المحتويات
خلال الأسبوع الأول بعد الولادة، بعض الأمهات بتحس بالحزن أو القلق أو الإرهاق، في الوقت اللي بتكون مستنية إنها تكون سعيدة، الحالة دي معروفة باسم “Baby Blues“، حوالي 80% من الأمهات بتصاب بها لمدة أسبوع أو أسبوعين بعد الولادة، وتعتبر حالة طبيعية بتتلاشي خلال أيام، لكنها ممكن تتشابه مع أعراض تانية أكتر حدة لحالة اكتئاب بعد الولادة.
اكتئاب ما بعد الولادة أقوى بكتير وبيستمر لفترة أطول، وبتعاني منه حوالي 15% من الأمهات (سواء كانت لأول مرة أو سبق لها الأمومة)، بيسبب تقلبات مزاجية حادة ومشاعر سلبية بتصعب عليها رعاية طفلها أو نفسها، مهم عدم الاستخفاف به لأنه اضطراب خطير لكن سهل التغلب عليه بالعلاج والرعاية.
أعراض اكتئاب بعد الولادة
بتختلف أعراض اكتئاب ما بعد الولادة من أم للتانية، وحتى من يوم للتاني، لكن تقدر الأم أو الأشخاص اللي حواليها يلاحظوا معاناتها مع بعض الأعراض دي:
- الشعور بالحزن والبكاء بدون سبب لفترات طويلة
- عدم القدرة على النوم رغم الشعور بالإرهاق
- النوم لفترات طويلة أكتر من المعتاد
- اضطرابات الشهية الشديدة (عدم القدرة على التوقف عن الأكل أو انعدامه)
- الإحساس بأوجاع وآلام غير مبررة
- الغضب والقلق الشديد
- تغيرات مفاجئة وحادة في الحالة المزاجية (من الحزن للسعادة والعكس)
- مشاكل في الذاكرة والتركيز
- عدم القدرة على اتخاذ قرارات بسيطة
- فقدان الاهتمام بالحاجات اللي كنتي بتستمتعي بها
- الشعور بالانفصال عن طفلك
- الارتباك
- اليأس
- الإحساس بعدم الثقة بالنفس
- الانسحاب من المشاركات الاجتماعية
- الإحساس بالذنب والخوف إنك تكوني أم سيئة
- أفكار حول إيذاء نفسك أو طفلك
الأعراض بتبدأ بعد أسابيع قليلة من الولادة، في أوقات مش بتظهر إلا بعد أكتر من شهر، ممكن تتلاشى بعد يوم أو اتنين وترجع تاني وتستمر في التفاقم.
أسبابه
- تغيرات فيزيائية: الانخفاض الكبير في الهرمونات (الإستروجين والبروجسترون) في جسم الأم
- مشاكل جسدية وعاطفية زي الحرمان من النوم والإرهاق والقلق على رعاية المولود الجديد أو الإحساس إنك بقيتي أقل جاذبية أو إنك فقدتي السيطرة على حياتك
عوامل الخطر
- الإصابة باكتئاب الحمل أو التاريخ السابق في أوقات تانية
- لو بتعاني من اضطراب ثنائي القطب أو اكتئاب ما بعد الولادة بعد حمل سابق
- تاريخ عائلي مع مرض الاكتئاب
- وجود أحداث مرهقة زي مضاعفات الحمل أو المرض أو فقدان الوظيفة
- لو طفلك بيعاني من مشاكل صحية أو احتياجات خاصة
- صعوبة في الرضاعة الطبيعية
- لو عندك توأم أو أكتر من طفل أكبر
- مشاكل في علاقتك مع زوجتك أو شخص مهم آخر
- الدعم العاطفي أو الزوج ضعيف
- مشاكل مالية
- لو كان الحمل غير مخطط له أو غير مرغوب فيه
- المضاعفات الصحية
المضاعفات
- في حالة عدم علاج اكتئاب ما بعد الولادة، فقد يتداخل مع الترابط بين الأم والطفل ويسبب مشاكل عائلية
- ممكن كمان يتحول لاضطراب اكتئابي مزمن في المستقبل
- عدم علاجه بيخلي الأطفال أكتر عرضة لمشاكل عاطفية وسلوكية زي صعوبات النوم والأكل والعياط المفرط والتأخر في تطور اللغة
العلاج
- المعالجة الدوائية لحالة اكتئاب ما بعد الولادة لازم تكون عن طريق دكتور متخصص
- بيتم اختيار الأدوية وجرعاتها على حسب حالة الأم والرضاعة
- ضروري استمرار العلاج لمدة 6 شهور لمنع تجدد نوبات الاكتئاب من جديد
- تجنبي الانعزال عن الأخرين واطلبي المساعدة من زوجك وأهلك أو أصحابك واتكلمي معاهم عن مشاعرك
- اتبعي نظام غذائي متكامل، يعتمد على المياه والأطعمة الصحية عشان تمد جسمك بالطاقة
- تجنبي تمامًا المشروبات المنبهة لأنها بتزود صعوبة النوم والقلق والتوتر
- اخرجي كل ما أتيحت الفرصة أو استمعي بوقتك
- مارسي بعض التمارين الرياضية في البيت عشان تستعيدي وزنك من جديد وتخلصك من التوتر
- اسمحي للأشخاص زي زوجك أو مامتك أو حماتك أو أختك يشاركوكي مسؤولية الطفل
إزاي الأب يعدي اكتئاب ما بعد الولادة؟
- الآباء الجدد ممكن برده يعانوا من اكتئاب بعد الولادة، وبيحسوا بالحزن أو الإرهاق أو القلق أو حدوث تغيرات في أنماط الأكل والنوم المعتادة
- نفس الأعراض بتعاني منها الأمهات المصابات باكتئاب بعد الولادة
- الآباء الصغار أو اللي بيعانوا من تاريخ من الاكتئاب أو بيعانوا من مشاكل مالية أو في علاقتهم مع زواجتهم
- الدراسات أكدت أن من 7 لـ10% من الأباء الجداد بيعانوا من الاكتئاب بعد الولادة
- اتكلم مع مراتك بصراحة واطلب منها مساعدة
- حاول تشارك مراتك وهي بتحمي أو بتأكل طفلك، لمس الطفل بيفرز هرمون الأكسيتوسين مسئول عن العاطفة
- مارس رياضة عشان تتخلص من الطاقة السلبية
- اتكلم مع صحابك عدوا بنفس التجربة
- استشير دكتور نفسي
