أنواع الافرازات المهبلية الطبيعية والمرضية ونصايح للوقاية

الافرازات المهبلية بتكون شيء طبيعي، بتزيد في بعض الأوقات زي فترة التبويض أو أثناء الرضاعة الطبيعية، وممكن تكون عرض مرضي لعدوى أو التهاب، وبتقدر تميز النساء بين الطبيعية عن غيرها من خلال اللون والقوام والريحة.

أنواع الافرازات المهبلية

بتتقسم لنوعين رئيسين طبيعية ومرضية وكل نوع بيتقسم لأنواع تانية:

الطبيعية

الافرازات البيضاء

•  بتظهر في فترة قبل الدورة الشهرية وبعدها
• مش بيصاحبها حكة أو ريحة نفاذة

الافرازات الشفافة والمطاطية

• اسمها مخاط الخصوبة وبتشير لحدوث التبويض

الافرازات الشفافة والمائية

• بيتحصل في أوقات مختلفة زي وقت الاثارة الجنسية، والتوتر العاطفي أو بسبب تناول موانع الحمل
• وبتكون سميكة أكتر بعد التمارين الرياضية

الإفرازات البنية

• بتظهر بعد انتهاء الدورة الشهرية على طول وهي ضرورية لتنظيف المهبل من الدم القديم وده سبب لونها الغامق
• لكن لو استمر ظهورها في أوقات مختلفة من الشهر ضروري تستشيري دكتور

غير الطبيعية

افرازات بيضاء سميكة

• لو صاحبها أعراض تانية زي الحكة والحرقان والتهيج، ممكن يكون دليل على الإصابة بعدوى فطرية

الإفرازات الصفراء

• لو صاحبها ريحة كريهة بتكون علامة على عدوى بكتيرية أو منقولة جنسيا

الإفرازات الخضراء

• علامة على الإصابة بعدوى بكتيرية أو مرض سببه الاتصال الجنسي زي داء المشعرات

الإفرازات الدموية أو البنية

• في بعض الأحيان بتكون علامة على الحمل
• لكن لو صاحبها ألم في الحوض ممكن تكون علامة على الإجهاض أو دورات شهرية غير منتظمة بتدل على الإصابة بسرطان عنق الرحم أو بطانة الرحم

أسباب الإفرازات المهبلية غير الطبيعية

العدوى الفطرية 

• حالة منتشرة بين النساء، وعادة الإفرازات بتكون بيضاء وريحتها كريهة وسميكة متجبنة وبتصاحبها حكة وحرقة
• بتنمو فطريات صحية في المهبل بشكل طبيعي، لكن في بعض الأوقات بيحصل خلل بيأدي للعدوى لأسباب زي:

1. الإصابة بمرض السكري
2. استخدام حبوب منع الحمل
3. الإفراط في استخدام المضادات الحيوية

 البكتيريا المهبلية

• عادة بتصاب النساء بالتهاب المهبل الناتج عن العدوى البكتيرية، ومعروف بـ(داء المهبل الجرثومي) بينتج عنه عدم التوازن الطبيعي للبكتيريا الموجودة في منطقة المهبل

داء المشعرات 

• هو عدوى بتنتقل عبر الاتصال الجنسي أو ملامسة المريض أو أدواته الشخصية، زي مشاركته الملابس أو الفوط
• بيسبب ظهور إفرازات صفراء أو خضراء بريحة كريهة مع حكة وألم والتهاب

فيروس الورم الحليمي البشري

• أو سرطان عنق الرحم، وبيسبب إفرازات مهبلية بنية دموية وريحتها كريهة

التهاب الحوض

•  عدوى بتنتقل من الاتصال الجنسي بيأدي لانتشار البكتيريا لباقي الأعضاء التناسلية
• عادة بيتعالج بمضادات حيوية قوية عن طريق الفم أو بالحقن

السيلان والكلاميديا 

• من الأمراض اللي بتنتقل من خلال الاتصال الجنسي
• وبيتضمن أعراضهم إفرازات مهبلية صفراء أو خضراء غير طبيعية

نصايح  للوقاية من الافرازات المهبلية غير الطبيعية