الأرز يعتبر طبق أساسي لوجبة الغذاء في معظم البيوت المصرية، بيتعمل بأشكال مختلفة زي بالشعرية مع الخضار أو الأحمر مع الأسماك، أو الحبة وحبة وغيرهم، ورغم إنه طريقة عمله بسيطة إلا بعض الناس بتواجه مشكلة زي إنه يعجن أو يبقى مش مستوي كفاية.
نصائح لعمل الأرز مفلفل
- اغسله كويس عشان تقلل كمية النشا
- مهم تصفيه كويس وتحطه في الحلة على طول من غير ما تعرضه للهواء
- البسمتي.. انقعه في مياه فاترة قبل طبخه لمدة 20 دقيقة
- استخدم نفس معيار (الكوباية) الأرز للمياه
- المعيار الصحيح للبسمتي.. 1.5 لـ 2 كوباية مياه لكل كوباية
- تجنب إضافته لمقدار المياه قبل ما تغلي
- خلي النار عالية لحد ما يتشرب
- هدى النار على أقل درجة وقلبه وغطي الحلة
- استخدم شياطه عشان تضمن توزيع النار
- تجنب رفع غطا الحلة قبل 15 دقيقة
- مهم الحلة تكون بقعر سميك عشان تتجنب التصاقه
- ضيف معلقة زيت لو لاحظت إن الحبات لزقت في بعض
طريقة عمل الأرز المفلفل
المكونات
- كوبايتين أرز
- معلقة كبيرة سمنة/زبدة/زيت
- كوباتين مياه
- ملح
الطريقة
- اغسل الأزر كويس وصفيه
- حط معلقة السمنة أو الزيت وضيف الأزر والملح قلبه لمدة دقيقتين
- ضيف المياه وقلب وسيبه يتشربها
- غطي الحلة وسيبه على نار هادية لمدة 15 دقيقة
