المحتويات
الصداقة مفهوم أساسي في العلاقات الإنسانية وبتساعد الشخص يتبادل المشاعر مع أشخاص تانيين بيشاركوه جزء كبير من اهتماماته، وبتتبني العلاقة بناء على أسس كتير أهمها الصدق والأخوة والمحبة والثقة، وبالتالي ضروري تعرف أهميتها وطريقة اكتساب أصدقاء جدد بجانب مهارات التعامل مع الأصدقاء في المواقف المختلفة.
تعريف الصداقة
- الإنسان بيحتاج للتواصل مع الآخرين وبالتالي ظهر مفهوم الصداقة مع تطور المجتماعات لتنمية الرغبة دي
- والكلمة مشتقّة من الصدق وبالتالي هي علاقة إنسانية بتجمع بين الأشخاص وبعضهم من عناصرها الأساسية الصدق والتآخي والمحبة
- بيتبادل الأشخاص اهتماماتهم المختلفة ويحاول الشخص يتكيّف مع عيوب الطرف التاني ولكن ضروري يبقى فيه أرضية مشتركة للتواصل
- بعض الفلاسفة زي أرسطو بيقولوا إن الصداقة هي مجموعة المشاعر الإنسانية اللي بيحملها شخص للتاني وتشابه الأذواق بينهم
- بتعتبر ركن الأمان والحماية وقت مرور الشخص بلحظات الخوف والضعف والحزن للتعبير عن مشاعره بصدق وتلقائية
أهمية الصداقة وتأثيرها على الصحة
- دراسة في جامعة بنسلفانيا بتقول إن غريزة التواصل خارج دايرة الأهل أساسية عند الإنسان
- وبتأكد على ارتباط النجاح الاجتماعي وتكوين الصداقات بطول العمر والصحة الجيدة
- دراسة في جامعة آلتو في فنلندا بتأكد إن عدد الأصدقاء المقربين لكل شخص ثابت مش بيتغير
- رغم تبدلهم مع الوقت وظروف الحياة إلا إن العدد بيفضل ثابت
- أي اختلال في العدد بينعكس على الصحة الجسدية والنفسية
- دراسة في جامعة هارفارد اكتشفت وجود تأثير كبير من الأصدقاء على العادات والسلوكيات
- التدخين والعادات الغذائية وحتى الصفات زي الأنانية أو التسامح بتكتسب من الأصدقاء
- وبتأكد الدراسة ارتباط الأشخاص اللي بيتبعوا نظام حياة صحي بأصدقاء ملتزمين بنفس النظام
- ووصلت لاستنتاج إن أصدقائك بيسيبوا أثر على صحتك وتفاعلك الاجتماعي مع اللي حواليك
- دراسة في جامعة شيكاغو بتقول إن البعد عن أصدقائك المقربين بيسبب توتر واكتئاب وميل للسلوك العدواني
- وبيزود فرص الإصابة بأمراض القلب وضغط الدم اللي ممكن يؤدي للوفاة المبكرة
كيفية بناء الصداقات
- افتكر إن الموضوع مش هدف في حد ذاته لأن اكتساب الصداقة بسبب طبيعتك الشخصية ومدى التناغم مع الطرف التاني
- خليك بشوش ومنفتح على بناء العلاقات واعرف إنها مش ضروري تتحول لصداقة
- بلاش تنغلق على نفسك وتكتفي بدراستك أو شغلك وخلي عندك أنشطة تانية في يومك
- زي الاشتراك في دورات تدريبية مختلفة أو حضور المناسبات الخاصة بالأقارب أو ممارسة الرياضة ونزول الجيم
- ابدأ بفتح الحوار مع الأطراف المحيطة وابحث عن اهتمامات مشتركة طالما الموقف يسمح
- بادر باقتراح أنشطة مختلفة تقرّبك من الشخص اللي حاسس إنك ممكن تبقى صديقه
- ضروري تحترم رغبة الآخرين في عدم الذهاب والتفكير في بدائل معاهم للوصول لحل وسط
- راقب تصرّفات الشخص في المواقف المختلفة مع الآخرين وافتكر إنك هتبقى مكانهم في وقت معيّن
- وبالتالي هتقدر ترسم صورة كاملة عنّه في خيالك وتحدد إذا كان ممكن يبقى صديقك ولا لأ
- خليك طبيعي وبلاش تصطنع شخصية تانية غير حقيقتك واتصرف بعقليتك وبمبادئك
بناء الصداقة أونلاين
- تابع الأشخاص اللي بيتكلموا عن اهتماماتك وبيعبروا عن أفكارك
- تفاعل مع الناس اللي بينشروا تعليقات أو منشورات على موضوع معين
- قول رأيك سواء هتضيف حاجة أو هتشاركهم موافقتك على رأيهم
- ادخل على المجموعات اللي بتضم المهتمين بمجالات بتحبها.. فرص تكوين الصداقات فيها أكبر
- اختار موضوع تتكلم فيه لكل الأعضاء هناك ورد على التعليقات
- افتح كلام مع الناس لو بتلعبوا مع بعض أونلاين ومش شرط تبدأ بأسئلة شخصية
- اهتمامكم بلعبة واحدة والكلام عن تفاصيلها وعن الألعاب الشبيهة ممكن يخلق صداقة
- خليك مُجامل وعبر عن إعجابك بصورة أو بنجاح حققه
- اسمع الشخص لو بيكلمك عن حاجة تخصه واظهر اهتمامك بكلامه وأفكاره
- اسأله عن مجال تخصصه واعرف أكتر عن طبيعة حياته
- بس بلاش تفرط في الأسئلة الشخصية أو الكلام عن أدق تفاصيل حياتك
- لاحظ التوازن وشوف لو بيهتم برسايلك وبيرد عليها أو بيبدأ كلام معاك ولا لأ
- لو لقيت إن التوزان مش موجود الأحسن تقلل تواصلك معاه
- لو مهتم حاول تطور الصداقة وحدد معاد يناسبكم عشان تتقابلوا
التعامل مع صداقة من طرف واحد
- علامات كتير بتنبهك إنك في علاقة صداقة من طرف واحد
- زي إنك دايمًا الشخص المبادر في السؤال أو في اقتراح أي نشاط مشترك بينكم
- مش بتلاقي استجابة ترضيك.. وبتتغير معاملة الطرف التاني من فترة للتانية
- بتلاحظ تعامله مع أصدقاء آخرين بطريقة مختلفة عنّك
- اسأل حد تاني بتثق فيه عن رأيه في العلاقة لو مش قادر تقيّمها
- اتناقش مع الطرف التاني وافهم وجهة نظره قبل ما تنهي العلاقة
- ممكن يبقى مش حاسس بقيمته عندك أو معندوش حاجات كتير في حياته يشاركها معاك
- عبر عن مشاعرك بوضوح وخليها واقعية بناء على مواقف محددة
- اسمعه بتركيز وفكر في تبريره واعرف إن فيه جزء من القصة إنت مش شايفه
- اطلب اللي بتحتاجه طالما في حدود المعقول.. بلاش تفترض إن الطرف التاني عارف إنت محتاج إيه
- ركز مع نفسك وشوف إيه ممكن يمنعه من التفاعل معاك
- وافتكر لو بتبقى في نفس الموقف مع شخص واحد ولا بيتكرر على مدار حياتك
- قيّم العلاقة من بعيد وابعد عنه لفترة عشان تشوف رد فعله
- ووجه طاقة الحب والدعم ناحية الأشخاص اللي بيبادلوك نفس الطاقة
أنواع الأصدقاء
سهل الكلام
- شخص بتعرف تتكلم معاه بحرية عن كل اللي جواك وبكل صراحة
- لما بتطلب رأيه في موضوع بيكون محايد وموضوعي
- وبيحاول يدفعك للأفضل حتى لو اضطر يستخدم معاك بعض الشدة عشان يوصلك للطريق الصحيح
يعتمد عليه
- تقدر تعتمد عليه من غير قلق أو تفكير
- أول واحد موجود في أي موقف.. هتلاقيه مستنيك في المطار أو بيسلفك ملابسه لو عندك إنترفيو أو معاد مهم أو بيراعي أولادك لو عندك أي ظرف
- إحساسك دايما تجاهه إن واقف في ضهرك وده بيعزز إحساسك بالراحة والاتزان
المسلي
- الشخص اللي بتكون مبسوط معاه في الخروجات والسفر وحتى قضاء وقت في البيت
- بيقدر يغير ويحسن مودك
- غالبًا بيشاركك معظم اهتماماتك
صديق العمر
- الأنتيم أو الشخص صاحب أكبر قدر من الذكريات وموجود في معظم تفاصيل حياتك
- بيقدر يفهمك من غير ما تتكلم وتشرح له وبيعرف يسمعك كويس لو محتاج
- بيفضلك على نفسه ويضحي عشانك
- وفي وعلاقتكم قوية ومستمرة
- تجاوزت معاه تجارب قاسية وممتعة
- بيعرف ينصحك ويشاركك تفاصيل مختلفة حتى لو في اختلاف بين شخصيتكم
العابر
- علاقة عابرة وسطحية وغالبا بيحكمها مكان (زي الشغل أو الجامعة أو كورس) أو زمان (وقت معين من حياتك)
- صداقتكم بتقوم على الضحك والهزار والاستماع لبعض خاصة في الأمور المتعلقة بالسبب اللي جمعكم
- مش دايما بيكون موجود في الوقت اللي أنت محتاجه فيه لكن بيظهر في أوقات أنت مش بتتوقعها
- غالبا بتنتهي الصداقة أو بتبعد بانتهاء السبب اللي جمعكم
- مايعرفش كل التفاصيل عنك وعن شخصيتك والعكس
الاستغلالي
- بيستغل كرمك وعفويتك وطيبة قلبك وجدعنتك لكن بطريقة غير متبادلة
الشكّاي
- شخص على طول متضايق ومتذمر من حياته أو منك شخصيا ومصدر لطاقة سلبية
- دايما بيحسسك إنك مقصر معاه (أنت مابتسألش عليا إلا لما أكلمك/ أخيرًا افتكرتني)
- بيشتكي من حاله دايما حتى لو كان موضوع الحديث مشكلة تخصك أنت
