المحتويات
افلام رعب الكبار والصغار دورها أساسي في تغيّر السلوك واضطراب المشاعر عندهم، سواء كان رعب مبني على مشاهد دموية وعنف شديد أو بتعتمد على أفكار الأشباح وسيطرتهم على الآخرين، أو حتى مجرد خيالات كارتونية مرعبة لبعض الأطفال ممكن تضرهم على المدى البعيد.
تأثير أفلام رعب الكبار على العقل
- دراسة في جامعة توركو الفنلندية بتقول إن الناس بتنجذب لمشاهدة التجارب المخيفة وإن الاهتمام بيها بيزيد لو مأخوذة عن قصة واقعية أو قريبة من خيالاتهم ومخاوفهم
- وبتأكد إن مشاعر الخوف بتختلط بشعور الاستمتاع مع الإثارة فبتشوقك تشوفها وبتنشط في المخ مناطق مرتبطة بالإدراك السمعي والبصري
- بتزوّد حساسية مناطق تانية بتعالج الانفعالات وبتقيم التهديدات المحيطة وبتصنع القرارات
- بتقوّي الحواس الوعي بالبيئة المحيطة وتحليلك ليها وملاحظة أي تغيير بيحصل
- افلام الرعب بتشجع الشخص ياخد قرارات مصيرية بسرعة خصوصًا بعد الانتهاء من مشاهدتها بجانب إن الحماس بيخلي ردود الأفعال أسرع لمواجهة أي خطر
أضرار افلام رعب الكبار والأطفال على الصحة
- دراسة بتأكد إنها بتزوْد ضربات القلب وبترفع ضغط الدم زيادة ومع الوقت بيزيد انقباض العضلات بسرعة
- بتساعد على انخفاض درجة حرارة الجسم وبتزوّد فرص الإحساس برعشة في الجسم وتعرّق في الإيد
- بتزوّد إفراز هرمونات الكورتيزول والأدرينالين اللي بينشطوا الإحساس بالتوتر والقلق واللي بيسببوا أمراض كتير مع الوقت
- التدفق الزايد للهرمونات بيعرض أشخاص كتير لنوبات هلع وذعر
- بعض الأشخاص بيصابوا باضطرابات ما بعد الصدمة لأنهم مش بيقدروا يميزوا بين الحقيقة والخيال
- الخبراء بيأكدوا إنه بيوسّع حدقة العين وبيقلل معدلات النوم الطبيعية وبيزوّد فرص الإصابة بالنوم المتقطع
تأثيرها على سلوك الأطفال
- بيزيد السلوك العنيف عند الأطفال ومحاولتهم لإيذاء الآخرين بسبب إحساسهم بالدفاع عن النفس وضرورة الدفاع عن النفس
- بيحاول الأطفال تجنّب أي أماكن أو أشخاص تفكّرهم بالفيلم أو بالشخصية المخيفة اللي شافوها ومش بيفهم أي حد حواليهم سبب الخوف ده أو مصدره
- بتأثر على مستواهم الدراسي وتركيزهم وبتقلل انتباهم وقدرتهم على استرجاع المعلومات
- بتلاصق الخيالات المخيفة عقلهم الباطن وأحلام اليقظة اللي بيفكروا فيها طول الوقت
- جزء كبير منهم بيخاف من النوم في الظلام وبيفضل نوم شخص كبير منّه عشان يحميه لو حصل أي ضرر
- كل المؤثرات دي بتنعكس على شخصية الطفل وبتفقده ثقته في نفسه
فوائد مشاهدة افلام رعب الكبار
- دراسة بريطانية بتقول إن الاستمرار لمشاهدتها مدة طويلة ممكن يحرق سعرات حرارية بسبب هرمونات التوتر وزيادة تدفق الدم
- وتيرة التنفس بتبقى سريعة وبالتالي كمية الأكسجين اللي داخل الجسم وثاني أكسيد الكربون اللي خارج منّه واللي بيعتبر الصور الرئيسية اللي بتخرج معاه الدهون والطاقة من الجسم
- خبراء تانيين أكدوا إن مشاهدة مقاطع قصيرة (مش أفلام رعب كاملة) بتزوّد نشاط جهاز المناعة في الجسم لأن هرمونات التوتر بكمية معيّنة ممكن تقضي على بعض الفيروسات
- بتزيد كمية كرات الدم البيضاء في الدم عكس التوتر والخوف اللي بيقللها
- مشاهدة فيلم رعب وسط مجموعة كبيرة بتزوْد إحساس الانتماء والألفة بينهم وبتزيد معدلات هرمون الأوكسيتوسين (هرمون الحب)
التفسير العلمي لسبب الاستمتاع بيها
- الدراسات بتقول إن إحساس الإثارة وقت مشاهدة افلام الرعب زي إحساس المتعة وقت القفز بالمظلة أو ركوب الملاهي
- سهولة مشاهدتها سواء على الإنترنت أو على التليفزيون شجعت كتير على تجربة إحساس الإثارة والمتعة داخل بيوتهم بأقل مجهود ممكن
- بعض الخبراء أكدوا إن أكتر ناس بيخافوا من الأفلام دي وبيعملوا ردود أفعال عنيفة ومفاجئة ممكن توصل للصراخ أحيانًا هم أكتر ناس بيحبوا النوع ده من الأفلام
- نظرية اسمها التصرف العاطفي بتقول إن بعض الأشخاص بيشوفوا إن المصير المؤلم لأبطال الفيلم اللي بيواجهوا خوف كبير بسبب شبح أو وحش سببه أفعالهم السيئة
- بيحس بعض الناس بمشاعر تعويض وقت تألم الآخرين ومرورهم بتجربة صعبة خصوصًا لو ظروف المتفرج الشخصية مؤلمة وحياتهم مليانة مشاكل وضغوطات
- بتحسسهم بالتعويض والمشاركة الوجدانية إن فيه أشخاص تانيين في العالم بيمروا بظروف أصعب من ظروفهم
- دراسة تانية بتقول إن السبب الرئيسي هو الفضول ومحاولة استكشاف خفايا عالم تاني مهما كانت مؤلمة وقاسية
- بتنشط مناطق المخ المرتبطة بالإدراك السمعي والبصري لالتقاط أي مثير ممتع حتى لو قاسي لمجرد إنه حقق الرغبة في المعرفة والفضول
- دراسة في جامعة هونج كونج بتقول إن الموضوع مرتبط بالجينات وإن حب أنشطة خطرة سواء مشاهدة فيلم رعب أو حب أكل الحراق أو المغامرة بشكل عام ممكن يتوارثها شخص من أهله
