المحتويات
اسعار المراتب بتختلف من مكان للتاني حسب جودتها وجودة الخامات المستخدمة فيها لأن المراتب من الحاجات الأساسية في البيت اللي لازم تختارها بعناية لأن عنصر الراحة هو الامتياز الأساسي اللي بتقدمه المراتب للمستهلك.
اسعار المراتب في مصر
- بتختلف أنواع المراتب حسب العلامة التجارية ومواصفاتها القياسية
- عناصر زي الحشو وسمك المرتبة وإذا كانت سوست منفصلة أو متصلة كلها عوامل أساسية في تحديد سعرها
- تاكي ارتفاع 15سم، بسعر يصل إلى 2750 جنيها أما مراتب تاكي بارتفاع 20 سم سعرها 1700 جنيه
- فايبر هاوس بيقدم مراتب تطرية سمكها 7 سم سعرها 500 جنيه أما نفس المرتبة من كنوز مصر فسعرها 470 جنيه
- مرتبة رانجو اللي سمكها 25 سم متوسط سعرها حوالي 1000 جنيه ولكنه بيختلف حسب المقاس
- أما المرتبة النصف طبية بنفس السمك متوسط سعرها 2400 جنيه
- مرتبة كمفورت سليب (سكاي) سمكها 28 سم سعرها 3000 جنيه لكن (تريجير) اللي سمكها 32 سم سعرها حوالي 6000 جنيه
- أما المراتب من نفس النوع اللي سمكها 26 سم وليها وجهين (صيفي وشتوي) سعرها 2400 جنيه
- مراتب الدورا بسمك 25 سم سعرها حوالي 3670 أما اللي سمكها 31 سم سعرها 3950
- مراتب جلوبال اللي سمكها 25 سم بيتراوح سعرها بين 2670 جنيه لمقاس 100×190 لـ 3200 جنيه لمقاس 120×190
- مرتبة يانسن سمكها 30 سم ومقاسها 100×195 سعرها 2000 جنيه
- افتكر إن أسعار المراتب بتختلف حسب مقاسها والوقت اللي بتشتري فيه
مواصفات المراتب الصحية
- المرتبة الصحية لازم تدعم الوضع الصحيح للجسم بدون الضغط على أماكن زي المفاصل وأسفل الضهر والأكتاف
- المراتب الصلبة هتضغط على واحد من الأماكن دي ولا تتلائم مع انحناءات العمود الفقري
- ولو طرية أو مرنة جدا مش هتدعم الأماكن دي في الجسم بالشكل الصحيح وترخيه
- المرتبة المتوسطة بين الصلابة والمرونة هي الأنسب لأنها بتدعم الجسم من غير ما يغوص فيها
- لو بتصحى بآلام في أسفل الضهر بيستمر حوالي ربع ساعة يبقى دي علامة على ضرورة تغيير المرتبة
- وضعية النوم هتفرق في اختيار نوع المرتبة
- مثلًا النوم على الجنب درجة صلابتها من لينة لمتوسطة عشان تدعم انحناءات الجسم كويس
- لكن لو بتنام على ظهرك يبقى لازم تكون صلبة وداعمة كفاية للعمود الفقري لتجنب ظهور مشاكل صحية على المدى البعيد
- أما لو بتنام على بطنك يبقى مهم تدعم أجزاء الجسم بشكل متساوي
- افتكر إن هبوط الجزء الأوسط منها أثناء النوم هيسبب انحناء العمود الفقري وآلام الضهر
- اعرف إن الوزن والطول بيفرقوا في اختيار المرتبة المناسبة خاصة لو لشخصين
- الحالات الصحية زي الروماتيزم والارتجاع وضيق التنفس أثناء النوم بيحتاجوا مواصفات معينة في المرتبة ولازم تبقى قابلة للتعديل عشان تساعد في الحد من الأمراض دي
- مساحتها لازم تبقى كافية لو لأكتر من شخص عشان النوم يكون مريح
- مهم تجرب المرتبة قبل الشراء باستخدام مخدتك اليومية وجسمك بالكامل يكون لامسها
- اعرف مقاسات سريرك عشان تقدر تختار المرتبة المناسبة له
أنواع المراتب
المرتبة الميموري فوم
- تدعم العمود الفقري وكل أجزاء الجسم بالتساوي
- بتحدد منحنيات الجسم والبقاء في وضع محايد وبتخفف الآلام الحالية ومنع ظهور الآلام وقت النوم
- بتستوعب كل أوضاع الجسم أثناء النوم وبتمتص الحركة بدلا من نقلها ولو شخص اتحرك التاني مش هيحس بيها
- سهلة التنضيف والمتانة لمدة طويلة لحد 8 سنوات وحساسة لدرجة حرارة الجسم فممكن تحررك بليل وبتعتبر هي الأغلى بين أسعار المراتب
اللاتكس
- مصنوعة من مادة طبيعية من عصارة الشجرة المطاطية
- بتوفر التوازن للجسم مع الدعم المناسب للعمود الفقري والضهر
- مقاومة للبكتيريا والعفن والتراب وفيها خصائص توزيع الضغط للجسم فبتقلل آلام الضهر
- عازلة للحركة ومناسبة لكل أوضاع النوم وفيها نسبة ليونة أعلى من المرتبة الميموري وبالتالي دعم أكتر للجسم
- متينة وبتستمر لمدة طويلة ومناسبة للأجسام الممتلئة لأنها بتاخد شكل انحناءاته
البوكيت
- كل سوستة بتكون متغطية بالكامل ومغلفة بطبقة عازلة من القماش
- بتوفر دعم مناسب للضهر وبتحافظ على درجة حرارتها
- سعرها مناسب وبتعتبر مناسبة للأزواج اللي أوزانهم مختلفة لانفصال كل سوستة عن التانية
الأير بيد
- مناسبة للناس اللي بيعانوا من إصابات العمود الفقري
- ممكن التحكم في مدى صلابتها لأنها متقسمة لأربع مربعات ويمكن ضبط درجة الصلابة طبقا للجسم
- لو جودتها مش عالية أو صعب تظبطها بالشكل المطلوب هتسببلك آلام في الضهر
- جزء واحد منهم بيترفع لما شخص بيقعد على الناحية التانية
الآدجستبل بد (Adjustable Beds)
- مجهزة لأكتر من زاوية
- مناسبة للناس اللي بيعانوا من الأرق أو الارتجاع المريئي أو كبار السن
- ممكن تعملها بطلب مخصوص بأي نوع من أنواع المرتبة
سبرنج بد
- بينصح بيها الأطباء لكن لفترات محددة أو مع وجود ألم معين في الضهر وينتهي استخدامها مع انتهاء الألم
الإسفنج الطري
- مرتبة سعرها معقول لكن عمرها قصير
طريقة تنضيف المرتبة
- نضفها بالمكنسة الكهربائية عشان تتخلص من أي أتربة
- هات قطعة قماش مبللة لامتصاص أي بلل بسبب سائل لسه واقع عليها وبلاش تدعك أو تفرك السائل عشان هتزود فرص امتصاص المرتبة ليه وتكوين بقعة
- اخلط معلقتين مياه أكسجين مع معلقة صابون غسيل الصحون وهات فرشة أسنان وادعك بيها مكان أي بقعة ناشفة
- رش بيكنج صودا على المرتبة كلها وسيبها لمدة 30 دقيقة وبعدها استعمل المنظفات الإنزيمية لأنها بتساعد في إزالة البقع اللي لونها قوي
- المنظف الإنزيمي بيتعمل بمكونات سهلة موجودة في كل البيوت وبيفكك بقع الدم والبول والعرق والقيء
طريقة عمل المنظف الإنزيمي
- المكونات الأساسية بسيطة وموجودة في كل بيت
- ½ كوب سكر
- معلقة خميرة صغيرة
- لتر مياه
- كوبايتين قشر برتقال وليمون
- نضف قشر البرتقال والليمون كويس وقطعه مكعبات صغيرة وهات زجاجة صودا وحط فوقها قُمع ونزّل فيه القشر
- ضيف عليه سكر وخميرة ولتر مياه وسيبه في مكان دافي يتخمر على الأقل أسبوعين
- افتح غطاء الزجاجة يوميًا لمنع تراكم الضغط وبعدها اقفله بإحكام ورج الزجاجة كويس
- بعد ما يتخمر صفيه من أي شوائب واحتفط بيه في عبوة محكمة الغلق
- تعريضه للأكسجين هيزود نمو البكتريا فيه وهيقلل فاعليته
استعمال المنظف الإنزيمي صح
- املا بخاخ التنضيف بالمياه وحط عليه ربع كوباية منه واملا ¾ البخاخ بالمنظف الإنزيمي والربع الباقي بخل التفاح لمفعول أقوي
- رش منه على قطعة قماش وادعك بيها البقعة وبلاش ترشه على المرتبة مباشرة
