المسامير متنوعة الأشكال والأنواع، وبالتالي مهم تعرف أسماء المسامير المختلفة واستخداماتها وأنواعها سواء كانت بتحتاج صواميل لدعمها أو خابور لتثبيتها في الحائط وبتتسمى مسامير اللف أو البورمة أو كانت من نوعية مسامير الشك لربط شيئين ببعض.
أنواع المسامير المختلفة
- مسمار رباط بمخ أسطواني أو كروي بصامولة وبيستخدم لربط الدواليب والآسرة
- المسمار المزوّد بمخ مسدس أو مربع لتثبيت أجزاء الكراسي في بعضها أو الكنب
- مسمار بورمة بمخ طاسة بيستخدم لتثبيت الأخشاب اللي سمكها رفيع
- لكن لو بمخ طاسة مشقوق بتعتبر مثالية لتثبيت أرجل وأجزاء الكراسي
- مسمار زاوية قائمة لازم معاه خابور بلاستيك لتعليق البراويز والستائر
- المسمار عادي شيشة ضروري لتثبيت الأخشاب الصناعية المستخدمة في الدواليب وخشب الأبلاكاج
- فيه منّه مقاسات كتير حسب الاستخدام سواء 2 أو 3 سنيتمتر
- مسمار الصنارة بيستخدم في تجميع أجزاء الأبلاكاج
- وبتتنوع المقاسات من 1.5 لـ 5 سنتيمتر
- مسمار إبرة غاطس بيستخدم في بعض المشغولات الفنية الدقيقة
- مسمار بورمة بمخ مربع بيستخدم في الوصلات اللي سمكها ووزنها كبير وبيعتبر من أقوى أنواع المسامير
- مسامير الرزة المفتوحة للشماعات وساعة الحائط والبراويز والستائر
- أما مسامير الرزة المقفولة بتستخدم بشكل أساسي لتركيب المطابخ
- مسمار بورمة الجبس دوره أساسي في مفصلات الشبابيك والأبواب والدواليب
- بتتنوع مقاساته من 1.5 لـ 10 حسب الحاجة
- مسمار بورمة مخ صاج بيستخدم بشكل أساسي في المطابخ والمسلح وبتتراوح مقاساته بين 2 لـ 10
فك مسمار بدون مفك
- امسك شاكوش وصوّب الضربات في إتجاه المسمار مباشرة
- استخدم إيد واحدة وخلي إيدك التانية بعيد
- البس جوانتي جلد سميك عشان تقلل الضرر على إيدك
- وجّه ضربات للمسمار في إتجاهات مختلفة سواء عليه مباشرة أو فوق طرفه البارز أو من تحته
- اخلط كمية متساوية من زيت WD-40 والأسيتون واملا بيهم زجاجة بخاخ
- رش منها على المسمار وكمّل ضرباتك القوية
- هات مفك عادة وحاول تخلع المسمار بيه عكس إتجاه عقارب الساعة
- لو مش راضي يفك اعمل عجينة من مسحوق التنضيف عليه معلقتين صغيرين مياه واخلطهم ببعض
- حط العجينة على المسمار وسيبها 15 دقيقة بعدها كرر محاولاتك تاني
- كرر لف المسمار بالمفك وعجينة المسحوق موجودة ولكن بكل قوتك واضغط بإيدك لتحت
- وجّه مسدس غاز ناحية المسمار لمدة 20 ثانية وبعدها غطي المسمار بالمياه الباردة
- كررها 3 مرات وبعدها جرّب فك المسمار تاني بالمفك
- لو فشلت في فكّه استشير فني متخصص
