المحتويات
زيوت لتطويل الشعر هي الأساس وقت البحث عن حلول طبيعية لزيادة كثافة الشعر وقوته وتغذيته بدون أي إضافات كيماوية، وبعض الخلطات (الماسكات) بتساعد على نمو الشعر بطريقة صحية وأسرع وبتمدّه بالفيتامينات اللازمة للوصول للطول الصحي وشكله اللامع.
أفضل زيوت لتطويل الشعر
زيت جوز الهند
- بيحتوي على أحماض أمينية بتسمح باختراق الشعر بجانب إنه غني بالفيتامينات اللازمة لنمو الشعر وبيعتبر مناسب لجميع أنواع الشعر سواء الجاف أو التالف أو الباهت وبيصلح الشعر الهش والمتساقط
زيت الأرجان
- الأرجان بيتقال عليه الزيت المغربي وبيعتبر من أكتر الزيوت المفيدة للشعر لأنه غني بفيتامين E ومضادات الأكسدة والأحماض الدهنية وبيحمي الشعر من التلف وبيرطب وبينعم الشعر
- الخبراء بيأكدوا إنه من أكتر أنواع الزيوت المناسبة للشعر اللي بيتعرض بانتظام للحرارة والتصفيف اليومي
زيت اللافندر
- بينظم إفراز الدهون في الشعر وبيقلل فرص تساقط الشعر وغني بمضادات الأكسدة اللي بتقوّي البصيلات
زيت الجوجوبا
- بيمنع القشرة وجفاف فروة الرأس وبيزوّد فرص لمعان الشعر وبيحتوي على خصائص مضادة للبكتيريا
- بيعتبر الاختيار المثالي للأشخاص اللي بيعانوا من مشاكل قشرة الرأس وفروة الرأس الجافة
زيت الزيتون
- بيحمي زيت الزيتون الشعر من أضرار التعرض المستمر للحرارة وإعطائه المظهر اللامع
- بيزوّد غذاء الشعر وبيمنح الشعر المقصف والمكسور شكل مميز
زيت الروزماري
- غني بالمواد الكيميائية الطبيعية اللي بتعتبر عنصر أساسي لتغذية بصيلات الشعر
زيت بذور العنب
- بيرطب الشعر وبيخليه قوي وصحي وبيعالج تجعد الشعر وتقصّفه
- الدراسات بتأكد إنه بيقلل إنتاج الهرمون المسبب لتساقط الشعر
طريقة استخدام زيوت لتطويل الشعر
- الخبراء بينصحوا إنك تخففي أي زيوت طبيعية لتطويل الشعر بزيت جوز الهند أو زيت الزيتون
- وبعدها ادهني شعرك بمعلقتين من كمية الزيت المخففة بزيت جوز الهند أو الزيتون
- غطي شعرك بكيس الاستحمام لمدة مش أقل من 30 دقيقة وبعدها اغسلي شعرك كويس بالمياه الفاترة والشامبو
- ممكن تستخدميه كمرطب للشعر عن طريق وضع قطرات بسيطة على الإيد بعد تجفيف الشعر ودعك فروة الرأس بالإيد قبل تسريح الشعر مرة تانية
ماسكات لتطويل الشعر
- دفي معلقة صغيرة من زيت الخروع واعملي مساج لفروة رأسك بيه 4 دقايق وسيبيه نص ساعة وبعدين اغسليه
- اخلطي معلقة صغيرة قرفة مع معلقة صغيرة زيت جوز هند واعملي بيه مساج لفروة رأسك وسيبه 20 دقيقة وبعدين اغسليه
- أو اخلطي معلقة زيت جوز هند مع معلقة صغيرة عصير ليمون ونص علبة زبادي وبيضة ووزعيه على خصل شعرك وغطيه بفوطة ساخنة وسيبيه 20 دقيقة واغسليه بمياه دافية وشامبو
- ممكن تخلط معلقة صغيرة زيت جوز هند مع معلقة صغيرة عسل أبيض ومعلقة كبيرة زيت أفوكادو واعمل بيه مساج لفروة رأسك وبعدين وزعيه على خصل شعرك وسيبيه ربع ساعة واغسليه بمياه دافية وشامبو وبعدها استخدمي البلسم
- انقعي ربع كوب بذر كتان في مياه طول الليل والصبح ضيفي عليه كوبايتين مياه وسيبيه يغلي ولما يتقل وطي النار وضيفي عصير نص ليمونة وبعد دقايق اطفي النار وسيبيه يهدى تماما
- وضيفي قطرات من زيت أساسي زي اللافندر واعملي بيه مساج لشعرك وسيبيه 30 دقيقة وبعدين اغسليه بمياه باردة
