المحتويات
الالتهاب السحائي هو التهاب الأغشية المحيطة بنسيج الدماغ والحبل النخاعي، وبيحصل في أغلب الأحيان نتيجة عدوى فيروسية أو بكتيرية أو طفيلية ومضاعفات بتشكل خطر كبير على صحة المصاب به وممكن تهدد حياته.
أنواع الالتهاب السحائي
الفيروسي
- من أكتر الأنواع المنتشرة وفيروسات كتير ممكن تسبب الإصابة وبيشفى الالتهاب من تلقاء نفسه بدون اللجوء لعلاج ولكن بعض الحالات بتستدعي تدخل طبي عاجل وقت تفاقم الأعراض
البكتيري
- بيعتبر نوع معدي وبيظهر سبب الإصابة نتيجة انتقال بكتيريا معيّنة للمريض
- بتصنفه التقارير الطبية على إنه من الأنواع القاتلة خصوصًا إنه بيموّت حوالي من 5% لـ 40% من المصابين بيه من الأطفال ومن البالغين بيموت من 20% لـ 50%
الفطري
- من الأنواع النادرة وبيظهر نتيجة فطريات معينة بيصاب بيها المريض وبتنتقل عبر الدم للدماغ أو النخاع الشوكي
- ضعف المناعة هو السبب الرئيسي للإصابة بالتهاب السحائي الفطري وبيحتاج علاج في أسرع وقت ممكن
الطفيلي
- نوع نادر من التهاب السحائي اليوزيني وبيحصل نتيجة الإصابة بالدودة الشريطية في الدماغ أو الملاريا الدماغية
- بينتقل في أغلب الأوقات عن طريق السباحة في المياه العذبة وبينتشر في أغلب الأحيان عند الحيوانات مش البشر
الأعراض
- بتتشابه الأعراض مع الإنفلونزا ولكن مع تفاقم حدة الإصابة بيتظهر أعراض تانية زي:
- ارتفاع درجة الحرارة لمدة طويلة
- تيبس الرقبة
- صداع شديد مختلف عن الطبيعي
- غثيان وقيء
- النعاس الشديد وعدم القدرة على الاستيقاظ
- حساسية الضوء
- فقدان الشهية
- العطش
- طفح جلدي في بعض الحالات
- بتظهر الأعراض بشكل أوضح على الأطفال حديثي الولادة ومنها:
- الكسل
- القيء
- رفض الأكل
- البكاء المتواصل
- انتفاخ الجزء العلوي أعلى رأس الطفل
- تصلب شديد في الجسم والعنق
- صعوبة تهدئة الطفل وتصلّب شديد في الجسم والعنق
- زيادة صراخ الطفل عند حمله
الأسباب
- بتظهر نتيجة أسباب كتير زي التهاب السحائي البكتيري والفطري والفيروسي والطفيلي
- بينتقل سبب الإصابة عن طريق مجرى الدم للدماغ والحبل النخاعي وبتسبب التهاب حاد
- من أنواع البكتيريا المسببة هي المكورة السحائية والمكورة الرئوية والليسترية
المضاعفات
- فقدان السمع
- صعوبة التذكر والتعلم
- تلف الدماغ
- مشاكل المشي
- الفشل الكلوي
- النوبات المرضية
- إهمال العلاج ممكن يسرْع ظهور المضاعفات ويسبب الوفاة
العلاج
- الراحة في السرير لمدة وشرب السوائل بجانب تناول الأدوية المسكنة وخافضات الحرارة
- تناول المضادات الحيوية المعالجة لنوع البكتيريا المسببة للمرض (بتكتشف عن طريق تحاليل مزارع الدم لتحديد نوع البكتيريا المسببة وبالتالي تناول مضاد حيوي مناسب ليها)
- وفي بعض الحالات النادرة بيسخدم الأطباء الأدوية المضادات للفطريات
- في أغلب الحالات بيوصف الأطباء أدوية الكورتيكوستيرويدات (مضادات الالتهاب) لو مش بتستجيب للعلاج
الوقاية
- اتمرن بانتظام وحافظ على نظام غذائي صحي غني بالألياف وابعد عن اللحوم المصنعة غير موثوقة المصدر لأنها بتسبب أضرار خطيرة وممكن تتراكم فيها البكتيريا المسببة للمرض
- خليك حريص قبل الشرب في كوباية في مكان غير موثوق في نظافته وبلاش تشرب أو تاكل مكان شخص تاني
- اغسل إيدك باستمرار طول الوقت ودرّب أطفالك على غسل الإيدين خصوصًا لو بتتعامل مع حيوانات
- اسأل في أقرب مكتب صحة ليك عن تطعيم الالتهاب السحائي
