المحتويات
الموالح من الأطعمة اللي ناس كتير بتميل ليها، لأسباب صحية زي جفاف الجسم واضطراب الإلكتروليت أو لأسباب نفسية زي الضغط النفسي والقلق.
أسباب إدمان الموالح
الملح ليه فوائد كتير للجسم زي التحكم في العضلات وتوازن السوايل في الجسم، وتناوله بكميات قليلة أو كتيرة بيأثر سلبا على الجسم
الميل ليه بشكل متكرر دليل على مشاكل صحية مختلفة
جفاف الجسم
الجسم بيحتاج كمية معينة من الترطيب والسوايل لانتظام وظائف الجسم بالشكل الصحيح، وميلك للموالح بشكل زايد هو محاولات الجسم للفت نظرك لشرب كميات أكبر
أعراض الجفاف التانية هي:
- الدوخة
- جفاف البشرة
- برودة البشرة والجلد
- الصداع
- عدم انتظام ضربات القلب
- التقلبات المزاجية
- الشد العضلي
- قلة التبول
- العطش الزايد
اضطراب الكهارل (الإلكترولايت) في الجسم
السوايل في الجسم فيها معادن وعناصر غذائية مهمة، والصوديوم اللي الملح غني بيه واحد منهم
لو نسبة المعادن أو الكهارل دي مضطربة، بتظهر عليك أعراض زي:
- الصداع
- الغثيان والقيء
- التعب وانخفاض الطاقة في الجسم
- سهولة التهيج والتقلبات المزاجية
- عدم الإتزان
- قلة القدرة على التركيز
الإصابة بداء أديسون والموالح
الغدد الكظرية مسؤولة عن إنتاج هرمونات مهمة للجسم، وداء أديسون هو مرض نادر بيسبب انخفاض كمية إنتاجها والإصابة بيه بتسبب الميل الزايد للموالح مع أعراض تانية زي:
- التعب الشديد وانخفاض الطاقة
- البشرة الشاحبة
- انخفاض ضغط الدم
- فقدان الشهية
- فقدان الوزن غير المبرر
- الإسهال المزمن
- ظهور بقع غامقة خاصة على الوجه
- قرح الفم
الضغط العصبي
- الدراسات أثبتت إن الأشخاص اللي بتاكل الموالح بكميات كبيرة جسمهم بينتج كمية أقل من الكورتيزول (هرمون التوتر) في أوقات التوتر
- الميل للموالح ممكن تبقى طريقة الجسم للتأقلم مع المواقف الضاغطة
الإصابة بمتلازمة بارتر والموالح
الأشخاص المصابة بيها جسمهم لا يمتص الصوديوم وبيتم فقدانه كليا من خلال البول، وهو من الأمراض اللي بتظهر عند الولادة، وبيصاحبه أعراض تانية زي:
- الولادة بوزن منخفض
- ضعف العضلات أو شدها
- انخفاض ضغط الدم
- الحاجة للتبول المتكررة
- الإمساك
- حصوات الكلى
الحمل والموالح
- الحمل بيسبقه أعراض مختلفة زي القيء والإسهال واللي بيسببوا جفاف الجسم مع تكرارهم
- الجسم بيميل لأكل الموالح بكميات كبيرة عشان يعوض عدم إتزان الجسم ووظائفه
متلازمة ما قبل الدورة الشهرية
قبل بدء الدورة الشهرية، بتمري بأعراض مختلفة منها:
- الصداع
- الغثيان
- العصبية
- التقلبات المزاجية
- الميل لأكلات معينة وخاصة الموالح واللي مع الوقت ممكن تتحول لإدمان
قلة النوم
الدراسات أثبتت إن الأشخاص اللي بيعانوا من اضطرابات النوم بيميلوا لأطعمة غير صحية وأهمها الأكل المالح والمقرمش وده بيسبب زيادة الوزن
نقص البوتاسيوم والمغنيسيوم
- الدراسات ربطت بين قلة المعادن دي في الجسم وبين إدمان الموالح
- مهم تعمل تحاليل تتأكد بيها من نسبتهم في جسمك
طرق التغلب على إدمان الموالح
اقرأ مكونات الأكل قبل شرائه لتجنب مصادر الملح الخفية اللي بتكون أسفل أسماء زي:
- (MSG)
- بيكنج صودا
- (Disodium Phosphate)
- (Sodium Benzoate)
خلي بالك إن أنواع الأطعمة قليلة الصوديوم وهي عبارة عن حوالي 25% من كمية الصوديوم في الأطعمة العادية وبالتالي لسة الكمية كبيرة عن الحد الطبيعي
خلي أكلك طازة وطبيعي أكتر زي الاعتماد بشكل أكبر على الفاكهة والخضار واختار اللحوم الطازة بدلا من الأنواع المحفوظة والمصنعة
اشرب كمية كافية من المياه لأن التعرق الزايد بيسبب التخلص من الكهارل المهمة في الجسم وبيصاحبه التخلص من نسبة الموالح فيه
أنواع الملح التانية زي ملح الكوشير أو ملح البحر فيهم نفس كمية الصوديوم لكن ليهم فوائد صحية تانية، فمهم تاخد بالك من الكميات المستخدمة منهم
ممكن تستبدل الملح بتوابل قوية تانية تعوض بيها طعمه زي الكمون والفلفل الأسود
تجنب الأطعمة الجاهزة زي الشوربات والمعجنات واعملها في البيت عشان تتحكم في مكوناتها وكمياتها
قلل كمية الملح المستخدمة في الطبخ يوميا تدريجيا عشان حليمات التذوق تتعود عليها
استبدل الموالح اللي بتميل ليها بأنواع أكتر صحية زي استبدال البطاطس الجاهزة بالجزر/ الكوسة المحمصة في الفرن
ممكن تستبدلها بالفشار الصحي بدون زيت
