام على بعض الأدوية بيسبب جفافه زي أدوية الحساسية/ الاكتئاب/ المسكنات/ الضغط
- التقدم في العمر بسبب نقص أو عدم انتظام التغذية أو الإصابة ببعض الأمراض المزمنة
- العلاج الكيماوي والإشعاعي لمرضى السرطان
- التدخين والمشروبات الكحولية
- فطريات اللسان لكن بينتهي مع علاجها
- الإصابة ببعض الأمراض زي داء السكري/ الزهايمر/ مرض نقص المناعة المكتسب
- قلة شرب المياه والسوايل
- التنفس من الفم مش الأنف
- تلف أحد الأعصاب الموجودة في منطقة الرأس والرقبة
- القيء والإسهال والتبول المتكرر بجانب بعض التغيرات الهرمونية
أعراض التهاب اللسان
- ألم ووخز في الأسنان وبيحس المصاب بالحكة الشديدة والحرقان خصوصًا بعد تناول الأكل أو شرب المياه
- تغيرات مفاجئة في لون اللسان واحمرار شديد فيه
- ظهور بعض الأورام والتقرحات عليه
حرقان اللسان
- الخبراء بيأكدوا إن أسباب حرقان اللسان كتير ولكن لازم تتلحق بسرعة قبل ما تتطور لأعراض شديدة وهو مم أشهر أعراض التهاب اللسان
- لازم تستشير طبيب متخصص لو الأعراض استمرت لأكتر من 3 أيام
- بيزيد معاه جفاف الفم وتغيير طعم الأكل والإحساس بالمرارة واللسعة خصوصًا مع المشروبات الساخنة وبيزيد مع تناول المشروبات الغازية والتوابل والحمضيات زي الليمون والبرتقال
- من ضمن أسبابه تفاعل اللسان والغشاء المخاطي للفم مع مواد معينة في معجون الأسنان
- نقص معادن زي الحديد وفيتامينات زي ( B12 – B9 – C)
- التهاب القولون المزمن والسكر
- اضطرابات الغدة الدرقية والتهابات الكبد
- القلق والتوتر المزمن
- اضطراب الألم العضلي الليفي والتصلب المتعدد
- متلازمة سجوجرن وهي اضطراب مناعي بيسبب جفاف العين والفم بجانب إنه بيحصل أحيانًا نتيجة إنه تأثير جانبي لبعض الأدوية
علاج التهاب اللسان
- أدوية كتير مضادة للفيروسات والفطريات بتستخدم في علاج التهاب اللسان ومنها بعض المضادات الحيوية زي:
- إيتراكونازول Itraconazole
- نيستاتين (Nystatin) اللي بيعتبر مضاد للفطريات وبيقوم بنفس دوره دواء كلوتريمازول (Clotrimazole)
- لكن ضروري تستشير طبيب متخصص قبل تناولهم عشان يحدد جرعات محددة
- اهتم بتناول المكملات الغذائية خصوصًا فيتامين B12
الوقاية
- اغسل أسنانك بانتظام مش أقل من مرتين يوميًا والتزم باستخدام غسول الفم
- تجنب الإفراط في تناول الأكلات الحارة
- التزم بنظام غذائي غني بالألياف والخضروات والفواكه في هيئتها الأصلية لأنها غنية بمضادات الأكسدة
- شرب المياه باستمرار بيساعد على ترطيب الفم وتقليل فرص الجفاف اللي بيسبب التهاب اللسان
علاج جروح اللسان
- اتمضمض بمياه كويسة عشان تتخلص من الدم في فمك أو بمياه وملح لأنه مطهر طبيعي بيقتل البكتيريا خاصة بعد تناول أي وجبة
- استخدم قطعة شاش نضيفة واضغط بلطف على مكان الجرح عشان تسيطر على الدم
- لف قطعة تلج في قطعة شاش نضيفة وحطها على الجرح عشان الأوعية الدموية تتقلص والنزيف يقف
- حط كمية بسيطة من جل الصبار على الجرح عشان تسرع التئامه
- تناول الأطعمة اللينة سهلة البلع وتجنب أطعمة ممكن تسبب تهيج زي الحارة والمالحة والصودا
