صحة نفسية
التفسير العلمي للإحساس بوجود شبح وكيفية تخطي الأفكار غير المنطقية
إزاي تتخطى الأوهام غير الحقيقية؟
المحتويات
شبح بيطاردك وبينظر إليك وبيمشي وراك أو حتى بيسبب أصوات مزعجة بتصحيك من النوم.. كلها أوهام ممكن تصدقها لو استغرقت تفكيرك فيها وبعدت عن البحث عن الأسباب المنطقية ورائها، الخبراء بيأكدوا إن خيالات وجود الأشباح موجودة عند أغلب الناس بنسب متفاوتة وإن معرفة تفسيرها العلمي هو أول خطوة للتخلص من سيطرة الهواجس والأفكار غير المنطقية.
التفسير العلمي لاعتقاد المخ بوجود شبح
- دراسة أمريكية بتقول إن المخ بيفرز هرمون الدوبامين اللي بيحسسك بالسعادة وقت الخوف والقلق من شيء معين
- بيزيد الإحساس بعد النجاة من الخطر أو التهديد المحتمل
- بيساعد الهرمون ده على تفسير أي مخاوف بنقابلها على إنها شيء خارق عن الطبيعة
- بعض الخبراء بيقولوا إنها بتزيد مع الإرهاق والتوتر والإجهاد لساعات طويلة خلال اليوم أو نتيجة لبعض الاضطرابات النفسية زي الفُصام
- بتمر أحيانًا بالجاثوم قبل الاستيقاظ من النوم مباشرة أو بعد الدخول في مرحلة النوم العميق (مرحلة حركة العين السريعة) وبتحس إنك مشلول أو أطرافك مُقيدة في السرير وإن شيء تقيل على صدرك
- بترتبط الأعراض دي ببعض الخيالات زي وجود أشباح أو كائنات غريبة جنبك
- بتشوف أحلام بتحاكي الواقع نتيجة لمواد كيميائية عصبية في المخ بتخليك تنتقل بين النوم واليقظة بسرعة
- بتحس بوجود نفس شخص أو بيتجسد شكله قدامك كأنه موجود فعلًا لكن الحقيقة إنك بتشوف عالم موازي لعالمك في الحلم
- دراسة تانية بتقول إن إحساسنا الطبيعي بالترددات الصوتية بين 20HZ وبين 20KH
- بعض الأشخاص اللي عندهم أذن موسيقية بيقدروا يسمعوا ترددات أقل وبيفسروها أحيانًا إنها شيء خارق
سبب سماع أصوات حركة شديدة في منتصف الليل
- بتحس أحيانًا بحركة في الطابق الأعلى منك خلال النوم وبتفتكر إنها أصوات لأثاث بيتحرك
- بيزيد خوفك لو ساكن في الدور الأخير أو مفيش حد موجود في الطابق الأعلى وبعض الناس بيعتقدوا إنها أصوات من أشباح أو بتحصل لأسباب خارقة للطبيعة
- بعض العلماء سمّوا الظاهرة دي بالطنين اللي بيسمعه 2% من سكان العالم حسب بعض التقارير
- افترضوا مثال لو إنت ساكن في كوخ على جزيرة وبينك وبين مجوعات تانية مسافة بعيدة وقتها هتقدر تسمع أصواتهم المتداخلة أثناء النهار بدون تفسير كامل للكلام
- مع بداية ساعات الليل هيزيد سماعك لأصواتهم وهتفسر كلامهم بدقة كأنهم جنبك
- بتتحرك الموجات الصوتية أسرع في درجات الحرارة العالية والدافئة وبتقل سرعتها مع انخفاض الحرارة وده بيفسر إحساسك بقرب الأصوات منك وزيادة وضوحها عن الصباح
- خبير في جامعة تكساس بيقول إن ظاهرة اسمها (الصدمة الهيدروليكية) بتسبب صوت مشابه لجر الأثاث الثقيل
- بتحصل الظاهرة دي بسبب انقباض وانبساط داخل أنابيب المياه بعد غلق تدفق شديد للمياه
- الهياكل الخرسانية المسلحة بتساعد على نقل الصوت من إتجاهات مختلفة مثلًا ممكن يبقى صوت من شقة في عمارة مجاورة ينتقل لمكان قريب منك بشكل أفقي أو رأسي
- بيتغير الصوت من طبيعته الأصلية عند المصدر لحد ما تسمعه وبالتالي بتحس بالخوف أحيانًا نتيجة وجود صوت خارج عن المألوف وأحيانًا مش بتقدر تميز طبيعته
التخلص من مسببات التفكير غير المنطقي
- ثقف نفسك وأقرأ في السبب العلمي وراء أي ظاهرة بتشوفها أو بتحس بيها عشان تفهم صح
- اشغل نفسك بنشاط تاني تضيع فيه وقتك وتقلل تفكيرك في أي خرافات أو خيالات غير منطقية
- الدراسات بتقول إن مواجهة محفزات الخوف تدريجيًا هي الأساس في التخلص منه
- مثلًا لو سمعت مصدر صوت في غرفة تانية وإنت لوحدك في البيت خليك شجاع وشوف اللي بيحصل عشان تتأكد إن مفيش حاجة غريبة بتحصل
- اتكلم مع شخص مقرّب منك سواء في التليفون مكالمة فيديو عشان تقلل إحساسك بالوحدة
- افتكر لحظات النجاح والتحقق والشجاعة في حياتك عشان تتصرف صح
- ابني أي موقف بتاخده أو مشاعر بتحس بيها بناء على دليل منطقي واقعي ملموس
- اعرف إن الموضوع مش سهل ولكنه محتاج جهد وتدريب منّك
