المحتويات
السجاد ركن أساسي ومن أهم عناصر الديكور لأنها بتأثر على شكل وتصميم الغرف،ومهم تختاره بشكل صحيح يتناسب مع ألوان واستايل الأثاث والغرفة، وبيتوافر منه أشكال وأنواع كتير بتصاميم مختلفة وألوان مميزة .
أنواع السجاد المختلفة
الإيراني/العجمي
- أهم وأقدم أنواع السجاد وله شهرة عالمية كبيرة
- جودته عالية وبيتم تصنيعه يدويا وده سبب ارتفاع سعره
- بيصنع من الصوف، والقطن، والحرير
- بيتميز بالنقوش المستوحاة من الثقافة الإيرانية وموجودة في القصور والمساجد هناك
التركي
- من الأنواع الفخمة
- بيتميز بالزخارف الإسلامية والكتابات بالحروف العثمانية
- بيتم صناعته من الحرير وله ألوان زاهية ومتنوعة
الصيني
- منتشر بشكل كبير وبتتراوح أسعاره
- بيتوفر بتصاميم وأشكال متنوعة وخامات مختلفة
- وزنه خفيف وسهل التنظيف
- بيتم تصنيعه من الخيوط الصناعية زي البوليستر
الموكيت
- بيستخدم في تغطية مساحات كبيرة
- بتشكل بنقوشات بألوان متعددة أو بلون واحد
- بيستخدم في الأماكن الباردة للتدفئة
- بيتم صناعته باستخدام الألياف الصناعية
- وبيلصق الموكيت بمواد لاصقة في الأرضية
- لكن مهم تهوية الغرفة وتنظيفه باستمرار لتجنب أي أضرار صحية
الكليم
- سعره متفاوت ما بين الأسعار العالية والبسيطة
- بيتم تصنيعه من الصوف أو القطن
- بتميز بإنه خفيف الوزن
- سهل غسيله
- بيتوفر بألوان زاهية ونقاشات هندسية
- عصري ومناسب للمصايف والمطابخ وغرف المعيشة
- خامته قوية وتتحمل الإستهلاك
نصايح لاختيار السجاد المناسب لشقتك
- حدد ميزانيتك عشان تقدر تختار بين الأنواع والأشكال والماركات الموجودة في السوق
- قيس المسافة المخصصة للسجاد عشان تتجنب إنها تكون أكبر من المساحة اللي عايزها أو صغيرة أوي فتفقد المكان أناقته
- اشتري من محل موثوق في جودة خامات منتجاته
- اتأكد إن أبعاد السجادة مظبوطة من كل النواحي وخلي معاك متر القياس عشان تتأكد بنفسك
- مرر إيدك عليها عشان تقيّم نعومة ملمسها
- اتأكد من جودة تقفيل الحروف لأنها أضعف نقطة في بعض أنواع السجاد
- حدد وزن وجه السجادة وكثافة الخيوط المنسوجة على سطحها.. زيادتها بترفع جودتها وبالتالي سعرها
- كثافة الألياف وقربها من بعضها دليل على جودتها
- افرد السجادة على أرض المحل عشان تتخيل شكلها بدقة
- الألوان الغامقة بتخلي الأوضة شكلها أدفى ومناسبة للأماكن المستخدمة كتير والفاتحة بتعمل وسع فيه ومناسبة لغرف النوم عشان تخليها أهدى
- اللون الغامق بيتأثر وبيقل مع الوقت فممكن تشتري درجتين أغمق منه أو سجادة فيها مزيج من لونين
- الألوان المبهجة مناسبة لغرف الأطفال والمعيشة عشان الحركة فيها بتدي فرصة للإتساخ أسرع
- اختاري ألوان ستاير مناسبة للون السجاد وقيميهم في النهار والشباك مفتوح
- اختار لونه مختلف عن الأثاث أو الدهانات عشان تضيف روح للغرفة
- ممكن تختار لون من الأثاث لكن بدرجة أفتح أو أغمق
- لو بتحب التغيير.. اختاره سادة بلون محايد لتجنب التقيد بالأثاث أو الدهانات والستايل
نصايح لاختيار أفضل السجاد لكل غرفة
- سجادة غرفة الطعام مهم يكون مقاسها مظبوط مع الترابيزة والكراسي وتبقى خامتها قوية زي النايلون المعالج لأنه قوي ومقاوم للبقع.. بيجي بعده السجاد البوليستر
- المصنوع من الصوف الخالص من غير حرير مناسب لغرف الجلوس والنوم لأنه عملي وسهل التنضيف
- أما المصنوع من الحرير مناسب أكتر للغرف الأقل استخدام زي غرفة الضيوف
- الإيراني هو أفخم وأغلى أنواع السجاد لأنه بيصنع يدويا، وبيتميز بأشكال ونقوشات مختلفة
- و الأصفهاني هو الأرقى منه
- اختاري السيسال اللي شبه القش والخيزران للمطبخ لأنه سهل التنضيف
- الناعم مناسب مع الأثاث الجلد والصوف مع الأثاث الكلاسيك، أما المحفور مناسب مع الأثاث المودرن
- لو الأثاث منقوش اختاري سجاد خالي من النقوشات أو تكون بسيطة، لو سادة اشتري فيه نقشة مشابهة لنقشة المخدات الصغيرة للأثاث
- سجادة غرفة الصالون الأفضل تتجاوز الترابيزة اللي عليها بمسافة بسيطة ومتساوية من جميع النواحي
- السجاد الصغير عملي أكتر في غرفة المعيشة
- حط سجادتين صغيرين على جانبي سرير غرفة النوم عشان تدي إحساس بالدفء مع سجادة أكبر في باقي المساحة عشان تحافظ على التوازن
- ممكن تختار درجات البنيات والنبيتى والرماديات والنقوش في الصالون لأنها بتدي إحساس بالفخامة
- السجاد بالألوان الفاتحة مناسب أكتر للغرف الضيقة لأنها بتعكس إحساس بالوسع
- الأثاث البسيط والدهانات الهادية بيتماشى معاها النقوشات الكثيفة
- زود 120 سم في مقاس السجادة تحت ترابيزة السفرة
- سيب مسافة 60 سم بين الباب والسجادة عشان تمنع الاحتكاك وتلفها
