المحتويات
تشطيبات الشقق بتمر بمراحل مختلفة عشان توصل لشكلها النهائي، سواء عن طريق المشتري اللي بيشتري شقة على الطوب الأحمر وبيستعين بشركة متخصصة أو مهندس لتصميم الأشكال النهائية للبيت، أو بتستلم الشركة مشطبة جزئيًا أو كليًا حسب نوع التشطيب.
أنواع تشطيبات الشقق
بدون تشطيب
- معروفة بـ(شقة على الطوب الأحمر) أو (على العضم)
- جدران مجرد طوب أحمر من غير أي تأسيسات للكهربا أو الغاز أو الصرف الصحي
- بتحتاج تجهيز أكتر من 100 ألف تقريبا
نص تشطيب
- جدرانها متغطية بالأسمنت (المحارة)
- فيها حلقان (حدود) الأبواب والشبابيك الخشب
- مواسير كهرباء ممدودة داخل الحائط بدون أسلاك ووصلات خارجية للمياه والصرف الصحي
تشطيب كامل
- فيها مواسير وأسلاك الكهرباء والأكباس وأجهزة الإضاءة
- السباكة الأساسية جاهزة بدون رفاهيات (حوض الحمام وحوض للمطبخ وتواليت)
- الأرضية متغطية بالبلاط
- فيها الأبواب والشبابيك ومدهونة
لوكس
- كاملة التشطيب بخامات متوسطة بدون أكباس كهربائية ووحدات الإضاءة وخدمات السباكة الأساسية فقط بدون أي كماليات (الأحواض والتواليت والبانيو القدم)
ألترا لوكس
- جاهزة بأعمال الكهرباء كاملة والسباكة تشمل العزل
- بتستخدم خامات جودتها عالية
- الأرضيات رخام أو باركيه أو بورسلين مستورد
- كاملة الدهانات
- فيها الأبواب والشبابيك بأنواع خشب جيدة
ديلوكس
- كاملة التشطيب مع الرفاهيات
- فيها ديكورات مختلفة زي الجبس بورد
- بتستخدم أحسن الخامات الموجودة في الشبابيك والخشب وإكسسوارات الحمامات
كيفية اختيار شركة لتصميم وتنفيذ الديكور
- ابحث عن شركة تقدر تشوف شغلها الجديد وتصميماتها المختلفة على الطبيعة مش بس في الصور
- اسأل شخص تعرفه لسه مشطّب شقته عن الشركة اللي اتعامل معاها واسأله عن متوسط التكلفة عشان تعرف لو الشركة مناسبة لميزانيتك ولا لأ
- ضروري تشوف شغل الشركة بدقة وتلاقي فيه حاجة قريبة من الستايل اللي عايزه في بيتك
- بلاش تنغلق على ترشيح واحد بس وشوف أكتر من شركة عشان تختار من بينهم
- اسأل عن التكلفة في كل شركة وقارن بين السعر والجودة المقدّمة
- لو عندك وجهة نظر معينة اتمسك بيها واعرضها عليهم وشوف لو قادرين على تنفيذها ولا لأ
- تقبّل نصائحهم لكن تجنّب الانصياع لطلباتهم الزيادة خصوصًا إنها هتزوّد في التكاليف بنسبة كبيرة
- اتعامل مع شركة بتصمملك كل الأجزاء في شكلها النهائي على الكومبيوتر عشان يبقى عندك تصوّر كامل تقدر تقارن بينه وبين الشغل اللي اتنفذ
- ضروري تتعامل مع شركة بتتعامل بنظام العقود عشان تسجل كل حقوقك وواجباتك
- اطلب منهم تحديد معاد نهائي للتسليم
- ضروري تتتابع عملية التشطيبات أول بأول وبلاش تسيب المتابعة لشخص تاني غيرك
- لو ظروف شغلك مش بتسمح اطلب صور مستمرة عشان تتأكد إن التشطيبات في طريقها للانتهاء
