المحتويات
ابواب مصفحة جيدة الصنع سواء محلية أو مستوردة بينصح بيها خبراء الأمان عشان تحمي بيتك وممتلكاتك من السرقة، بجانب إن ليها مميزات مرتبطة بالعزل والحفاظ على الخصوصية بدرجة كبيرة، وبالتالي ضروري تعرف مختلف أنواعها وأسعارها بجانب مميزاتها وعيوبها.
أنواع الابواب المصفحة وأسعارها
الصيني
- جذاب كشكل والكالون قوي ولكن صعب العثور عليه بجانب إنه غالي جدًا
- الباب ضعيف من حيث معايير الأمان وسهل كسره ويعتبر بديل للباب الخشب أو العادي
- بتتراوح أسعاره بين 1400 لـ 2200 حسب السوق
- بتزوّد فرص العزل الحراري وبالتالي بتستفيد بشكل أكبر من التكييف أو الدفّاية حسب درجة الحرارة الخارجية ودرجة الحرارة اللي بتحاول توصلّها
التركي
- بيعتبر أكثر قوة وصلابة من الصيني ومتوفر بعدة أشكال لتلبية كافة الاحتياجات سواء مكان السكن شقّة أو فيلا
- متنوع في المتنانة لأن التصفيح درجاته مختلف ومنها ربع تصفيح لحد تصفيح كامل
- وحتى التصفيح الكامل سمكه متنوع وبيوصل لـ 1.5 مم
- أسعاره من 3500 جنيه ولحد 6000 جنيه حسب الشكل ونوع التصفيح
الإيطالي
- بيعتبر أكثر صلابة وتصفيح من الباب التركي ولكن مش بيتصنع بالكامل في إيطاليا
- الهيكل الحديدي بس اللي بيتصنع في إيطاليا لكن الإكسسوارات الكوالين بتتركب في مصر
- بيتراوح سعر الباب الإيطالي بين 13 ألف جنيه وبيوصل لـ 18 ألف جنيه حسب المساحة والسمك المطلوبين
المصري
- بيتركّب عن طريق لحامات وصب مونة أسمنت في الحلق وبيعتبر من أقوى الأنواع
- بيستخدم في تركيب الأبواب للمخازن أو المنازل اللي أهلها مسافرين للخارج وبيحافظوا على مقتنيات بيتهم
- تكلفته ببتراوح بين 7 آلاف لـ 10 آلاف جنيه
مميزات الباب المصفح
- بيحتوي على 4 كوالين لتأمين الباب من كل الجهات وبتضم أغلب أنواع الباب المصفح عتبة معدن ضد الصدأ
- الباب المصفح بيضم عين سحرية مقاومة للإضاءة عشان تقدر تشوف منها بوضوح
- بعض الأبواب بتضم أنظمة أمان زي الجرس وكلمة السر
- بتزوْد فرص عزل الأصوات والضوضاء الخارجية
عيوب الباب المصفح
- ضياع المفتاح في أغلب الأحيان بيبقى مشكلة كبيرة لأن البديل مش بيتوفر بسهولة
- أو حالات كسر المفتاح أو نسيانه داخل الباب والخروج لأن كسر الباب مش خطوة سهلة وأحيانًا ممكن تكلّف خسارة الباب كله
