المحتويات
مسامية الشعر بتختلف حسب نوع الشعر والأشياء المختلفة اللي بيتعرضلها زي الصبغة والحرارة، ومن خلال اختبارها تقدري تعرفي نوع شعرك ومدى صحته.
ما هي مسامية الشعر؟
هي تشير لمدى قدرة الشعر على امتصاص الرطوبة والاحتفاظ بيها، ومستوياتها بتختلف حسب نوع الشعر بين منخفضة ومتوسطة ومرتفعة.
ما هو اختبار مسامية الشعر؟
هو اختبار The Hair Porosity Test وبيحتاج كوب من المياه وخصلة أو شعرة من شعرك بعد الاستحمام وتكون خالية من أي بلسم أو كريم شعر، وانقعيها فيها واستني 10 ثواني عشان تشوفي مكانها في الكوب أو من سطح المياه
الخصلة على سطح المياه
- لو الشعرة عامت على وش المياه.. يبقى مسامية شعرك منخفضة
- ده معناه إنه صعب يمتص الرطوبة ويحتفظ بيها
- استخدام المواد التقيلة أو الزيت هتخلي شكله دهني
- اعتني بيه باستخدام الزيوت الخفيفة زي زيت الجوجوبا واللوز والأرجان
الخصلة في نصف الكوب
- لو الشعرة فضلت معلقة في نص الكوباية.. يبقى شعرك متوسط المسامية
- ده معناه احتفاظ الشعر بالرطوبة بشكل كويس ومش بيفقدها بسرعة
- اهتمي بترطيبه أسبوعيا مع مرطبات متوسطة التقل
الخصلة في قاع الكوب
- لو غطست في قعر الكوباية.. يبقي شعرك مساميته عالية
- ده معناه إنه بيخزن الرطوبة بنسبة كبيرة وبيفقدها بسرعة لأن مسامات الشعر مفتوحة
- محتاجة تعتني بيه بمواد تقيلة زي زبدة الشيا أو المانجا أو الزيوت زي زيت الخروع وجوز الهند
- فروة الراس بتحتاج تتغسل كويس جدا وبمياه باردة لأنها غالبا بتكون دهنية
