المحتويات
الانتحار هو رابع سبب للوفاة عند الأشخاص من سن 15 لـ 19 سنة في العالم وفقًا لمنظمة الصحة العالمية، والعامل الوحيد المعترف بيه اللي ممكن يبقى مؤشر على صدور سلوك انتحاري من شخص معيّن هو إقدامه على الانتحار في فترة معيّنة من حياته، وفي كل عام بينتحر حوالي 703 ألف شخص حوالين العالم.
الأشخاص المعرضون للانتحار
- المصابون بالاضطرابات النفسية خصوصًا الاكتئاب والاضطرابات الناتجة عن الإفراط في تناول الكحول والمخدرات
- انهيار قدرة بعض الأشخاص على التعامل مع أزمات الحياة زي فقدان شخص عزيز أو الإصابة بمرض مزمن أو المرور بأزمة مالية كبيرة
- الإحساس بالوحدة سواء بسبب غياب الأصدقاء أو بسبب عزلة بيفرضها المجتمع
- بيزيد الانتحار عند المثليين أو مزدوجي الميول الجنسية أو مغايري الهوية الجنسانية
مهن بتسبب زيادة معدلات الانتحار
المهن الطبية
- الخبراء بيقولوا إنهم بيُصابوا بالاكتئاب أكتر من غيرهم
- بيتعرضوا لآلام المرضى يوميًا وبيزيد تأثرهم بيها في اللاوعي عندهم
- الضغط النفسي بسبب ضرورة التقدم في المهنة تحديدًا عند الأطباء والمذاكرة المستمرة بيزوّد التوتر والقلق
- الدراسات بتقول إن فرص الانتحار بتوصل عندهم لـ 19%
رجال الإطفاء - دراسة في جامعة فلوريدا بتقول إن 40% منهم معرضين للإصابة بأمراض نفسية
- بيتعرضوا يوميًا لكوارث كبيرة بينتج عنها خساير مادية وبشرية
بيزيد خوفهم على نفسهم نتيجة مواجهة أخطار كبيرة يوميًا
العمل الإداري
- ضغوط متابعة كل التفاصيل ومباشرة أداء الموظفين ووضع خطط جديدة للمؤسسة بتزود التوتر والقلق
- التعرض لمشاكل وضرورة حلّها في أسرع وقت بيضيع الجزء الأكبر من طاقة ومجهود الشخص
- النقاشات المستمرة ومحاولة تلبية احتياجات الجميع مع تنسيقها بمصلحة المؤسسة بيضغط على الشخص نفسيًا وجسديًا
- دراسة بتأكد إن قلة التوازن بين الحياة الشخصية والعملية بتدفع جزء منهم للاكتئاب والعزلة وفي أقصى الحالات للانتحار
رعاية الأطفال
- دراسة في جامعة واشنطن بتقول إن استمتاع الفرد برعاية الأطفال بيختلف حسب شخصيته
- حب الشخص للمجال بيساعده على النجاح وزيادة تعلّق الأطفال بيه وده بينعكس على نفسيته وأجره في المهنة
- أحيانًا بتبقى مهنة بديلة بعد الفشل في إيجاد وظيفة في مجال العمل الأساسي
- بيعتقد الشخص إنها سهلة ولكنها بتحتاج مهارات دقيقة وقدرة على التحمّل
- الفشل في تحقيق نجاح فيها بينعكس على الدخل الشهري منها
- بيزيد الاكتئاب والعزلة وممكن توصل للانتحار
عمّال البناء
- دراسة بتأكد إنها من أقل المهن استقرارًا في العالم
- بيزيد قلق الشخص في المستقبل والتخطيط لأمانه المادي
- الفشل في إيجاد فرص عمل بشكل دوري بيحسس الشخص بالعجز خصوصًا لو مسؤول عن أسرة
- بيوصل لأقصى درجات اليأس اللي ممكن تدفعه للانتحار
- بيندرج تحت نفس الفئة عمّال الصيانة والتنظيف وحمل المعدات في المؤسسات والشركات
دور التربية الذكورية في زيادة معدلات الانتحار
- دراسة في جامعة كاليفورنيا بتقول إن التربية الذكورية بتعرض الطفل للاكتئاب الحاد على مدار حياته في المستقبل
- عن طريق تجربة أكدت إن الرجال اللي بيؤمنوا بالأفكار الذكورية بيزيد تعرّضهم لحوادث المرور أكتر من غيرهم
- أغلبها بيبقى نتيجة قلة التركيز اللي بيسببه الاكتئاب والتوتر والقلق من أبسط المواقف
- جزء مش قليل منهم بيتعود على التدخين اللي بيتطور أحيانًا لإدمان المخدرات والسلوكيات المنحرفة
- حتى لو بيحافظوا على صحتهم ولكنهم بيتمسكوا بحب السيطرة وفرضها على السيدات في عائلاتهم
- بيقل اعترافهم بأي توتر أو اكتئاب ومش بيطلبوا المساعدة من متخصصين
- بيستهينوا بقدرات السيدات ولكن بيزيد إحباطهم لما بتتمكن المرأة من تحقيق نجاح عملي
- بيقل اعترافهم بضعف مهاراتهم سواء في العمل أو حتى في الحياة الشخصية وبيقل سعيهم لتطوير الذات
- مع الوقت بيتفوق الآخرين عليهم سواء رجال أو سيدات وده بيزود ضيقهم وبيقلل رضاهم عن حياتهم
- دراسة تانية بتقول إن نمط التربية الذكورية بيقلل تطبيق الشخص لقواعد الوقاية من الأمراض
- التجربة أكدت إن فرصة إصابتهم بفيروس كورونا بتزيد بنسبة 23% عن الأشخاص غير المؤمنين بالأفكار دي
- مجرد إصابتهم بأي مرض حتى لو بسيط بتضعف ثقتهم في نفسهم وبيحسوا بضعف هيمنتهم الذكورية
- في حالات كتير بيتفاقم الوضع وبيوصّل الشخص لنوبات اكتئاب حادة ممكن تدفعه للانتحار
منع الشخص من التفكير في الانتحار
- حاول تتكلم معاه واسأله عن مشاعره وافتح معاه الموضوع عشان يحس إنك مهتم بيه
- اسمعه بتركيز وتعاطف معاه لأن ده هيحسسه بالارتياح والدعم وتجنب الحكم على كلامه/ أفعاله
- ادعمه بكلامك وحسسه إنه مش لوحده وإنك مهتم بيه واختار الكلمات الصحيحة للتعبير عن كلامك لأن ده مهم جدا
- اسمع له مهما كان كلامه سلبي بدون مقاطعة لأن فكرة إنه بيعبر عن مشاعره نقطة إيجابية
- حسسه بالأمل وإن اللي بيمر بيه ده مشاعر مؤقتة وهتعدي وإن حياته تهمك
- خد كلامه ومشاعره بجدية وتجنب الاستهانة بأي فكرة يقولها لأنه قاصدها وحاسسها وبالنسبة له حقيقية جدا
- تجنب الجدال معاه أو تقول كلام زي (حياتك لسه قدامك) أو (إنت أحسن من غيرك)
- اسأله عن الأفكار اللي في دماغه عشان تقدر تحدد شدة الأفكار الانتحارية ولو هو مخطط لحاجة معينة
- تجنب توعده إن كلامه هيفضل سر بينكوا لأنك هتحتاج اللجوء لأهله/ شخص متخصص على حسب شدة الأفكار
- اسأله أسئلة مباشرة زي (إنت بتفكر تقتل نفسك؟) (فكرت هتعمل كده إزاي؟) عشان تقدر تحدد درجة الخطورة
- تجنب تسيبه لوحده والجأ لطبيب نفسي ولحد من أهله عشان يتعاملوا مع الموقف
- شجعه على العلاج النفسي وساعده ينتظم عليه عشان يقدر يتخطى الاكتئاب
- تواصل معاه دايما وشجعه على نظام حياة صحي زي تجنب التدخين/ الكحول/ ساعده على الخروج/ ممارسة الرياضة
- ادعمه حتى لو حسيت إنه اتحسن لأن وجودك هيساعده يتخطى مرحلة التعافي
علاج الانتحار
- ضروري تستشير طبيب نفسي متخصص فورًا يساعدك علي العلاج
- حاوط نفسك بالأشخاص المقرّبين اللي بتثق فيهم طول الوقت
- ابعد عن المواد المخدرات وإدمان الكحوليات لأنهم من الأسباب الرئيسية للتفكير في الانتحار
- الدراسات بتأكدإن كبت الأفكار الانتحارية وعدم الكلام عنها بيزوّد فرص تنفيذها في أضيق الحدود وبالتالي ضروري تعبّر عنها سواء بالكلام أو على الأقل بالكتابة
- تحديد هدف والعمل عليه بيقلل التفكير في أي محاولات لإيذاء النفس
- اهتم بتناول الأطعمة الغنية بأوميجا 3 لأنه مفيد للناقلات العصبية وصحة المخ، وموجود في الأفوكادو وبذور الشيا والكتان والسمك زي السلمون والماكريل
- التزم بنظام غذائي قليل الدهون وغني بالأكلات بتحسن المزاج وبتقلل القلق والتوتر زي البطاطا لأن فيها أحماض أمينية وبذور الكينوا لأن فيها بروتينات وكربوهيدرات صحية ومعادن بجانب الخضروات الورقية الغنية بحمض الفوليك وفيتامين ب
- ضروري تاكل الأطعمة الغنية بالزنك لأنه بيحسن الوظائف العصبية والإدراكية وموجود في اللحوم الحمراء والبقوليات والكاجو والبيض والشوكولاتة الغامقة
- العب رياضة بشكل منتظم لأنها بتساعد على التخلص من التوتر والمشاعر السلبية واتعرض لأشعة الشمس باستمرار
- الأبحاث أثبتت إن الخطوات دي بتساعد على زيادة هرمون السيروتونين (مادة كيميائية بتحسن المزاج والشعور بالهدوء والتركيز) وبالتالي بتقلل تفكيرك في أي مشاعر سلبية أو الإقدام على أي سلوك مؤذي
