أنواع رخام المطابخ ونصايح قبل الشراء وطرق تنظيفه

رخام المطابخ من أهم العناصر الأساسية لديكور  المطبخ وبيضبف له شكل متناسق وجميل، وبيتوفر بأشكال متنوعة تتماشى مع أي استايل سواء مودرن أو كلاسيك، لكن مهم تختاره على أساس عوامل زي سهولة تنظيفة وقوة تحمله  ومقاومته للحرارة، لأنه جزء أساسي من تنظيم وتسهيل الأعمال اليومية في المطبخ.

نصايح لاختيار رخام مطابخ مناسب

• حدد ميزانيتك عشان تتجنب الأنواع الغالية زي الرخام الطبيعي
• اعمل سيرش عن الأنواع عشان تقدر تميز بين المميزات والعيوب
• اختيار لون رخام يتماشى مع لون أرضية مطبخ عشان تحافظ على تناغم مظهره
• اشتريه من محل موثوق ومعروف عشان تضمن جودته 
• الجرانيت والرخام الهندي الأفضل بين أنواع الرخام الصناعي لأنهم بيتميزوا بالصلابة  وعدم التأثر بدرجات الحرارة المختلفة
• مساحة المطبخ بتلعب دور في اختيار مساحة الرخام ولونه
• لو مساحة مطبخك ضيقة.. الأفضل عدم الإكثار من مساحته واختاره بلون فاتح 
• أما لو مساحته كبيرة.. تقدر تستخدم الرخام لتغطية أسطح المطبخ كافة

أنواع رخام المطابخ

الجرانيت

• من أشهر أنواع الرخام
• أنيق وعملي
• بيناسب المطابخ الفاخرة
• صلب وقوة التحمل عالية
•  مقاوم للحرارة
• مضاد للجراثيم والعفن
• سهل التنظيف
• متداخل الألوان 
• عمره طويل
• عيوبه: تكلفته عالية ووزنه تقيل

الكوارتز

• من أنواع الرخام اللي بتتميز بالمتانة والجودة العالية
• صلب وقوة التحمل عالية
• مضاد للجراثيم
• سهل التنظيف
• متعدد الألوان
• عمره طويل
• من عيوبه: وزنه تقيل وتكلفته عالية

رخام المطابخ من السيراميك

• بديل للرخام الحقيقي وممكن تدمجه مع الخشب أو المعدن
• مقاوم للحرارة والرطوبة
• سهل التنظيف
• سعره مناسب
• وزنه خفيف
• عيوبه: معرض للكسر والخدش وبيحتاج تنظيف بشكل مستمر

 الرخام

• حجر الرخام ألوانه متعددة ومتداخلة
• بيتميز بشكله الفخم والراقي
• أسعاره مناسبة
• صلب وقوة تحمله عالية
• مقاوم للحرارة
• عمره طويل
• عيوبه: مسامي وعرضة لتراكم الدهون وامتصاص السوائل ووزنه تقيل جدا ومعرض للخدش 

الرخام الصناعي

•  معدل بإضافة مواد كيماوية زي البوليستر وريزن وألواح الأوكسيد 
•  من مميزاته إنه مقاوم للاشتعال بسبب مادة هيدروكسيد الألمنيوم
• من عيوبه إنه سهل تعرضه للخدش والكسر وغير مقاوم للحرارة
• أنواعه: الكرار/ الكريول/ نيرو ماركينا/ سيلاكوجا/ ايتواه/ الأخضر السويدي

الحفاظ على الرخام وطرق تنظيفه

• تجنب التقطيع عليه بشكل مباشر لأن ممكن تسبب خدوش
• اهتم بتنظيفه من الدهون والبقع باستمرار
• استخدم فوطة وليفة ناعمة في التنظيف  
• تجنب استخدام المواد الكميائية واستبدلها بالمياه السخنة والخل لتطهير سطحه