المحتويات
اعراض الذبحة الصدرية اللي بتحصل نتيجة انخفاض تدفق الدم للقلب بتعتبر من أعراض مرض الشريان التاجي، ومن الصعب التمييز بينها وبين آلام الصدر العادية اللي بتشمل وجود عبء ثقيل على الصدر أو اعتصاره من الداخل ومهم وقت الإحساس بالأعراض دي استشارة طبيب متخصص فورًا.
تعريف الذبحة الصدرية
- بتتسمى بالخناق الصدري وهي عبارة عن ألم شديد في الصدر وإحساس باعتصار أجزاء الصدر من الداخل بسبب انسداد شريان أو أكثر من الشرايين المغذية لعضلة القلب
- بيحصل نتيجة انخفاض الدم للقلب وبيعتبر من أبرز أعراض مرض الشريان التاجي
- بتختلف أعراض الذبحة الصدرية من الرجال للنساء وبتتنوع بين الذبحة المستقرة وغير المستقرة والذبحة المخالفة للمعتاد
اعراض الذبحة الصدرية
- إحساس بالضيق والثقل الشديد على الصدر واعتصار أجزائه الداخلية
- حرقان يزداد مع الوقت في الصدر كله
- ألم شديد في الرقبة أو الكتف أو الظهر أو الفك أو كلهم في وقت واحد
- الغثيان والرغبة في القيء
- التعرق المستمر مع الدوار
- الإرهاق الشديد مع ضيق في التنفس
- وقت الإحساس بالأعراض دي لازم تستشير طبيب متخصص فورًا لتقييمها وإجراء اللازم
- الإغماء
- ألم شديد في أعلى البطن
أنواعها
ذبحة مستقرة
- بتحصل في وقت عمل القلب بكفاءة عالية زي وقت التمرينات الرياضية أو مع بذل مجهود بدني عنيف زي حمل أشياء ثقيلة أو طلوع السلم
- بيكون الألم مر على الشخص قبل كده وبيستمر لمدة قصيرة مش أكتر من 5 دقايق وبيقل مع الراحة وتناول الدواء الموصوف له مسبقًا من طبيبه
الذبحة الصدرية غير المستقرة
- ممكن تبقى مؤشر للإصابة بنوبة قلبية حادة وغالبًا بتحصل وقت الراحة وبتستمر لمدة 30 دقيقة وبتقل فرص إيقافها مع الاسترخاء وتناول الدواء
ذبحة صدرية مخالفة للمعتاد
- بتتسمى بذبحة برنزميتال وبتحصل زي الذبحة غير المستقرة وقت الراحة
- الألم بيبقى شديد فيها ولكن يمكن السيطرة عليها بتناول الدواء في أسرع وقت ممكن مع الراحة لفترة أطول
الفرق في الذبحة الصدرية بين الرجال والسيدات
- بيزيد إحساس الطعن في الصدر عند السيدات أكتر من إحساس الضغط الشديد اللي بيمر بيه الرجال وقت الإصابة بذبحة صدرية
- بترتبط الذبحة الصدرية عند السيدات بالغثيان وألم البطن وإحساس بعدم الراحة في الرقبة والظهر والفك
أسباب الذبحة الصدرية
- الإصابة بمرض الشريان التاجي وهو قلة تدفق الدم لعضلة القلب
- وجود ضيق في الشريان التاجي بسبب ترسبات دهنية اسمها اللويحات وده بيحصل مع الإصابة بتصلّب الشرايين
- بتسد اللويحات الأوعية الدموية المتصلة بالقلب وبالتالي بيقل تدفق الدم للقلب
- وقت راحة الجسم بيقل احتياج عضلة القلب لتدفق الدم المحمل بالأكسجين ولكن مع بذل مجهود كبير بيتطلب مستوى معيّن من ضخ الدم فبتحصل الذبحة
- في بعض الحالات النادرة بتحصل تشنجات في الشريان التاجي بتؤدي لقلة ضخ الدم للقلب وبالتالي بيزيد ألم الصدر وبتحصل الذبحة
- سبب تشنجات الشريان ممكن يبقى التدخين أو إدمان المخدرات أو الإفراط في شرب الكحوليات بكميات كبيرة
عوامل بتزوّد خطر اعراض الذبحة الصدرية
- الكسل وقلة الحركة وعدم ممارسة الرياضة لأنهم بيزوّدوا خطر الإصابة بأمراض القلب والسكر والضغط وبالتالي بتتضاعف فرص قصور الشريان التاجي
- زيادة الوزن بتضطر القلب لبذل مجهود كبير لضخ الدم للجسم كلّه
- إصابة المقرّبين بأمراض القلب خصوصًا الآباء والأجداد
- التدخين بيتلف شرايين القلب ويسمح بتسربات الكوليسترول بالتجمّع عند شرايين القلب وسدّها
التشخيص
- بيحصل عن طريق سؤال المريض عن الأعراض اللي بيحس بيها
- تصوير رنين مغناطيسي للصدر اللي عن طريقها بيشوف الطبيب حالة القلب والصدر والرئة وبيحاول يلاقي تفسير للأعراض اللي بيحس بيها المريض
- ورسم القلب بالمجهود اللي يبين استجابة القلب لممارسة الرياضة البدنية كما يسجل ضربات القلب أثناء المشي على جهاز المشي
- مسح القلب النووي اللي خلاله بيتحقن المريض بمادة مشعة للحصول على معلومات عن القلب
- بيلتقط جهاز متخصص مجموعة صور مقطعية للقلب في وقت المجهود ومجوعة صور تانية في نفس اليوم ولكن بعد مدة أو في اليوم التالي للقلب وقت الراحة
أدوية علاج الذبحة الصدرية
- بعض أدوية منع التجلط والأدوية الخافضة للكوليسترول والمحافظة على مستويات الضغط الطبيعية
- أسبرين (Aspirin)
- ترايكارديا (Tricardia)
- نيتروماك ريتارد (NitroMak Retard)
- مونوماك ديبوت (MonoMAK Depot)
- أيزوبتين (Isoptin)
- بروكورالان (Procoralan)
- بلاش تاخد أي دواء إلا بعد استشارة طبيب متخصص خصوصًِا أدوية السيولة
الوقاية
- اعمل رسم قلب كل سنة حتى لو مش بتحس بأعراض عشان تطمئن على نفسك
- التزم بنظام غذائي غني بالألياف ومتوسط البروتين وقلل النشويات قدر المستطاع
- حافظ على وزن أقرب للمثالي وتجنّب السمنة
- وقّف تدخين تمامًا وبلاش تقعد جنب أي مدخّن عشان تتجنب الآثار السلبية للدخان على صحتك
- خليك نشيط والعب رياضة باعتدال وبلاش تستسلم للكسل والخمول
- حافظ على مستويات سكر وضغط أقرب للطبيعي خصوصًا لو بتعاني من أمراض مزمنة فيهم
