اختراق الموبايل بيعرض بياناتك الشخصية والصور الخاصة لخطر الاستغلال والابتزاز، وبالتالي مهم تركز مع العلامات البسيطة اللي هتساعدك تكتشف اختراقه بيها.
علامات اختراق الموبايل
- بطء التحميل ويشتغل في وقت أطول وبيسخن بسرعة
- وجود مكالمات أو رسايل أو تطبيقات مجهولة ليك
- ظهور إعلانات غريبة أو لقيت مواقع مش معروفة في تاريخ السيرش
- لو البطارية بتخلص بسرعة ملحوظة
- استهلاك الداتا زيادة عن استخدامك الحقيقي
- تحميل تطبيق على الموبايل من غير الأسئلة اللي بتيجي قبل تشغيله
- إغلاق الشاشة فجأة بشكل متكرر وفي تطبيقات مش بتشتغل
- استخدام الواي فاي المفتوح بيسهل اختراق المعلومات اللي استخدمتها في الوقت ده
- شحن الموبايل في الفيش العمومية غلط إلا لو اختارت (شحن الموبايل فقط)
خطوات حماية الموبايل من الاختراق
لو ظهرت العلامات السابقة على الموبايل يبقى لازم تاخد خطوات معينة تحمي بيها بياناتك الشخصية وهي:
- اعمل تسجيل خروج من كل حساباتك على مواقع التواصل
- غيّر كلمة السر لكل الحسابات من اللاب توب أو من تليفون تاني.. واختار كلمة سر قوية ومختلفة عن القديمة
- اطلب كود #002##.. الكود ده هيعطل أي حد بيتجسس على رسايلك النصية (SMS) أو تليفونك
لو آيفون
- ادخل على Settings ودوس على Safari
- اتأكد إن Block Pop Ups شغالة
- اضغط على Clear History and Website Data
- انزل تحت في نفس صفحة Safari واضغط على Advanced
- دوس على Website Data عشان تظهرلك كل المواقع اللي اتفتحت من تليفونك
- وامسح أي موقع شاكك فيه من خلال تمرير إصبعك عليك للشمال ودوس على Delete
لو أندرويد
- افتكر إن تحديث تليفونك باستمرار بيصعّب اختراقه
- فعّل الوضع الآمن على جهازك
- دوس على زرار التشغيل لمدة لحد ظهور علامة غلق الهاتف Turn off
- هتظهر معاها حاجات تانية زي Restart و Emergency Mode أو Safe Mode
- لو تليفونك قديم اقفل تليفونك وافتحه تاني ومع بداية ظهور شعار الهاتف دوس باستمرار على زرار خفض الصوت أو خفض الصوت ورفعه في نفس الوقت بشكل متكرر
- امسح أي تطبيق شاكك في مصدره أو حتى مش بتستخدمه
- تطبيقات كتير تحميلها هيساعدك تقاوم تأثير أي اختراق زي Avast Antivirus وAVG AntiVirus 2021 و Safe Security
