المحتويات
الاوراق المطلوبة لتجديد جواز السفر ضروري تبقى محضّرها ومجهّز منها أكتر من نسخة ضوئية ونفس الوقت تسحبهم Scanner وتحتفظ بيهم على تليفونك لأي ظروف طارئة سواء احتجت تجدد باسبورك في أقرب مكتب جوازات وهجرة أو عن طريق الإنترنت.
شروط الاوراق المطلوبة لتجديد جواز السفر المصري
- بطاقة الرقم القومي لو سنّك أكبر من 16 لكن لو أقل من 16 سنة ممكن تجديد جواز السفر بشهادة ميلاد (مميكنة)
- الذكور لازم يبقى معاهم شهادة عسكرية بتثبّت موقفهم الحالي من التجنيد (فوق سن 19 سنة)
- ضروري يبقى معاك 8 صور بخلفية بيضاء مقاس 4×6
- شهادة المؤهل الدراسي الحاصل عليه أو شهادة قيد من كليتك بتاريخ حديث (ضروري تبقى صادرة من أقل من شهر)
- السيدات لازم يبقى معاهم إثبات بالحالة الاجتماعية سواء مطلقة أو أرملة أو متزوّجة
- لازم يبقى معاك جواز السفر القديم قبل التقديم على جواز السفر الجديد
خطوات تجديد جواز السفر
- خلي معاك الأوراق المطلوبة (أصل وصورة) وزور أقرب مكتب جوازات تابع لك واملا استمارة طلب تجديد الباسبور
- بعدها هتروح مكتب مراجعة البيانات ولصق الصور وتدفع الرسوم المقررة (500 جنيه مصري +400 جنيه للأشخاص غير الحاصلن على مؤهل دراسي) وبتستلمه بعد 3 لـ 5 أيام
- ممكن تدفع مستعجل عشان تستلمه خلال 24 لكن برسوم إضافية
أشخاص ممكن يجددوا جواز السفر مكانك
- الزوج أو الزوجة
- الأب والأم للأولاد القصّر والشقيق الكبير للأشقاء القصّر
- الجد والد الأب أو العم في حال غياب الأب للطفل القاصر
- الوكلاء الرسميون بموجب توكيل قضائي رسمي
