لايف ستايلمرأة
استخدامات الفازلين المختلفة وكيفية إزالته من الشعر
إزاي تستخدم الفازلين في أغراض مختلفة؟
المحتويات
الفازلين فوائده كتير ومعروفة للبشرة ومنها المساعدة على الترطيب وتقشير البشرة الجافة لكن استخداماته متنوعة ومختلفة بجانب إن حيله كتير سواء للتجميل أو لإصلاح بعض الأشياء.
فوائد الفازلين
- بيقشّر البشرة وبيقلل فرص جفافها وبيساعد على ترطبيها وبالتالي نعومتها
- بيحمي البشرة من حروق الشمس وبيقلل تشققات الشفاه وبيستخدم في إزالة المكياج
- بيعالج تشققات الكعب وبيزوّد فرص نعومته لجانب إنه بيرطّب الضوافر وبيحميها من الجفاف
- بيثبّت شعر الحواجب وبيقلل فرص حركته
- دهنه على الجروح بيحميها من الجراثيم وبيزوّد فرص التئامها
نصائح للسيدات لاستخدام الفازلين في التجميل
- حطيه على المعصمين وخلف أذنك ورشي البيرفيوم عليه عشان يثبت مدة أطول وحطيه على القدم أو الكاحل أو الكعب أو الكوع وغطيهم بملابس قطنية لتجنب تشققهم
- اغمسي عود قطني فيه ومشيها على خط الرموش لو عايزة تشيلي الرموش الصناعية بسهولة
- وزعيه حول الأظافر بعود قطني قبل وضع المانيكير لتجنب تلطيخ أصابعك
- لو هتحطي برونزر أو سبراي تسمير على جسمك اخلطيه معاه بكميات متساوية أو حطيه قبله عشان جسمك يلمع أكتر
- حطيه على رموشك لترطيبها وعشان شكلها يكون كثيف
- وزعيه على زجاجة المانيكير من الداخل قبل قفلها لتجنب لصقها
- حطيه على الحلق قبل لبسه لتسهيل دخوله في الأذن
- اخلطيه مع مرطب الشفايف اللي فيه لون لتثبيته وقت أطول
- حطيه على حواجبك قبل تسريحها عشان تثبت مدة أطول
- لو هتحطي هايلايتر حطيه على عضلات الخدين قبلها عشان تثبتيه
- حطيه على إصابات الحروق أو اللسعات البسيطة زي حرق مكواة الشعر لتقليل أثرها على الجلد
- استخدميه في إزالة ميكاب الوجه والعين والشفايف مع قطع القطن
- حطي النوع المخصص للشفايف قبل وضع الروج الـ(Matte) عشان يكون بيلمع
- واخلطيه مع سكر واستخدميه كمقشر للشفايف أو مع ملح البحر واستخدميه أثناء الاستحمام لتقشير جسمك
- حطيه على البقع الصعبة زي بقع الروج وبعدين اغسليه
استخدام الفازلين للشعر
- مفيش دليل علمي على إنه الفازلين بيطوّل الشعر للسيدات ولكنه ممكن يبقى سبب في حمايته من الجفاف
- تجربة كمية بسيطة منّه على الشعر سواء للرجال أو السيدات مش هتضر لكنه مش هتحقق الفائدة المنتظرة
- الأحسن تغسل شعرك كويس وبعدها تحط منه كمية بسيطة على شعرك لمدة ساعة قبل إزالته
إزالة الفازلين من الشعر
- امسح شعرك بورق مناديل بس بلاش تضغط بقوة
- غطي شعرك بطبقة خفيفة من نشا الذرة أو بيكنج صودا أو بزيوت زي زيت الزيتون أو زيت جوز الهند
- دلك شعرك عشان تتأكد إن البودرة أو الزيت على كل الأجزاء الدهنية
- اغسل شعرك بمياه دافية وشامبو
- بلاش تغسله بمياه باردة لأنها هتزود تكتل الفازلين بعدها استخدم بلسم وسيبه على شعرك من 3 لـ 5 دقايق قبل غسله مرة تانية
- نشّف شعرك كويس واتأكد من عدم وجود ملمس دهني عليه
محاذير استخدام الفازلين
- تجنب استخدامه لو بشرتك دهنية أو حساسة لأنه هيضرها ومش هيفيدها
- ممكن يضر مسام الجلد اللي اتعرض للحروق وبالتالي تجنّب استخدامه لعلاجها
- اعرف إنه ممكن يبقى السبب في تفاقم حب الشباب وبيقلل فرص علاجه
استخدام الفازلين في إصلاح خدوش الإسطوانات
- ممكن تستخدمه في إصلاح خدوش الإسطوانات عن طريق دهنه على الخدش مباشرة وتركه دقيقتين وبعدين مسحه بمنديل
- كرر الخطوة دي أكتر من مرة عشان تحقق أكبر استفادة (بعض الخبراء بيقولوا إن الخدش هيتصلح في خلال مدة من 10 لـ 14 يوم
