المحتويات
حساسية الصدر من أكتر أمراض الجهاز التنفسي انتشارا بين الناس، بسبب استنشاق الغبار والأتربة والدخان، وليها أسباب مختلفة زي تورم وتضييق الممرات الهوائية نتيجة تأثير محفزات الحساسية.
أعراض حساسية الصدر
هي من أكتر أنواع الربو انتشارا وبتحصل نتيجة استجابة الجهاز المناعي لتأثير بعض المحفزات على عكس أنواع الربو التانية اللي بتحصل نتيجة استجابة الشعب الهوائية للمحفزات
وبالرغم من اختلاف المحفزات إلا إن الأعراض متشابهة وتتلخص في:
- السعال وخاصة بالليل
- ضيق في التنفس
- صدور صوت يشبه الصفير أثناء التنفس
- ألم وضيق الصدر
- الشعور بالضغط على الصدر
ممكن يصاحبها أعراض تانية زي حساسية الغذاء أو حساسية الأنف واللي ممكن تسبب أعراض تانية زي:
- العطس
- الطفح الجلدي
- حكة في العيون والدموع
- انسداد الأنف
مهيجات حساسية الصدر
لما الشخص يصاب بأي نوع من أنواع الحساسية، الجهاز المناعي بينتج بروتين اسمه الجلوبيولين المناعي نوع (IgE) كرد فعل تجاه مثيرات الحساسية وبالتالي تحفيز مواد التهابية تانية زي زي الهستامين
المركبات دي بتسبب التهاب في الممرات الهوائية وتضيقها وتجمع المخاط السميك فيها، وده بيسبب صعوبة التنفس وظهور أعراض تانية
المهيجات والمثيرات تتضمن:
- حبوب اللقاح الموجودة في الرياح
- لعاب أو شعر أو فرو أو مخلفات الجلد الميت للحيوانات المنزلية الأليفة
- التراب المنزلي
- الحشرات وفضلاتها
- جراثيم العفن
- الغبار والدخان
- التعرض للهواء البارد أو ممارسة الأنشطة فيه
- التعرض للأتربة الناتجة عن احتراق التبغ أو البخور أو الشموع
- استنشاق مواد رائحتها قوية زي العطور
- التعرض للروائح والأبخرة الناتجة عن مساحيق التنضيف
- استخدام بعض المسكنات زي الايبوبروفين والنابروكسين وأدوية ارتفاع ضغط الدم
- الإصابة ببعض الأمراض التنفسية المعدية زي الزكام والانفلونزا
أعراض نوبة الحساسية الصدرية
بتختلف عدد مرات الإصابة والمهيجات ومدة استمرار النوبة وشدتها من شخص لآخر، وتشمل:
- التنفس بصعوبة كبيرة
- السعال المستمر
- التنفس بسرعة
- ضغط وضيق شديد في الصدر
- المرور بنوبات هلع
- ارتفاع صوت صفير التنفس
- صعوبة في الكلام
- شحوب البشرة
- التعرق الشديد
- تقلصات في عضلة الرقبة والصدر
- تحول لون الشفايف والأظافر للون الأزرق
- تفاقم الأعراض حتى بعد تناول الأدوية أو استخدام البخاخة
عوامل خطورة الإصابة بيها
في فئات أكتر عرضة للإصابة بيها أكتر من غيرهم، وهم:
- العمل في مكان فيه تعرض لمواد كيميائية
- العمر، فنسبة الإصابة بتزيد مع التقدم فيه
- الجنس، لأن نسبة الإصابة أعلى بين السيدات عن الرجال
- السكن في مكان فيه نسبة تلوث عالية أو في مجموعة من المصانع
طريقة علاج حساسية الصدر
- أدوية موسعة للقصبات الهوائية: تكون عادة على شكل بخاخات اللي بتعمل على توسعة القصبات الهوائية وزيادة القدرة على التنفس
- الستيرويدات: وهي أدوية لتقليل التهاب القصبات والممرات الهوائية
- إعطاء الأكسجين: بعد فحص نسبة الأكسجين أثناء الراحة وبعد التمارين الرياضية يحدد الطبيب لو كنت محتاج بخاخة للأكسجين
- اتباع برنامج صحي لإعادة التنفس كما كان، وبيشمل:
- ممارسة بعض التمارين لتحسين طريقة التنفس
- اتباع نظام غذائي صحي
- أخذ اللقاحات السنوية: عادة بتسبب حساسية الصدر التهابات في الرئة، فمهم أخذ اللقاحات السنوية للتخفيف من الالتهابات
