اصوات البطن من أغرب الأشياء اللي ممكن تتعرض لها خاصة قبل أو بعد الأكل، وهي علامة على وجود اضطراب أو مشكلة في الجهاز الهضمي.
الأعراض المصاحبة لاصوات البطن
اصوات البطن قبل الفطار شيء طبيعي لأن سببها الجوع، لكن تكرارها على مدار اليوم بشكل ملحوظ ممكن يبقى علامة على وجود مشكلة صحية خاصة لو صاحبها أعراض تانية زي:
- الغازات
- الحمى
- الغثيان
- القيء
- الإسهال المتكرر
- الإمساك
- البراز المخلوط بدم
- الحموضة
- فقدان الوزن غير المبرر
- الشعور بالشبع
أسباب اصوات البطن
حدوثها بشكل متكرر خاصة لو صاحبها الأعراض ممكن يبقى علامة على وجود مشكلة صحية زي:
- عدوى الجهاز الهضمي
- الفتاق
- ضعف تدفق الدم للأمعاء
- اضطراب مستوى الكالسيوم أو البوتاسيوم في الجسم
- وجود ورم
- انسداد الأمعاء
- الإصابة باضطرابات عصبية
- متلازمة القولون العصبي
- الحصى في كيس المرارة
- التهاب البنكرياس
- قرحة المعدة أو التهابها
- التغذية غير الصحيحة زي تناول الأطعمة الدسمة أو الكروبهيدرات بكميات كبيرة وقلة شرب المياه
- تناول الأطعمة المسببة للغازات زي الخبز والحليب والبصل والتوم
- حساسية الطعام
- عرض لدواء معين منتظم عليه
- تباطؤ مؤقت في حركة الأمعاء
طرق علاجها
علاج اصوات البطن هيكون بناء على سببها، فمثلا لو سببها مشكلة صحية الدكتور هيكتبلك الأدوية والنظام الغذائي المناسب لعلاجها، لكن اصوات البطن العادية بتحتاج تغييرات معينة زي:
- تقليل الأطعمة المسببة للغازات زي الفاكهة والفاصوليا والمشروبات المكربنة والمحليات الصناعية وبعض أنواع الخضار زي البروكلي والكرنب
- اتأكد من عدم إصابتك بحساسية اللاكتوز لأن بعض الحالات المصابة بيه وبتستمر على تناول منتجات الألبان بتعاني منها بشكل متكرر
- تجنب الأكل السريع والشرب باستخدام شفاطة ومضغ اللبان لأنهم بيسببوا بلع كمية أكبر من الهواء وبالتالي حدوثها بشكل متكرر
- البروبيوتك (البكتيريا النافعة) سواء في شكل أطعمة زي المخلل الصحي والأطعمة المخمرة والزبادي الطبيعي أو في شكله الدوائي مفيد خاصة للأشخاص اللي سبب اصوات البطن عندها هي الإصابة بمتلازمة القولون العصبي
- اتحكم في كمية أكلك في كل وجبة ونظمهم على مدار اليوم عشان تتجنب الأكل الكتير وتجنب الكميات الكبيرة من السكريات والموالح والكربوهيدرات
- قلل الأكل الحمضي زي الليمون والطماطم وكمية الكافيين اليومية
- ممارسة الرياضة في العموم أو المشي بعد الأكل مباشرة هيقللها
- التوتر بيعلي نشاط الأمعاء وبيصعب الهضم فانتظم على ممارسة الاسترخاء
