المحتويات
البيتكوين هي عملة رقمية شغلت بال أشخاص ومؤسسات كتير خصوصًا مع ارتفاع سعرها وقت الأزمات أصبحت العمود الفقري لمشاريع كتير وكانت نقطة البداية لإنشاء عملات رقمية مختلفة بعدها، وخبراء اقصاد كتير بيأكدوا إن نظامها المالي ممكن يبقى سبب رئيسي في إلغاء وظايف مختلفة السنين الجاية وهيعتمد عليها مواطنين كتير خصوصًا في الدول اللي بتعاني من أزمات اقتصادية.
تعريف البيتكوين
- هو عملة رقمية بدأت في يناير 2009 عن طريق شخص/ مجموعة بتدعي إن اسمها ساتوشي ناكاموتو (Satoshi Nakamoto)
- ورقة بحثية مجهولة المصدر اسمها Bitcoin: A Peer-to-Peer Electronic Cash System) كانت هي بداية ظهور البيتكوين وتحديدًا في أكتوبر 2008
- بتعتبر عملة البيتكوين مؤمنة عن طريق التشفير وهي بتستخدم عمليات التداول المادية من شخص للتاني أيا كان موقعه الجغرافي
- لحد دلوقتي مفيش أي رسوم على المعاملات المادية دي، ومن مميزاتها إنها بتحصل في مدة قصيرة عكس التحويلات البنكية اللي بتستغرق أيام
- قيمته في البداية كانت ضعيفة جدًا (حوالي 0.003 سنت) لكن تطورت مع الوقت وزادت الطفرات في السنوات الـ 3 الآخيرة
- قيمة البيتكوين الواحد حاليًا حوالي 35907 دولار وده بيعادل 562021 جنيه مصري يعني أكتر من نص مليون جنيه
- آراء الخبراء والمستثمرين متضاربة ومتنوعة تجاه العملة دي ولكن الأغلبية بتجمع إن وجودها خارج حدود سلطة مركزية ممكن يقلل القدرة على السيطرة عليها
قاعدة البيانات المتسلسلة (Blockchain)
- هي سجل رقمي بيضم كل المعاملات اللي بتحصل في البيتكوين وبتربط بين ملايين الأجهزة في العالم
- بتتجمع في شكل مجموعات وبتتأمن عن طريق التشفير عبر معادلات رياضية معقدة بيحتاج حلها لاختراقها سيرفرات أعلى من جوجل بحوالي 40 مرة
- بتضمن صحة التداولات المادية وبتخلي نسبة الخطأ فيها صفر % وبيعتمد على مفاتيح تعريف خاصة جدًا
- ممكن لأي شخص يشوف التداولات بس مستحيل يغير فيها أي حاجة وبالتالي بتقل قدرة العامل البشري على التحكم
التعدين
- هو عملية ضرورية لتأمين الشبكات والمجموعات اللي بتقوم بالعمليات دي
- مع الوقت وزيادة عمليات تداول الأموال بيزيد إنتاج العملات الافتراضية عن طريق عملية التعدين
- الأشخاص اللي بيقوموا بيها بيتسمّوا عمال المناجم المسؤولين عن إصدار وحدات جديدة من العملة
- ضمن الشروط الأساسية اللي ذكرها المؤسس في الورقة البحثية إنه مش هيسمح بزيادة عدد البيتكوين عن 21 مليون
- الخبراء بيفسروا ده إن كل ما زاد الشيء وأصبح لامتناهي بتقل قيمته وبالتالي مهم بالنسبة للمؤسسين الحفاظ على محدودية البيتكوين
- الموضوع شبه تحقق البنك من صحة التعاملات المالية اللي بتحصل عليه ولكن دون تدخل من العنصر البشري
- مثلا لو حوّلت 20 دولار لشخص تاني وإنت مفيش في حسابك غير 10 دولارات بس البنك هيرفض العملية
- نفس العملية بتحصل بطريقة آلية في البيتكوين وبيرصد خبراء التعدين المعاملات الصحيحة وبيكوّنوا العملة
- التعدين بيحصل عن طريق خوارزميات معقدة بتقدر تنتج العملة بوسايل مختلفة
وحدة المعالجة الرئيسية (CPU)
- حسب الخبراء فاستخدامها لإنتاج العملة صعب جدًا وممكن ياخد وقت كبير بيوصل لسنة ويمكن أكتر
- بتحتاج أجهزة قوية لمعالجة البيانات بتستهلك طاقة كبيرة جدًا
شركات بيتكوين السحابية
- هي شركات متخصصة في تعدين عملات البيتكوين زي Genesis Mining و HashFlare
- بتحتاج أجهزة متخصصة وقوّتها عالية جدًا زي جهاز Antminer T9-12.5TH/s
- الربح بيتوزّع على المشاركين فيها حسب النسبة المقررة لأن المؤسسين بيحسبوا نسبة ربح عن إنتاج كل مجموعة
- تقارير كتير بتقول إن أرباح التعدين بدأت تقل مؤخرًا
- تقسيم halving قلل نسبة أرباح عمال المناجم من 12 وحدة بيتكوين لـ 6 وحدات
بيتزا البيتكوين
- في 22 مايو 2010 طلب شخص اسمه لازلو هانياك قطعتين بيتزا مقابل 10 آلاف بيتكوين
- شخص تاني اشتراله البيتزا من محل بابا جونز مقابل 20 دولار
- بعدها بـ 9 شهور وصل سعر البيتكوين الواحدة لـ 10 آلاف دولار
- اتسمى اليوم بعدها كده بيوم بيتزا البيتكوين وخبراء كتير أكدوا إنها تعتبر أغلى بيتزا في العالم
- حاليًا بيوصل سعرها لما يقرب من 360 مليون دولار
قفزات سعر البيتكوين
- بداية من 2017 بدأ التصاعد الصاروخي لقيمتها اللي كسرت حاجز الـ 20 ألف دولار
- ومع تصاعد انجذاب شركات كبيرة زي Mass Mutual اللي استثمرت فيها 100 مليون دولار، وبدأت شركات تانية تتنافس من خلال العملة الرقمية الجديدة
- اتجاه كبير بيأكد إن الهيئات الاستثمارية الكبرى بتشوف إنها عملة ممكن يعتمد عليها كمصدر احتياطي زي الدهب
- قلة المعروض منها والتزامها بعدد محدد كل 4 سنوات بيزوّد التنافس عليها بسبب محدوديتها
- استطلاعات رأي أكدت إن المستثمرين الكبار بتقل ثقتهم في الأسواق العالمية مع الوقت وبيلجأوا لطرق مختلفة للاستثمار
- غياب المركزية وسرعة التداول وعدم وجود أي عوائق جغرافية أو توقّف للتداول خلال العطلات الرسمية بيزوّد الرغبة في المنافسة
- قلة الربح العائد على عمال المناجم في تعدينه قلل زيادة العملات وبالتالي ارتفعت المنافسة عليها
طرق الاستثمار في البيتكوين
- منصات كتير بتسهّل شراء البيتكوين زي Coinbase وeToro وRobinhood وBisq
- بتسهّل شراء البيتكوين وتجميده لمدة طويلة حتى ارتفاع سعره وبيعه والاستفادة من فرق السعر
- الشركات اللي بتستخدم البيتكوين كعملة تداول زي شركة Legacy
- تعدين البيتكوين (لكن بيحتاج وقت ومجهود وتكلفة كبيرة)
محفظة البيتكوين
- بتعتبر محفظة إلكترونية زي المحفظة اللي في جيبك ولكن افتراضية على الإنترنت
- فيها كودين مهمية لازم تخزّنهم عن طريق الطباعة أو التصوير
- الـ Public Key وبيعتبر زي رقم حسابك البنكي وده ممكن أي حد يعرفه ويبعتلك فلوس عليه
- الـ Private Key هو بيعتبر الرقم السري الخاص بيك
- لو عايز تحتفظ بالبيتكوين الخاص بيك على الموبايل فيه تطبيقات بتقدم خدمة المحفظة المتنقلة زي Edge وCopay
- محافظ تانية بتبقى موجودة على سطح المكتب زي Electrum أو على مواقع التداول والبورصات
- محافظ تانية تقدر تمسكها Hardware وبتشتغل بمجرد توصيلها بجهاز الكومبيوتر زي الفلاشة ومن أشهر الأنواع:
- Ledger Nano S
- Trezor Model T
- Trezor One
- الخبراء بيقولوا إنك لازم تقسّم استخدامك للوسيلتين سواء الإلكترونية أو المادية عشان تحقق أعلى درجة أمان ممكنة
