التهاب القولون: أسبابه وعلاجه وطرق التعايش معاه

التهاب القولون هو ظهور الخلايا الالتهابية في الغشاء المخاطي في القولون، وانتشارها في الغدد الداخلية، وإهمال علاجه ممكن يسبب مضاعفات بتهدد الحياة. 

تعريف التهاب القولون 

• من أمراض الأمعاء الالتهابية اللي بتسبب التهابات، وتقرحات في الجهاز الهضمي
• بتسيب تأثير قوي على البطانة الداخلية للأمعاء الغليظة، وبتطور الأعراض تدريجيًا بمرور الوقت، وبتتفاقم بسبب إهمالها 
• بتظهر في الأشعة آثار الاحمرار والهشاشة والتقرحات في نسيج الغشاء المخاطي

أعراض التهاب القولون 

• آلام وتقلصات البطن
• ألم في المستقيم 
• نزيف المستقيم وخروج دم مع البراز 
• الإمساك الشديد رغم الشعور القوي بالحاجة إلى التبرز 
• أحيانًا بيظهر إسهال عنيف مع قلة القدرة على السيطرة عليه 
• الإرهاق المستمر 
• ارتفاع شديد في درجة الحرارة 
• بتبدأ الأعراض من خفيفة لمتوسطة وبتزيد مع الوقت 

أنواع التهاب القولون 

التهاب القولون الشامل 

• بيزيد معاه حالات الإسهال الدموي الشديد، وقلة القدرة على السيطرة عليه
• مع حدة آلام البطن، وفقدان الوزن بشكل كبير، والإرهاق بسب التهاب كل أنسجة القولون 

التهاب المستقيم التقرحي

• بيزيد الالتهاب عند المنطقة الأقرب لفتحة الشرج، وممكن وقتها يبقى العرض الوحيد هو نزيف المستقيم 

 الالتهاب السيني 

• بيصيب الجزء الأسفل من القولون، وبتزيد معاه الحاجة الملحة للتبرز مع عدم القدرة عليه بسبب الإحساس بإمساك شديد 
• بالإضافة لآلام البطن وبعض أعراض الإسهال الدموي 

التهاب الجانب الأيسر من القولون 

• بيزيد معاه الإسهال الدموي والتبرز المستمر وآلام البطن بسبب التهاب القولون السيني والمستقيم، والقولون النازل 

الأسباب 

• أغلب الناس بيعتقدوا إن السبب الرئيسي الأكل أو التوتر والعصبية 
• الدراسات أكدت إنها عوامل بتساعد على تفاقم الأعراض لكن مش هي المسببة 
• الخبراء بيأكدوا إن وجود فيروس أو بكتيريا غازية معينة ممكن يحفز الخلايا المناعية زيادة عن اللزوم 
• بتهاجم المناعة أنسجة القولون وبتسببلها التهابات شديدة 
• بيزيد الخطر مع وجود عوامل وراثية بتساعد على ظهور الالتهابات بسرعة 
• العلماء بيحاولوا لحد دلوقتي يكتشفوا السبب الدقيق لالتهاب القولون 
• جراثيم كتير بتسبب الالتهاب دي زي: 
•  الأميبات (amebiasis)
•  الشيجيلية (shigella)
•  السلمونيلا (salmonella)
•  العطيفة (campylobacter) 

مضاعفات التهاب القولون

• النزيف الحاد 
• وجود ثقب أو ثقوب في القولون
• الجفاف الشديد
• هشاشة العظام 
• انتفاخ القولون 
• حدوث جلطات دموية في الأوردة والشرايين 
• إهمال العلاج ممكن يسبب سرطان القولون

التشخيص 

• بيحصل بأكتر من طريقة حسب شدة الحالة زي: 
• اختبارات الدم 
• تحليل البراز 
• أحيانا بيلجأ الأطباء لإجراء عملية منظار لفحص حالة القولون واستخراج عينة من الأنسجة لتحليلها 

الأدوية

• بعض الأدوية بتقلل نوبات التقرحات وبتخفف أعراضها زي: 
•  ازولفيدين (Azulfidine)
• كولازال (Colazal) 
• ديبنتوم (Dipentum)
• ديلزيكول  (Delzicol)  
• بريدنيزون (Prednisone) 
• بوديسونيد  (Budesonide)
• وبعض المضادات الحيوية زي:
• هوميرا (Humira)  
• سيمبوني (Simponi) 
• ريميكاد (Remicade)
• انتيفيو (Entyvio) 
•  ستيلارا (Stelara) 
• ابعد عن مشتقات الأيبوبروفين (Ibuprofen) لأنها هتزوّد الأعراض ومش هتسكن الآلام الشديدة 

التدخل الجراحي

• تفاقم الحالة الصحية بيسبب تدخل جراحي بيستأصل فيه الأطباء أجزاء من القولون
• أو تغيير مسار البراز، عشان يمر من الأمعاء الدقيقة لفتحة الشرج مباشرة عن طريقة بطانة الجيبة
• أحيانًا بيبقى تركيب بطانة الجيبة صعب، وبيلجأ الأطباء لتحويل مسار البراز لفتحة دائمة في البطن عشان يتجمع فيها

التعايش مع التهاب القولون 

التغذية 

• ابعد عن منتجات الألبان تمامًا 
• قلل تناولك للوجبات مرة واحدة وخليها على مراحل متفرقة، مثلًا كل 6 وجبات صغيرين في اليوم بدل 3 وجبات كبار 
• اشرب سوايل كتير وأهمها المياه، وابعد عن الكحوليات، والمياه الغازية 
• ركز على البروتين الموجود في السمك، والفراخ المخلية (الصدور)، والبيض
• الفواكه الطرية زي البطيخ، والشمام، والموز والخضروات زي البروكلي فيهم فيتامينات ومعادن كتير هتساعد جسمك يقاوم الالتهابات، بجانب إنها سهلة في الهضم 
• افتكر إن الإفراط في الألياف والأكل الحرّاق ممكن يزوّد حدة الأعراض 

تغيير نمط الحياة 

• العب رياضة خفيفة عشان تنشط الدورة الدموية وتحسن حالتك النفسية 
• التنفس بعمق وممارسة التأمل هيخففوا إحساسك بالألم 
• اشغل نفسك بنشاط تاني عشان تقلل تفكير فيه
• مع الالتزام بالأدوية ونمط الحياة الصحي ومتابعة الحالة باستمرار مع الطبيب
• ابعد عن التوتر ومسبباته قدر المستطاع
• واظب على إجراء فحوصات القولون عشان تتأكد من عدم إصابتك بسرطان القولون