المحتويات
الصوديوم هو أحد الكهارل اللي بتعمل على تنظيم كمية المياه في الخلايا وحواليها، والجسم بيحتاج منه كمية معينة موجودة في أطعمة مختلفة، وزيادته بتسبب مشاكل صحية خطيرة.
أهمية الصوديوم
ليه فوائد مهمة للجسم زي:
- الحفاظ على توازن السوايل في الجسم
- بيساعد على نقل النبضات العصبية
- ليه تأثير على تقلص العضلات واسترخائها
الكلى بتخزن الصوديوم في الجسم بشكل طبيعي للوصول لحالة صحية سليمة، وعند انخفاضه في الجسم الكليتين بيخزنوه حسب الضرورة، ولو زيادة بيتم التخلص منه عن طريق البول
أضرار زيادة الصوديوم في الجسم
لو الكليتين صعب عليها التخلص منه، بيتم تراكمه في الجسم ولأنه بيجذب المياه بيسبب زيادة الوزن
- بيضغط على الشرايين
- بيصعب عمل القلب بشكل طبيعي
- ممكن يسبب أمراض زي فشل القلب الاحتقاني
- بيعلي خطر الإصابة بتشمع الكبد
- بيزود فرص الإصابة بمرض الكلى المزمن
في أشخاص بيعانوا من حساسية الصوديوم زيادة عن غيرهم وبالتالي الجسم بيحتفظ بيه بكمية أكبر وده بيسبب احتفاظ السوايل بالجسم وزيادة ضغط الدم
لو الحالة دي مزمنة.. ده بيعلي خطر الإصابة بامراض القلب والسكتة الدماغية
أعراض نقص الصوديوم في الدم
بتختلف الأعراض من شخص للتاني والأشخاص اللي بيعانوا من انحفاض سريع وحاد فيه بتظهر عليهم أعرض زي:
- النوبات
- فقدان الوعي
- تورم الدماغ
- الغيبوبة
الأعراض الأكتر انتشارا هي:
- انخفاض الطاقة والشعور بالتعب
- الغثيان
- الضعف العام
- التقيؤ
- التشنجات العضلية
- صداع الرأس
- الالتباس
- التهيج
- التململ والتهيج
- ضعف القدرة على التركيز
أسباب نقصه في الجسم
في أسباب مختلفة ممكن تسبب انخفاض تركيزه، زي:
- الأدوية، فبعض الأنواع بتسبب عدم توازن السوايل في الجسم زي المسكنات القوية ومدرات البول ومضادات الاكتئاب
- الإصابة بالإسهال أو القيء والجفاف، لأنهم حالات بتسبب فقدان كمية كبيرة من سوايل الجسم وعدم انتظام كهارل الجسم
- الإفراط في تناول المياه، مهم تلتزم بالكمية المناسبة لسنك وجنسك لأن زيادة كميتها بتأثر على مستواه في الجسم
- العوامل الهرمونية، واللي سببها ممكن يكون الإصابة بالاضطرابات اللي بتأثر على توازنها في الجسم زي قصور الغدة الكظرية وداء أديسون واضطراب الغدة الدرقية
عوامل الخطر
في عوامل معينة ممكن تسبب إصابتك بنقصه زي:
- التقدم في العمر
- الانتظام على أدوية معينة زي مدرات البول
- ممارسة الأنشطة البدنية الشديدة زي الجري أو سباقات المشي والمسابقات الرياضية الشديدة
كمية الصوديوم المناسبة في اليوم
مؤسسة الإرشادات الغذائية للأمريكيين نصحت بتقليل كمية الصوديوم لأقل من 2300 ملجم في اليوم
مصادر الصوديوم
- الأطعمة المعالجة وسابقة التجهيز زي المخبوزات والبيتزا واللحوم المصنعة والوجبات السريعة
- الأطعمة الطبيعية فيها كمية من الصوديوم، بالرغم إنها قليلة إلا إن تناولها بكمية كبيرة ممكن يزود كميته في الجسم زي مشتقات الحلب واللحوم والأسماك القشرية
- ملح الطعام والتوابل وصوصوات تجهيز الأكل زي الصويا صوص، فكل معلقة كبيرة منه (15 مللي) فيها حوالي 1000 ملجم من الصوديوم
