المحتويات
الجرانيت من الصخور اللي استخدمت قديمًا للديكور في المعابد والمقابر المصرية القديمة واستمر استخدامها لحد دلوقتي بمختلف أنواعها وأشكالها، وبالتالي ضروري تعرف الأنواع والاستخدامات والأسعار وطرق إصلاح الخدوش اللي ممكن تظهر عليه.
تعريفه
- عبارة عن صخور نارية متداخلة بتبقى على مسافة عدة كيلومترات تحت سطح الأرض لأن تحت الأرض بتزيد الحرارة
- بتسمح الحرارة العالية بانصهار الصخور وتكوين الجرانيت
- بتعتبر حبايباتها كبيرة وبالتالي سهل تشوفها بالعين المجردة
- بيتكون من الكوارتز والفلسبار مع كميات بسيطة من الميكا والأمفيبول ومعادن تانية
أنواع الجرانيت
حول العالم
- الزمرد لؤلؤة الجرّانيت وهو موجود شمال أوروبا وبتختلف درجات لونه حسب المنطقة المستخرج منها
- العاج البني اللي بيتركز في الهند وبيتميز بخلفية لونه البني وبالتالي بيزيد استخدامه في الأرضيات.
- تان براون وهو مشابه لجرانيت العاج البني في اللون والاستخدام
- روسو سانتياغو وبيتركز في الأرجنتين يتميّز بلونين البيج والأسود
- أنجولا الفضي وبيزيد تواجده في أفريقيا وتحديدًا أنجولا وهو مميز بلونه الفضي وهيكله المنتظم وبيعتبر من الأنواع الصلبة المقاومة
- سان فرانسيسكو الأخضر من البرازيل ويُستخدم في البناء وفي تزيين الأرضيات
- الأحمر الأفريقي موطنه الأصلي جنوب إفريقيا ويتميز بلونه الأحمر الممزوج بالأسود
- ألاسكا الأبيض المميز بخلفيته الأبيض ولكن اللون الغالب عليه هو درجات البني من الفاتح للداكن وهو النوع الأساسي لتزيين المباني من الداخل والخارج
داخل مصر
- جاندولا هو مزيج بين الرمادي والبيج والقطع الصغيرة منّه بتستخدم في المطابخ أما الكبيرة بتستخدم في المحلات التجارية
- بيانكو حلايب هو من أنواع الجرانيت الأبيض وبيستخدم في النافورات والأرضيات والحوائط وبيتسمى حلايب أبيض أو حلايب وايت
- فيردي غزال من الجرانيت الأخضر وبيعتبر عملي للمطابخ والحمامات لأنه مقاوم لليمون والخل
- أصفر فيردي يعتبر من أنواع الجرانيت الأصفر وبيستخدم في الأرضيات والجدران
- أحمر أسوان غامق ومنه نوعين أحمر أسوان داكن وأحمر أسوان فاتح وبيستخدم في وجهات المباني والجدران الداخلية والنوافير والمواسير والسلالم
- روزا النصر هو من أشهر أنواع الجرانيت في مصر وبيستخدم في الأرضيات والمطابخ والجدران والسلالم والتطبيقات الداخلية والخارجية للمباني
- روزا نوفا وهو نوع متنوع الاستخدام وبيعتبر مزيج بين الوردي والرمادي
- روزا هودي وهو من أنواع الجرانيت الأحمر وبيصنع منّه الموازيك والجدران المائية والنافورات ولوحات الحوائط الداخلية
- أحمر الغردقة وهو نوع جرانيت لونه أحمر متداخل مع الأسود ومتنوع الاستخدامات
مميزات الجرانيت عن الرخام
- بيعتبر أكثر صلابة وبيقل تعرضه للمنحنيات
- سطحه بيستمر في اللمعان لفترة طويلة
- مش بيتطلب مجهود كبير في التنضيف مقارنة بالرخام
متوسط السعر في مصر
- بتتراوح قيمته من 110 جنيه للمتر وبتوصل لـ 500 أو 700 جنيه وفقًا للسمك والنوع وبيعتبر سعره أغلى من الرخام
إصلاح خدوش الجرانيت
- مرر إيدك عليه عشان تحدد لو الشرخ عميق ولا لأ واعرف إن وجود الشروخ السطحية طبيعي وأحيانًا بيبقى جزء من مظهر سطحه
- اسنده بقطعة حديد أو خشب تحتها عشان تحميها من السقوط خصوصًا لو الشرخ عميق
- حدد مكان الشرخ بشريط لاصق حواليه ونضّفه بقطعة قماش جافة عليها مزيل طلاء الأظافر (الآسيتون)
- اخلط مقدارين من لاصق الإيبوكسي على مقدار واحد من مسحوق الجرانيت (بيتباع أونلاين أو في أماكن بيع الرخام)
- املا الشقوق بالمعجون الجديد وسيبها لحد ما تجف تمامًا وضيف طبقة تانية بعدها ونضّفه من أي بقايا للمعجون بسكين حاد أو شفرة حلاقة جديدة
- مرر عليها ورقة صنفرة كبيرة أو جهاز الصنفرة الدائري